R03DX07 Рофлумиласт¹ (Roflumilast)
Қолдану көрсеткіштері
Анамнезіндегі жиі асқынумен ересек пациенттердегі созылмалы бронхитпен астасқан ауыр ағымдағы (бронходилатациядан кейінгі бір минуттағы қарқынды дем көлемі (ҚДК1) есептелген тиісті көрсеткіштен 50% төмен болуы тиіс) өкпенің созылмалы обструкциялық ауруын (ӨСОА) емдеуде, бронходилатациялық емге қосымша демеуші ем ретінде.Клиникалық хаттама: 1. Өкпенің созылмалы обструкциялық ауруы
-
Клинические протоколы:
- Хроническая обструктивная болезнь лѐгких
Қарсы көрсеткіштері
Рофлумиластқа немесе препараттың кез келген басқа компонентіне аса жоғары сезімталдық.
Қауіпсіздік шаралары
Ентігудің жедел ұстамасын емдеуге арналмаған. Дене салмағы төмен пациенттер өз салмағын ұдайы бақылап тұруы қажет. Күрделі иммунологиялық аурулары (АИТВ-инфекция, жайылған склероз, жүйелі қызыл жегі, үдемелі мультифокальді лейкоэнцефалопатия сияқты); инфекциялық аурулардың жедел ауыр немесе латентті түрлері (туберкулез, вирусты гепатиттер, қарапайым герпес вирусы және белдемелі герпес); қатерлі ісіктері (базальді-жасушалық карциномадан басқа) бар пациенттерде; иммуносупрессанттармен (метотрексат, азатиоприн, инфликсимаб, этанерсепт, кортикостероидтарды пероральді ұзақ уақыт қабылдау) ем қабылдайтын пациенттерде, ауыр іркілісті жүрек жеткіліксіздігі бар пациенттерде қолдануға болмайды. Психикалық бұзылыстар қаупінің жоғарылауы: инсомния, үрейлену, ашушаңдық және депрессия, сирегірек суицидтік ойлар және мінез-құлықтар, соның ішінде аяқталған суицид. Анамнезінде суицидті ойлар және мінез-құлқының пайда болуымен астасқан депрессиясы бар пациенттерде қолданбау.
Дәрілік заттармен өзара әрекеттесуі
CYP 3A4 цитохром тежегіштері (эритромицин және кетоконазол) - PDE4 жалпы тежеуші белсенділігінің 9%-ға ұлғаюы (яғни, рофлумиласт және рофлумиласт N–оксиді жалпы экспозициясының).CYP1A2/3А4 тежегіштері эноксацин және CYP1A2/2С19/3A4 тежегіштері циметидин және флувоксамин - әсерінің және тұрақты төзімсіздігінің күшеюі.P450 цитохром күшті тежегіштері (мысалы, фенобарбитал, карбамазепин, фенитоин) - рофлумиласт емдік тиімділігінің төмендеуі.Теофиллин - PDE4 жалпы тежеуші белсенділігінің 8%-ға жоғарылауы, бір мезгілде қолданбау.Құрамында гестоден және этинилэстрадиол бар пероральді контрацептивтер - PDE4 жалпы тежеуші белсенділігі 17%-ға артқан.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Бауыр жеткіліксіздігі
Бауыр жеткіліксіздігінің орта немесе ауыр түрінде қарсы көрсетілген.
Жүктілік
Қолданбау.
Емізу
Қолданбау.
Жағымсыз әсерлері
Жиі: салмақтың және тәбеттің төмендеуі, диарея, жүрек айнуы, іштің ауыруы, сирегірек гастрит, құсу, кекіру, ас қорытудың бұзылысы, гастроэзофагеальді рефлюкс, диспепсия, дәм сезудің төмендеуі, қанды нәжіс, іш қатуы; бас ауыруы, ұйқының бұзылуы, сирегірек мазасыздық, тремор, бас айналуы, жайсыздық, астения, депрессия, жоғары қозғыштық, суицидальдік ойлар және мінез-құлық.Сирек: аса жоғары сезімталдық, бөртпе, есекжем, ангионевроздық ісіну; жүрек қағуы, бұлшықеттің ауыруы және түйілуі; гинекомастия; тыныс алу жолдарының инфекциялары (пневмонияны қоспағанда); бауырдың ұлғаюы, трансаминаза және креатинфосфокиназа деңгейінің жоғарылауы; тер бөліну.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Балаларда қолданылуы
18 жасқа дейінгі балаларда тиімділігі мен қауіпсіздігі бойынша деректер жеткіліксіздігіне байланысты қарсы көрсетілген.