R03BB06 Гликопирроний бромиді (Glycopyrronium bromide)

Қолдану көрсеткіштері

Өкпенің созылмалы обструкциялық ауруы бар ересек пациенттердегі симтомдарды жеңілдету үшін демеуші бронхолитикалық ем.Клиникалық хаттама:   1. Өкпенің созылмалы обструкциялық ауруы
    Клинические протоколы:
  1. Хроническая обструктивная болезнь лѐгких

Қарсы көрсеткіштері

Гликопирронийге немесе кез келген қосымша затқа асқын сезімталдық.

Қауіпсіздік шаралары

Шұғыл көмек құралы болып табылмайды! Бронх түйілуінің жедел көріністерін басу үшін пайдаланбау керек. Келесі жағдайларда тез арада қабылдауды тоқтату және баламалы емді тағайындау қажет: аллергиялық реакцияның, соның ішінде ангионевроздық ісіну, есекжем немесе тері бөртпесінің дамуын айғақтайтын белгілер пайда болғанда; парадоксальді бронх түйілуінде; жабық бұрышты глаукоманың жедел ұстамасында; тұқым қуалайтын галактозаны көтере алмаушылық, Lapp-лактаза тапшылығы немесе глюкоза-галактоза мальабсорбциясында.

Бүйрек жеткіліксіздігі

Шумақтық сүзілу жылдамдығы 30 мл/мин/1,73 м2 төмен болғанда  күтілетін пайда ықтимал қауіптен жоғары болған жағдайда ғана қолданылады.

Бауыр жеткіліксіздігі

Дозасын түзету талап етілмейді.

Жүктілік

Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін.

Емізу

Ана үшін күтілетін пайда сәби үшін ықтимал қауіптен жоғары болған жағдайда қолданылуы мүмкін.

Жағымсыз әсерлері

Жиі: назофарингит, ұйқысыздық, бас ауыруы, ауыздың құрғауы, гастроэнтерит, несеп шығару жолдарының инфекциялары;Жиі емес: ринит, цистит, асқын сезімталдық, ангионевроздық ісіну, гипергликемия, гипестезия, жүрекшелер фибрилляциясы, жүрек соғуын сезіну, мұрын қуыстарындағы іркілісті құбылыстар, өнімді жөтел, жұтқыншақтың тітіркенуі, мұрыннан қан кету, диспепсия, тіс жегісі, бөртпе, қышыну, аяқ-қолдың ауыруы, кеуде қуысының қаңқа бұлшықеттерінің ауыруы, дизурия, несеп іркілісі, шаршау, астения.

Балаларда қолданылуы

18 жасқа дейінгі балаларға қарсы көрсетілген.