N05BB01 Гидроксизин (Hydroxyzine)

Қолдану көрсеткіштері

Ересектердегі үрейді симптоматикалық емдеу; шығу тегі аллергиялық тері қышынуы симптомдарын жеңілдету, холинергиялық және физикалық типтерді қоса; ересектер мен балалардағы атониялық және жанаспалы дерматит;Клиникалық хаттама:   1. Шашыранды склероз
    Клинические протоколы:
  1. Рассеянный склероз

Қарсы көрсеткіштері

Гидроксизинге немесе препарат компоненттерінің кез келгеніне; цетиризинге немесе пиперазиннің басқа туындыларына, аминофиллинге немесе анамнездегі этилендиаминге жоғары сезімталдық; порфириядан зардап шегетін науқастар; жүре пайда болған немесе туа біткен QT аралығы ұзарған науқастар; бұрынырақ күрделі антигистамин-индукцияланған жағымсыз бронх-өкпе әсерін сезінген, демікпесі бар науқастар; сирек тұқым қуалайтын галактоза жақпаушылығы проблемалары, лактаза тапшылығы немесе глюкоза-галактоза мальабсорбциясы бар науқастар.

Қауіпсіздік шаралары

Гидроксизинмен емдеуді жүрек аритмиясымен байланысты болуы мүмкін белгілер мен симптомдар туындағанда тоқтату керек және пациенттер дереу медициналық көмекке жүгінуі тиіс.Төмендегі жағдайлардан зардап шегетін пациенттерге де сақтықпен пайдалану керек: құрысу бұзылыстары, эпилепсияны қоса, миастения гравис, деменция, АІЖ перистальтикасының төмендеуі, қуық түтігінің обструкциясы, стеноздаушы ойықжара ауруы, тыныс алуы бұзылған пациенттер (мысалы, эмфизема, созылмалы бронхит),  жоғары көзішілік қысым, гипертиреоз,  жүрек-қантамыр жүйесінің ауруы, гипертония. Препараты бұл популяциядағы гидроксизин шығарылуының төмендеуіне және жағымсыз әсерлердің (мысалы, антихолинергиялық әсерлер) үлкен қаупіне байланысты егде пациенттерге ұсынылмайды. Егде жастағы пациенттерге таралу көлемінің ықтимал ұлғаюына, ұзақ әсерге және бауыр метаболизмі мен бүйрек экскрециясын қоса, жас өзгерістерінің фармакологиялық функцияларға ықтимал әсеріне байланысты гидроксизин дозасын төмендету ұсынылады. Препаратты бір уақытта басқа орталық жүйке жүйесін бәсеңдететін препараттармен немесе антихолинергиялық әсерге ие препараттармен пайдаланғанда дозаны түзету талап етілуі мүмкін. Емді аллергияға қатысты тері сынамаларын жүргізуге дейін бір апта бұрын және метохолинге сынамаларға дейін 96 сағат бұрын тоқтата тұру керек.

Дәрілік заттармен өзара әрекеттесуі

Метахолинге сынама - сынама нәтижелеріне ықпал етуден аулақ болу үшін метохолинге сынама жүргізу алдында 96 сағат шінде емді тоқтату керек.Аллергияға тері сынамалары-  аллергияға тері сынамасын жүргізу алдында кемінде бір апта бұрын емді тотату керек Барбитураттар, бензодиазепиндер, ұйықтататын дәрілер, апиындар, анксиолитиктер, психозға қарсы дәрілерге, антидепрессанттар, құсуға қарсы дәрілер, эпилепсияға қарсы дәрілер, басқа антигистаминдік препараттар, қаңқа бұлшықетінің релаксанттары, седативті дәрілер, анестетиктер  -  ОЖЖ басады. Антихолинэстеразалық препараттар - гидроксизин антихолинэстераза препараттарының антагонисті ретінде әсер етеді;Бетагистин - гидроксизин бетагистин әсерінің антагонисті ретінде әсер етеді;Циметидин  - гидроксизиннің сарысудағы концентрациясын арттыратыны және цетиризин метаболитінің ең жоғарғы концентрациясын төмендететіні көрсетілген.

Бүйрек жеткіліксіздігі

Сақтықпен қолданған жөн.

Бауыр жеткіліксіздігі

Бауыр функциясы бұзылған пациенттерге тәуліктік дозаны 33% азайтылуы тиіс. Препаратты қабылдау күрделі бауыр аурулары бар пациенттерге ұсынылмайды.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Қан және лимфа жүйесі тарапынан болатын бұзылыстар: агранулоцитоз, лейкопения, гемолиздік анемия, тромбоцитопения; Иммундық жүйе тарапынан болатын бұзылыста:аллергиялық реакциялар, анафилаксиялық шок, ангионевроздық ісіну; Зат алмасу және тамақтану бұзылыстары: порфирия, анорексия Психикалық бұзылыстар: қозу, үрей, сананың шатасуы, бағдардан адасу, елестеу, ұйқының бұзылуы, қорқынышты түстер, депрессия; Жүйке жүйесі тарапынан болатын бұзылыстар: дискинезия, ұйқысыздық, седативті әсер, қалғу, бас айналуы, сылбырлық, бас ауыруы, тремор және құрысу, психомоторлық бұзылыстар, парестезия, экстрапирамидальді әсерлер, ұстамалар, кома, ұйқышылдық, назар аударудың бұзылуы, еріктен тыс қозғалыс белсенділігі,атаксия, анық сөйлемеу, ауыздағы күю сезімі, бозару. Көру ағзалары тарапынан болатын бұзылыстар: аккомодация бұзылуы, анық көрмеу. Есту және тепе-теңдік ағзаларының бұзылуы: құлақтың шулауы, лабиринтит, бас айналуы; Жүрек-қантамыр жүйесі тарапынан болатын бұзылыстар: арыншалық аритмия (мысалы, «пируэт» типті екіге бағытталған қарыншалық тахикардия),  ЭКГ-ге QT аралығының ұзаруы, тахикардия, жиі жүрек қағуы, гипотония, гиперемия; Тыныс алу жүйесі тарапынан болатын бұзылыстар: бронх түйілуі, тыныс алу ағзалары бөліністерінің қоюлануы, ысқырық дем, мұрын бітелуі, тамақтың құрғауы. Асқазан-ішек жолы тарапынан болатын бұзылыстар: іш қату, ауыздың құрғауы, жүрек айнуы, құсу, жоғары асқазан рефлюксі, диарея, эпигастральді аймақтың ауыруы, АІЖ жоғары перистальтикасы; Гепатобилиарлық жүйенің бұзылуы: бауыр функциясының бұзылуы 

Балаларда қолданылуы

Салмағы 40 кг дейін бірақ 6 жастан кіші емес балалар - ең жоғарғы тәуліктік доза күніне 2 мг/кг құрайды. Салмағы 40 кг астам балалар мен жасөспірімдер- ең жоғарғы тәуліктік доза күніне 100 мг құрайды. 6 жастан үлкен балалар- 15-25 мг бастап және баланың салмағына байланысты күнделікті 50-100 мг дейін ұлғайта отырып бірнеше қабылдауға.