Леветирацетам¹ (Levetiracetam)

Қолдану көрсеткіштері

Монотерапия ретінде емдеуде:- алғаш диагностикаланған тырыспасы бар 16 жастағы және одан асқан жасөспірімдер және ересектердегі екіншілік жайылумен немесе онсыз парциальді ұстамалар.Емдеу кезінде көмекші ем ретінде:- тырыспасы бар 1 жастан асқан балалар және жасөспірімдер, ересектердегі екіншілікті жайылумен немесе онсыз парциальді ұстамаларды;- миоклонустық тырыспасы бар ересектер мен 12 жастан асқан жасөспірімдердегі миоклонустық құрысуларды;- идиопатиялық жайылу тырыспасы бар 12 жастан асқан жасөспірімдер мен ересектердегі бастапқы-жайылулы тонусты-клонустық ұстамаларды.Жұту актісі қиындатылған пациенттерге препаратты инъекция түрінде пайдалануға болады (ересектер және 4 жасқан асқан балалар).

Клинические протоколы:

Қарсы көрсеткіштері

Пирролидонның басқа туындыларына, леветирацетамға немесе препараттың кез келген қосымша компонентіне асқын сезімталдық.

Қауіпсіздік шаралары

Препаратты тоқтату қажет болған жағдайда оны бірте-бірте жүзеге асыру қажет (дене салмағы 50 кг асатын пациенттерге бір реттік дозаны әр 2-4 апта сайын 500 мг-ға азайтады). Дене салмағы 50 кг кем емес жасөспірімдерге және балаларға дозаны төмендету әр 2 аптада күніне екі рет дене салмағының 10 мг/кг асырмауы керек.Маңызды! Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Осмостық іш жүргізетін макроголдар - леветирацетам тиімділігінің төмендеуіне байланысты, 1 сағат бұрын макроголды қабылдау немесе препаратты қабылдаудан 1 сағаттан кейін қабылдануы керек.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Бүйрек жеткіліксіздігі бар пациенттерге препарат дозасын түзету қажет болуы мүмкін.

Бауыр жеткіліксіздігі

Бауырдың ауыр деңгейдегі жеткіліксіздігі бар пациенттерге емді бастар алдында бауыр қызметін бағалау қажет. Препарат дозасын түзету қажет болуы мүмкін.

Жүктілік

Қабылдауды болдырмау. Сенімді контрацепциямен қамтамасыз ету қажет. Ұрыққа тератогенді әсер ету қаупінің болуына байланысты, жүкті бола алатын әйелдер, маманнан тиісті кеңес алу керек. Егер жүкті әйел препаратты қабылдаса, онда жиі ұстамалар қаупі болуымен байланысты емделуді үзуге болмайды, өйткені бұл ұрық үшін және анасы үшін қауіпті тырыспалық ұстамалар тудыруы мүмкін. Мүмкіндігінше плазмадағы препараттың деңгейін үнемі бақылап отыру, басқа құрысуға қарсы заттармен біріктіруге жол бермей, препаратты ең төменгі тиімді дозада қолдануы тиіс.

Емізу

Ана сүтіне өтеді. Емдеу кезеңінде бала емізу ұсынылмайды. Алайда, егер емізетін аналарға препаратты қабылдау қажет болса, онда препаратты қабылдау/тоқтатудың пайдасы мен қаупі бағалануы керек.

Жағымсыз әсерлері

Өте жиі: назофарингит, ұйқышылдық, бас ауыруы.Жиі: анорексия (жиірек топираматпен бірге тағайындағанда), депрессия, озбырлық, мазасыздық, ұйқысыздық, күйгелектік, ашушаңдық, көңіл-күй тұрақсыздығы/көңіл күй өзгерулері, құрысулар, тепе-теңдік бұзылуы, бас айналуы, летаргия, тремор, вертиго, жөтел, іш аумағының ауыруы, диарея, диспепсия, жүрек айнуы, құсу, бөртпе, астения/қажығыштық.Жиі емес: лейкопения, тромбоцитопения, дене салмағының азаюы/артуы, суицидке ұмтылыс, суицидтік ойлар, психикалық бұзылыстар, мінез-құлықтың бұзылуы, елестеулер, ызалану, сананың шатасуы, үрейлі шабуылдар, сезім тұрақсыздығы/ көңіл-күй ауысуы, қозу, амнезия, жадының бұзылуы, атаксия/қимыл үйлесімінің бұзылуы, парестезиялар, зейін қою бұзылыстары, диплопия, анық көрмеу, бауыр сынамаларының патологиялық нәтижелері, алопеция (препарат тоқтатқандағы регрессия), экзема, қышыну, бұлшықет әлсіздігі, миалгия, жарақаттар.Сирек: инфекциялар, панцитопения (кейбір жағдайларда сүйек кемігінің миелосупрессиясымен бірге жүрген), нейтропения, агранулоцитоз, эозинофилия және жүйелік реакциялар түріндегі дәрілік реакциялар (DRESS), гипонатриемия, суицид, патологиялық ойлар, тұлғалық бұзылыстар, хореоатетоз, дискинезия, гиперкинезия, панкреатит, бауыр жеткіліксіздігі, гепатит, уытты эпидермальді некролиз, Стивенс-Джонсон синдромы, мультиформалы эритема.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

16 жастан асқан балалар. Ішке немесе көктамыр ішілік инфузия. Тырыспалар монотерапиясы: бастапқы доза күніне бір рет 250 мг, 1-2 аптадан кейін дозаны 250 мг дейін күніне екі ретке арттыру, содан кейін емнің клиникалық жауабына байланысты дозаны әр екі апта сайын 250 мг арттыруға болады. Ең жоғарғы тәуліктік доза тәулігіне екі рет 1,5 г. Көмекші ем ретінде: дене салмағы 50 кг немесе одан да көп болатын 12 жастан 18 жасқа дейінгі жасөспірімдер - екі бөліп қабылдауға арналған (тәулігіне екі рет 500 мг), бастапқы тәуліктік дозада 1000 мг. Бұл доза курстың алғашқы күнінде берілуі керек. Дене салмағы 50 кг кем емес жасөспірімдер және балалар үшін қосымша ем ретінде: бастапқы доза күніне екі рет дене салмағының 10 мг/кг құрайды. Клиникалық жауабына байланысты және препараттың көтерілімділігіне байланысты күніне екі рет дене салмағын 30 мг/кг дейін арттыруға болады. Дозаны қадаммен түзету үшін дене салмағының 10 мг/кг-нан 2 апта сайын екі реттен аспауы керек. Ең төменгі тиімді дозаны пайдалану керек. 1 жасқа дейінгі балаларда екінші қайталамалы жалпылама немесе онсыз парциальді ұстамаларында қосалқы ем ретінде леветирацетамды қолданудың қауіпсіздігі мен тиімділігі анықталмаған. 12 жасқа дейінгі балаларда ювинильді миоклоникалық тырыспа немесе жалпылама идиопатиялық тырыспада леветирацетамды қосымша ем ретінде қолданудың қауіпсіздігі мен тиімділігі анықталмаған.

Бөлімді таңдау

N03AX14 Леветирацетам¹ (Levetiracetam)