M01AH01 Целекоксиб (Celecoxib)

Целекоксибке немесе препараттың кез келген басқа компонентіне жоғары сезімталдық, сульфонамидтерге белгілі жоғары сезімталдық, өршу сатысындағы пептидтік ойық жара немесе асқазан-ішектен қан кету, бронх демікпесі, жедел ринит, мұрын полипозы, ангионевротикалық ісіну, ЦОГ-2 басқа тежегіштерін қоса, ацетилсалицил қышқылын немесе басқа СЕҚҚП қабылдағаннан кейінгі есекжем немесе басқа аллергиялық реакциялар, ішектің қабыну аурулары, жүрек жеткіліксіздігі (NYHA II-IV дәр), аорта-коронарлық шунттау операциялары және операциядан кейінгі кезең, клиникалық тұрғыдан расталған жүректің ишемиялық ауруы, шеткергі артериялардың ауруы және айқын сатыдағы цереброваскулярлық аурулар.

Асқазан-ішек тарапынан жағымсыз әсерлерінің даму қаупі жоғарылауы мүмкін. Барлық СЕҚҚП сияқты, жүрек-қантамыр жүйесі тарапынан болатын тромб түзілуі, миокард инфарктісі және инсульт сияқты күрделі асқынулар қаупін арттыруы мүмкін, олар өлімге әкеп соқтыруы мүмкін. Бұл реакциялардың туындау қаупі препаратты қабылдаудың ұзақтығына қарай, сондай-ақ, жүрек-қантамыр жүйесінің аурулары бар пациенттерде артуы мүмкін. Артериялық гипертензиясы бар пациенттерге сақтықпен қолдану. Сұйықтықтың іркілу мүмкіндігімен қатар жүретін аурулары бар пациенттерге, сонымен қатар дегидратациясы бар пациенттерге тағайындаған кезде сақтық таныту керек. Бауыр қызметі бұзылуының симптомдары бар немесе бауыр қызметінің бұзылуы зертханалық әдістермен анықталған пациенттер, бауыр ауруы ағымының нашарлау қаупіне байланысты, мұқият бақылауда болуы тиіс. Тері бөртпесі, шырышты қабықтардағы өзгерістер немесе аса жоғары сезімталдықтың басқа белгілері пайда болғанда, қабылдауды тоқтату керек. Бала көтеруде қиындықтарды бастан өткеріп жүрген немесе бедеулікке қатысты тексеруден өтіп жүрген әйелдерде препаратты тоқтатуды қарастыру ұсынылады. Литиймен ем қабылдап жүрген пациенттер целекоксибті тоқтатуда немесе тағайындау кезінде мұқият бақылауда болуы керек.

Бір мезгілде қабылдағанда варфарин және басқа антикоагулянттар әсерін күшейтуі мүмкін.                                     Флуконазол (CYP2C9 тежегішін) қабылдап жүрген пациенттерге целекоксибтің ұсынылған дозасының жартысын тағайындау керек.Тиазидтер және фуросемидтің натрийуретикалық әсерін, ААФ тежегіштерінің гипертензияға қарсы әсерін төмендетуі мүмкін.СЕҚҚП және циклоспоринді немесе такролимусты бір мезгілде қолдану циклоспорин мен такролимустың нефроуытты әсерінің күшеюін туғызуы мүмкін.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі кезінде қарсы көрсетілген (креатинин клиренсі < 30мл/мин).

Бауырдың ауыр жеткіліксіздігі (сарысудағы альбумин < 25 г/л немесе Чайлд-Пью шкаласы бойынша > 10).

Қарсы көрсетілген.

Қарсы көрсетілген.

Жиі: тұмау тәрізді синдром, диспепсия, абдоминальді ауыру, диарея, метеоризм, дисфагия, тіс аурулары (постэкстракциялық ойықшалық альвеолит), бас айналуы, гипертония, бұлшықет тонусының жоғарылауы, ұйқысыздық, несеп жолдарының инфекциялары, шеткергі ісінулер, бронхит, жөтел, фарингит, ринит, синусит, жоғарғы тыныс жолдарының инфекциялары, аллергиялық реакциялар (тері қышынуы, тері бөртпесі).Жиі емес: анемия, гиперкалиемия, мазасыздық, депрессия, шаршау, парестезия, ұйқышылдық, жүрек жеткіліксіздігі, жүрек қағуының жиілеуі, тахикардия, артериялық гипертензия ағымының ауырлауы, құлақтағы шуыл, көрудің бұлыңғырлануы, іштің қатуы, кекіру, гастрит, стоматит, асқазан-ішек қабынуының өршуі, АЛТ және АСТ деңгейінің жоғарылауы, креатинин деңгейі, қандағы мочевина азоты жоғарылауы, есекжем.Сирек: лейкопения, тромбоцитопения, іркілісті жүрек жеткіліксіздігінің көріністері, ишемиялық инсульт және миокард инфарктісі, асқазан мен он екі елі ішектің ойық жарасы, өңештің ойық жаралануы, ішектің тесілуі, эзофагит, панкреатит, ангионевроздық ісіну, буллездік бөртпелер, сананың шатасуы, қимыл-қозғалыс үйлесімділігінің бұзылуы, дәм сезудің өзгеруі, алопеция, фотосезімталдық.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

18 жасқа дейінгі балаларда тиімділігі мен қауіпсіздігі бойынша деректер жеткіліксіздігіне байланысты қарсы көрсетілген.