M01AB01 Индометацин¹ (Indometacin)

Қолдану көрсеткіштері

Тірек-қимыл аппаратының қабыну және дегенеративтік ауруларындағы жедел және созылмалы ауырсынулары; Жедел подагра; буын айналасы тіндерінің ауруларында; ортопедиялық емшаралардан кейінгі қабыну, ауырсынулар және ісінулер; Дисменорея.

Клинические протоколы:

Қарсы көрсеткіштері

Белсенді затқа немесе кез келген қосымша затқа, ацетилсалицил қышқылына немесе демікпелік статустың, есекжем немесе ринит, мұрынның шырышты қабығының полипі сияқты клиникалық көрінісімен басқа СЕҚҚП жоғары сезімталдық; бұрын СЕҚҚП қолданудан асқазан-ішектік қан құйылулардың немесе тесілулердің болғаны жөнінде анамнездік деректер; Белсенді немесе қайталанатын пептидтік ойық жара/асқазаннан және он екі елі ішектен қан кету, ойық жаралы колит және/немесе энтероколит, Крон ауруы; Жүрек функциясының ауыр жеткіліксіздігі, туа біткен жүрек ақаулары; Индометацинді коронарлы шунттау жүргізген кезде (CABG) периоперациялық ауыруды емдеу үшін қолдануға болмайды;

Қауіпсіздік шаралары

Аллергиялық аурулар; жүрек- қантамыр жүйесі және ми қанайналымы тарапынан бұзылыстар; анамнезінде коагуляция бұзылысы; дәнекер тін аурулары; Крон ауруы, ойық жаралы колит (асқынуы мүмкін); эпилепсия; жүректің ишемиялық ауруы; перияфериялық артериялар аурулары; психикалық бұзылыстар; жүрек- қантамыр аурулары қаупінің факторлары; бақыланбайтын гипертензия; егде жастағы адамдар (ауыр жағымсыз әсерлер және өліммен аяқталатын жағдайлар қаупі); паркинсонизм.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Басқа СЕҚҚП мен алкоголь- асқазан- ішек жолы тарапынан жағымсыз әсерлері даму қаупінің жоғарылауы; Дифлунизал- препараттың плазмалық деңгейін арттырады және бүйректік клиренсін төмендетеді. Өліммен аяқталатын асқазан-ішектік қан құйылулар пайда болуы мүмкін. Бұл біріктірілім ұсынылмайды; Дигоксин- плазмада дигоксиннің концентрациясын арттырады; Литий тұздары- литий тұздарының әсерін ұзартады және потенциялайды және литийдің уыттылығын арттырады (литий деңгейін бақылау); Иммуносупрессорлар: метотрексат және циклоспорин - олардың уыттылығының күшеюі; Диуретиктер- СЕҚҚП диуретиктердің емдік тиімділігін төмендетеді; Калий жинақтайтын диуретиктер- гиперкалиемия қаупінің жоғарылауы; Тиазидті диуретиктер (триамтерен)- бүйрек функциясының жедел жеткіліксіздігі қаупінің жоғарылауымен бүйрек функциясы төмендеуі; Гипертензияға қарсы заттар- ААФ тежегіштерін және бета-блокаторлардың гипертензияға қарсы әсерін бәсеңдетуі мүмкін; Кортикостероидтар, антикоагулянттар, антиагреганттар және серотониннің кері ұсталуының таңдамалы тежегіштері (SSRIs)- асқазан-ішектік ульцерациялар және қан құйылулар қаупі жоғарылайды; Хинолондар- эпилепсия немесе құрысулар жөнінде анамнездік деректері бар немесе онсыз пациенттерде құрысудың пайда болу қаупі; Пробенецид - индометациннің экскрециясын баяулатады және уыттылығын арттырады;

Бүйрек жеткіліксіздігі

Мүмкін болатын бүйрек зақымдануына байланысты бүйрек аурулары (креатинин клиренсі < 30 мл) бар науқастарға сақтықпен қолдану. Бүйрек жеткіліксіздігінің терминальді сатысында- қарсы көрсетілген.

Бауыр жеткіліксіздігі

Ұзақ уақыт қолданған кезде бауыр қызметінде өзгерістер тудыруы мүмкін, ол өз кезегінде бауырлық ферменттерді жүйелі бақылауды қажет етеді. Бауырдың ауыр ауруларында қолданбау.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Өте жиі: асқазан-ішек бұзылулары. Көбіне егде жастағы емделушілерде пептидтік ойық жара, асқазан-ішек жолының тесілуі немесе қан кету (кейде өліммен аяқталатын) пайда болуы мүмкін.Жиі: бас айналу, бас ауыру, ұйқышылдық, депрессия, шаршау, жүректің айнуы, құсу, диарея, диспепсия, іш қатуы, іштің ауыруы;Жиі емес: лейкопения, тромбоцитопения, агранулоцитоз, гемолитикалық анемия, апластикалық анемия, диссеминацияланған қантамырішілік ұю (ДҚҰ–синдромы), сұйықтықтың іркілуі, гипергликемия, глюкозурия, гиперкалиемия, үрейленгіштік, әлсіздік, зейінді жұмылдырудың нашарлауы, парестезияны қоса, бағыттан адасу, ұйқысыздық, ашушаңдық, шеткергі невропатия, жадының нашарлауы, психоздық реакциялар, естен тану, құрысулар, бұлшықет әлсіздігі, сенсетивтік бұзылулар, дизартрия, күйгелектік, еріксіз қимылдау, сананың шатасуы, деперсонализация, елестеулер, ұйқышылдық, құрысулар, эпилепсия, паркинсонизм, диплопия, көрудің көмескіленуі, тахикардия, стенокардия, пальпитация, аритмия, ісінулер, артериялық гипертензия, гипотензия, метеоризм, мелена, гематемез, ойық жаралы стоматит, бұрыннан бар ойық жараның өршуі, ойық жаралы қолиттің өршуі, Крон ауруы, бөртпемен немесе бөртпесіз қышыну, есекжем, петехиялар, экхимоздар, протеинурия, гематурия, интерстициальді нефрит, бүйрек функциясының жедел жеткіліксіздігі, нефротикалық синдром, папиллярлы некроз;Сирек: сарғаюмен немесе сарғаюсыз уытты гепатит;Өте сирек: бронх түйілуі, демікпе ұстамалары, анафилактикалық немесе анафилактоидтық реакциялар, естудің нашарлауы, құлақтың шыңылдауы, СЕҚҚП қолданумен байланысты жүрек функциясы жеткіліксіздігінің нашарлауы, фульминантты гепатит, эксфолиативті дерматит, пурпура, түйінді эритема, көп формалы эритема, буллезді бөртпелер, Стивенс-Джонсон синдромын және уытты эпидермальді некролизді қоса. Сарысулық аминотрансфераза (AЛT, AСT) деңгейлерінің жоғарылауы, билирубиннің өткінші жоғарылауы.

Балаларда қолданылуы

Балаларға және 18 жасқа дейінгі жасөспірімдерге қарсы көрсетілген.