L04AA31 Терифлуномид (Teriflunomide)

белсенді затқа немесе қосымша заттардың кез келгеніне аса жоғары сезімталдық; терифлуномидпен емделу барысында және одан кейін қан плазмасындағы концентрациясы 0,02 мг/л-ден жоғары болғанша, контрацепцияның сенімді құралдарын пайдаланбайтын әйелдер; емдеуді бастағанға дейін жүктіліктің бар-жоқтығы анықталуы тиіс; иммун тапшылығының ауыр жағдайлары бар, мысалы, ЖИТС бар пациенттер; сүйек кемігінің функциясы едәуір бұзылған немесе айқын анемиясы, лейкопениясы, нейтропениясы немесе тромбоцитопениясы бар пациенттер; емделгенге дейін ауыр инфекциясы бар пациенттер; ауыр гипопротеинемиясы бар пациенттер, мысалы, нефроздық синдромда

МониторингЕмдеуге дейінТерифлуномидпен емдеуге дейін келесі зерттеулерді жүргізген жөн:• артериялық қысымды өлшеу• Аланинаминотрансфераза (АЛТ/СГПТ) белсенділігі• қандағы лейкоциттер және тромбоциттер санын анықтауды қоса, қанға жалпы талдау жүргізуЕмдеу кезіндеТерифлуномидпен емдеу кезінде келесі параметрлерді бақылаған жөн:• артериялық қысым• Аланинаминотрансфераза (АЛТ/СГПТ) белсенділігі• емдеу кезінде жаңа симптомдар және белгілер (мысалы, инфекция) пайда болған жағдайда қандағы лейкоциттер және тромбоциттер санын анықтауды қоса, қанға жалпы талдау жүргізу қажет. Алкогольдің едәуір мөлшерін пайдаланған науқастарға сақтықпен тағайындаған жөн. Ауыр гипопротеинемиясы бар пациенттерге тағайындалмауы тиіс. Емдеуді бастау белсенді ауыр инфекциясы бар пациенттер толық жазылғанша кейінге қалдырылуы тиіс. Препараттың иммунитетті модуляциялайтын әсерін негізге алсақ, егер пациенттерде күрделі инфекция дамыса, емдеуді тоқтату туралы мәселені қарастырған жөн, ал артықшылықтары мен қаупіне емдеуді қайталап бастағанға дейін баға беру керек. Панцитопенияны қоса, ауыр гематологиялық реакциялар жағдайларында препаратпен емдеу және кез келген қатар жүретін миелосупрессивтік ем тоқтатылуы және қан плазмасынан препаратты шығарудың жеделдетілген процедурасы қарастырылуы тиіс. Тірі аттенуирленген вакциналарды қолдану өзіне инфекция қаупін төндіруі мүмкін, сондықтан оларға жол бермеген жөн. Емдеу кезінде, қолданылатын иондалған кальций талдағышының типіне байланысты (мысалы, қан газдарын талдағыш), иондалған кальций деңгейін өлшеу жалған төмен мәндерді көрсетуі мүмкін.

• Күшті Р450 цитохромы және тасымалдаушы индукторлары(рифампицин, карбамазепин, фенобарбитал, фенитоин және шайқурай) - бір мезгілде қолданғанда терифлуномидтің әсер етуін төмендетеді; сақтықпен қолданған жөн. • Холестирамин немесе белсендірілген көмір - терифлуномидтің концентрациясын азайтады, бір мезгілде қабылдау ұсынылмайды. • CYP2C8 изоферменттері (репаглинид, паклитаксел, пиоглитазон, розиглитазон) - концентрациясының жоғарлауы, сақтықпен қолданған жөн. • Этинилестрадиол, левоноргестрел - концентрациясының жоғарлауы, ішу арқылы қабылданатын контрацептивтердің түрін немесе дозасын ескерген жөн. • Кофеин - концентрациясының төмендеуі, сақтықпен қолданған жөн. • CYP1A2 изоферментінің әсер етуімен метаболизденетін дәрілік препараттар (дулоксетин, алосетрон, теофиллин, тизанидин) - тиімділігінің төмендеуі. • Варфарин - бір мезгілде енгізгенде халықаралық қалыптасқан қатынас (ХҚҚ) мәнінің азаюы, күнделікті мұқият бақылау ұсынылады. • Цефаклор, бензилпеницилин, ципрофлоксацин, индометацин, кетопрофен, фуросемид, циметидин, метотрексат и зидовудин - концентрациясының жоғарлауы, сақтықпен қолданған жөн. • Розувастатин - бірге қабылдағанда дозасын 50%-ға азайту ұсынылады. • BCRP басқа препараттары (метотрексат, топотекан, сульфазалин, даунорубицин, доксорубицин) және ОАТР тектес, әсіресе HMG-СоА редуктаза тежегіштері (симвастатин, аторвастатин, правастатин, метотрексат, натеглинид, репаглинид, рифампицин) - бір мезгілде сақтықпен тағайындаған жөн. Қажет болған кезде доза азайтылуы тиіс.

Диализ жүргізілмейтін жеңіл, орташа немесе ауыр дәрежелі бүйрек жеткіліксіздігі бар пациенттер үшін дозаны түзету қажет емес.

Диализде жүрген ауыр дәрежелі бүйрек жеткіліксіздігі бар пациенттер қадағалауда болмады. Терифлуномид осы топқа қарсы көрсетімді.

Жеңіл және орташа дәрежелі бауыр жеткіліксіздігі бар пациенттер үшін дозаны түзету қажет емес. Терифлуномид бауыр жеткіліксіздігі ауыр пациенттерге қарсы көрсетімді.

Қарсы көрсетілген.

Қарсы көрсетілген.

Өте жиі: бас ауыру; диарея, жүректің айнуы; алопеция; аланинаминотрансфераза (АЛТ) деңгейінің жоғарылауы.Жиі: тұмау, жоғары тыныс жолдарының инфекциялары, бронхит, синусит, фарингит, ларингит; несеп-жыныс жолдарының инфекциялары, цистит; вирустық гастроэнтерит; ауыз қуысының герпесі; пародонт инфекциясы; табан микозы; нейтропения, анемия; жеңіл дәрежедегі аллергиялық реакциялар; үрейлену жағдайы; парестезия; бел-құйымшақ радикулиті; білезік өзегінің синдромы; жүрек қағуының жиілеуі; гипертензия; іштің жоғарғы бөлігінің ауыруы, құсу; тістің ауыруы; гаммаглутамилтрансфераза (ГГТ) деңгейінің артуы, аспартатаминотрансфераза деңгейінің артуы; бөртпе, безеу бөртпе; бұлшықет-қаңқа ауыруы, миалгия, артралгия; поллакиурия; меноррагия; ауыру; нейтрофилдер санының азаюы, лейкоциттер санының азаюы, қандағы креатинфосфокиназаның артуы; салмақтың азаюы. Жиі емес: жеңіл дәрежедегі тромбоцитопения (тромбоциттер деңгейі <100 г/л); гиперестезия, невралгия, шеткері нейропатия, полинейропатия, мононейропатия (білезік өзегінің синдромы); жарақаттан кейінгі ауыру Белгісіз: ауыр инфекциялар, кейде өліммен аяқталатын сепсисті қоса; аса жоғары сезімталдық реакциялары (дереу немесе баяу), анафилаксияны және ангионевроздық ісінуді қоса; өкпенің интерстициальді ауруы; панкреатит; стоматит; терінің ауыр реакциялары; астения; лимфопролиферациялық аурулар.

Терифлуномидтің ұсынылатын дозасы күніне бір рет 14 мг құрайды.

Қарсы көрсетілген.