A10BF01 Акарбоза (Acarbose)

Қолдану көрсеткіштері

Диета терапияға қосымша қант диабетін емдеу, глюкозаға төзімділіктің бұзылысы расталған (глюкозалық жүктемеден 7,8- 11 ммоль/л  (140-200 мг/дл) кейінгі 2 сағаттан соң плазмадағы глюкозаның концентрациясы және аш қарынға  5,6- 7,0 ммоль/л (100-125 мг/дл) глюкозаның деңгейімен анықталатын) пациенттерде диета және дене шынықтыру жаттығуларымен біріктіріп 2-ші типті қант диабетінің алдын алу.Клиникалық хаттама:   1. 2 типті қант диабеті
    Клинические протоколы:
  1. Сахарный диабет 2 типа

Ақпарат тіркелуден кейін қолжетімді

Қарсы көрсеткіштері

Акарбозаға немесе препараттың кез келген компонентіне жоғары сезімталдық, ас қорыту және сіңірілудің айқын бұзылыстарымен жүретін ішектің созылмалы аурулары, метеоризммен жүретін (Ремхельд синдромы, көлемі үлкен жарықтар, ішектің стенозы, ішектің ойық жарасы ) жағдайлар.

Ақпарат тіркелуден кейін қолжетімді

Қауіпсіздік шаралары

Акарбоза сахарозаның фруктоза және глюкозаға айналуын баяулататынын есте сақтау керек,  сондықтан сахароза жедел гипогликемияны басуда қолданыла алмайды. Осындай жағдайда глюкозаны тағайындау керек.  Акарбоза  антигипергликемиялық әсер көрсетеді, бірақ монотерапия кезінде гипогликемияны туғызбайды. Егер акарбоза инсулин терапиясына немесе сульфонилмочевина бар препараттарымен немесе метформинмен қосылса, осы препараттарға қажеттіліктің төмендеуінен гипогликемия, сирек жағдайда гипогликемиялық шок дамуы мүмкін, сол себепті олардың дозасын төмендетуді талап етеді.

Ақпарат тіркелуден кейін қолжетімді

Дәрілік заттармен өзара әрекеттесуі

Акарбозаның өзара әрекеттесуі: Дигоксин - дигоксин концентрациясының төмендеуі мүмкін; Панкреатин - акарбоза әсері төмендеуі мүмкін. Диабетке қарсы дәрілік заттардың өзара әрекеттесуі: Алкоголь, анаболикалық стероидтар, холестирамин, MAO  ингибиторлары - гипогликемиялық әсерді арттыруы мүмкін; Антипсихотикалық заттар – гипергликемияның дамуы мүмкін; Антидепрессанттар (серотониннің қайта ұсталуының таңдамалы тежегіштері) – гипогликемия дамуы мүмкін; Бета-блокаторлар - гипогликемия ескерту белгілерін (мысалы, тремор) бета-блокаторлар жасыруы  мүмкін; кортикостероидтар, диуретиктер, изониазид, аспарагиназа және қандағы глюкоза деңгейін жоғарылататын басқа да препараттар - гипогликемия әсерлері төмендейді. Ескерту: мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Ақпарат тіркелуден кейін қолжетімді

Бүйрек жеткіліксіздігі

Креатинин клиренсі 25 мл/мин-нан аз болғанда қарсы көрсетілген.

Ақпарат тіркелуден кейін қолжетімді

Бауыр жеткіліксіздігі

Кейбір жағдайларда препаратты қабылдау кезінде бауыр ферменттерінің деңгейінің симптомсыз жоғарылауы мүмкін, мұндай жағдайда емнің алғашқы  6-12 айда осы ферменттердің деңгейін бақылау қажет. Әдетте, бұл өзгерістер акарбозаны тоқтатқаннан кейін қалпына келеді. Бауыр функциясының бұзылыстары сияқты жанама әсерлер анықталған, әсіресе Жапонияда. Өліммен аяқталатын жедел гепатит дамуының жеке жағдайлары байқалған.

Ақпарат тіркелуден кейін қолжетімді

Жүктілік

Тағайындау ұсынылмаған

Ақпарат тіркелуден кейін қолжетімді

Емізу

Тағайындау ұсынылмаған

Ақпарат тіркелуден кейін қолжетімді

Жағымсыз әсерлері

Өте жиі: флатуленция;Жиі:  диарея, іштің ауыруы;Жиі емес: жүрек айнуы, құсу, диспепсия, «бауырлық» ферменттер деңгейінің жоғарылауы;Сирек: сарғаю, ісіну, тромбоцитопения, аллергиялық реакциялар (бөртпе, эритема, экзантема, есекжем), ішектің бітелуі немесе жартылай ішек бітелуі, ішектің кистозды пневматозы, гепатит. Дәрігер жазып берген диетаны сақтамаған жағдайда,  ішек тарапынан жанама әсерлер күшейе түседі. Егер диетаны қатаң ұстанғанға қарамастан симптомдар күшейсе, онда препараттың дозасын қысқа немесе ұзақ мерзімге төмендету қажет.  Акарбозаның тағайындалған 150 - 300 мг аралығындағы  тәуліктік дозасын қабылдап жүрген пациенттерде сирек жағдайларда клиникалық тұрғыдан елеулі «бауырлық» ферменттер деңгейінің жоғарылауы байқалған (қалыптың  жоғарғы шегінен 3 есе артық).  Препаратты қабылдау аясында мұндай өзгерістер қысқа мерзімді болуы мүмкін..

Ақпарат тіркелуден кейін қолжетімді

Балаларда қолданылуы

18 жасқа дейінгі балаларда қолданудың қауіпсіздігі және тиімділігі анықталмаған.

Ақпарат тіркелуден кейін қолжетімді