L03AA13 Пэгфилграстим (Pegfilgrastim)

Қолдану көрсеткіштері

Созылмалы миелоидты лейкемия және миелодиспластикалық синдромдарды (нейтропения ұзақтығын қысқарту және фебрильді нейтропения жиілігін азайту мақсатында) қоспағанда, қатерлі жаңа түзілімдерге байланысты қарқынды миелосупрессиялық цитоуытты химиотерапия қабылдайтын науқастардағы нейтропения және фебрильді нейтропения.

Клинические протоколы:

Қарсы көрсеткіштері

Пэгфилграстимге, филграстимге, E.coli-мен синтезделген басқа да протеиндерге немесе препараттың кез келген басқа компонентіне аса жоғары сезімталдық; созылмалы миелолейкоз және миелодиспластикалық синдромдар кезіндегі нейтропения; жедел лейкоз; цитоуытты химио- және сәулелі еммен бір мезгілде тағайындау.

Қауіпсіздік шаралары

Миелосупрессиялық химиотерапия қабылдап жүрген жедел лейкозы бар науқастарға қолданбау, себебі осы топтағы пациенттерге препараттың тиімділігі мен қауіпсіздігі зерттелмеген. Іштің жоғарғы сол жақ бөлігінің немесе сол жақ иықтың жоғарғы бөлігінің ауыруына шағымданған пациенттерде көкбауырдың жыртылуы мүмкін екендігін қарап тексеру керек. Жөтел, гипертермия және өкпе инфильтраттарының рентгенологиялық белгілерімен біріккен ентігу, және нейтрофилдер санының артумен бірге өкпе функциясының нашарлауы жедел респираторлы дистресс-синдромының белгісі болуы мүмкін. Толық дозада миелосупрессиялық ем сақталғанмен тромбоцитопенияның және анемияның дамуын жоққа шығармайды, сондықтан тромбоциттер саны мен гематокритке үнемі мониторинг жүргізу ұсынылады. Препараттың потенциалды иммуногенділігі бар, пэгфилграстимге антиденелердің пайда болу жиілігі әдеттегідей төмен.

Дәрілік заттармен өзара әрекеттесуі

Тез бөлінетін миелоидты жасушалардың цитоуытты емге ықтимал сезімталдығына байланысты, цитоуытты химиотерапиялық дәрілерді енгізгеннен кейін кем дегенде 24 сағаттан соң енгізген жөн.

Препаратты басқа дәрілік заттармен өзара әрекеттесуіне немесе метаболизміне арнайы зерттеулер жүргізілмеді, алайда клиникалық сынақтар Неуластимнің кез келген басқа дәрілік заттармен өзара әрекеттесуін анықтаған жоқ.

Бүйрек жеткіліксіздігі

Несеп талдауының зертханалық көрсеткіштеріне мониторинг ұсынылады. Препаратты қабылдау кезінде гломерулонефрит дамуы мүмкін, дозасын төмендету немесе препаратты тоқтату қажет.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Өте жиі: бас ауыруы, жүрек айнуы, сүйектердің ауыруы.Жиі: тромбоцитопения, лейкоцитоз, әр түрлі жерлердегі қаңқа-бұлшықет ауыруы, инъекция орнындағы ауыру, кеуденің кардиальді емес ауыруы.Жиі емес: орақжасушалы криз, спленомегалия, көкбауырдың жыртылуы, аса жоғары сезімталдық реакциялары, анафилактикалық шок, несеп қышқылының жоғарылауы, капиллярлардың жоғары өткізгіштігі синдромы, жедел респираторлы дистресс-синдром, интерстициальді пневмония, өкпенің ісінуі, өкпе инфильтраттары және өкпе фиброзы, Свит синдромы, тері васкулиті, инъекция орнындағы реакциялар, лактатдегидрогеназа және сілтілік фосфатазаның жоғарылауы, бауыр қызметі көрсеткіштерінің транзиторлы жоғарылауы, гломерулонефрит. Маңызды! Мұнда жағымсыз реакциялардың қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.