L01XX32 Бортезомиб¹ (Bortezomib)

Қолдану көрсеткіштері

Монотерапия немесе пегилирленген липосомальді доксорубицинмен немесе дексаметазонмен біріктірілімінде кем дегенде емдеудің 1 курсын алған және қан түзуші бағаналы жасушалар трансплантациясы жүргізілген немесе оны жүргізуге келмейтін үдемелі көптеген миеломасы бар ересек пациенттерді емдеу. Мелфалан және преднизонмен біріктірілімінде қан түзуші бағаналы жасушалар трансплантациясымен жоғары дозалы химиотерапияға келмейтін, бұрын ем қабылдамаған, көптеген миеломасы бар ересек пациенттерді емдеу. Дексаметазонмен біріктірілімінде қан түзуші бағаналы жасушалар трансплантациясымен жоғары дозалы химиотерапияға жарайтын, бұрын ем қабылдамаған, көптеген миеломасы бар ересек пациенттердің индукциялық терапиясы.

Клинические протоколы:

Қарсы көрсеткіштері

Бортезомибке, борға немесе кез келген қосымша затқа жоғары сезімталдық, өкпенің жедел диффуздық инфильтрациялық аурулары және перикард зақымдануы.

Қауіпсіздік шаралары

Препаратты басқа дәрілік заттармен біріктірілімінде қабылдау кезінде терапия бастамас бұрын қарсы көрсеткіштері бойынша қосымша ақпарат алу мақсатында, бұл дәрілік заттарды қабылдау нұсқаулықтарын қарастырған жөн. Тырысулар дамуының кез келген қауіп факторлары бар пациенттерді емдеу кезінде ерекше сақ болу керек. Бас айналуы, сандырықтар немесе естен танулар байқалғанда, медициналық көмекке жүгіну қажеттілігі туралы ескерту керек. Іркілісті жүрек жеткіліксіздігі дамуы немесе асқыну қаупіне және/немесе бірінші рет дамыған сол жақ қарыншаның шығару фракциясы төмендеуіне байланысты қауіп факторлары немесе жүрек аурулары бар пациенттерді мұқият бақылау керек.

Дәрілік заттармен өзара әрекеттесуі

Карбамазепин (Carbamazepine), фенитоин (Phenytoin), рифампицин (Rifampin) – бортезомиб концентрациясының төмендеуі.Гипертензияға қарсы препараттар, диуретиктер – аддитивті гипотензивті әсерлер.Диабетке қарсы препараттар – қандағы глюкоза деңгейінің өзгеруі.Ескерту: мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Сақтықпен қолдану, себебі көптеген миеломасы бар пациенттерде бүйрек қызметінің асқынулары жиі байқалады.

Бауыр жеткіліксіздігі

Бауыр қызметінің орташа немесе ауыр бұзылыстарында төмендетілген дозадан бастау ұсынылады.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Қан және лимфа жүйесі тарапынан бұзылыстар: тромбоцитопения, нейтропения, анемия, лейкопения, лимфопения, панцитопения, фебрильді нейтропения, коагулопатия, лейкоцитоз, лимфоаденопатия, гемолитикалық анемия, диссеминирленген тамырішілік ұю, тромбоцитоз, жоғары тұтқырлық синдромы;Иммундық жүйе тарапынан бұзылыстар: ангионевротикалық ісіну (Квинке ісінуі), жоғары сезімталдық, анафилактикалық шок, амилоидоз, III типті иммундық кешеннің жанама реакциясы;Эндокриндік жүйе тарапынан бұзылыстар: Кушинг синдромы, гипертиреоидизм, антидиуретикалық гормонның жеткіліксіз өндірілуі, гипотиреоидизм;Зат алмасу және тамақтану тарапынан бұзылыстар: тәбеттің төмендеуі, сусыздану, гипокалиемия, гипонатриемия, қандағы глюкоза концентрациясының бұзылысы, гипокальциемия, ферменттік ауытқулар, ісік лизисі синдромы, физикалық дамудың кідірісі, гипомагниемия, гипофосфатемия, гиперкалиемия, гиперкальциемия, гипернатриемия, зәр қышқылы концентрациясының бұзылуы, қант диабеті, сұйықтықтың ұсталуы.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.