L01XE02 Гефитиниб¹ (Gefitinib)

Қолдану көрсеткіштері

Эпидермальді өсу факторы рецепторларының тирозинкиназдық доменінің белсендірілген мутациясы бар өкпенің жергілікті таралған немесе метастаздық ұсақ жасушалы емес ісігі (EGFR-TK).Клиникалық хаттама:   1. Өкпе обыры
    Клинические протоколы:
  1. Рак легкого

Ақпарат тіркелуден кейін қолжетімді

Қарсы көрсеткіштері

Гефитинибке немесе препараттың басқа да компоненттеріне жоғары сезімталдық.

Ақпарат тіркелуден кейін қолжетімді

Қауіпсіздік шаралары

Емдеу аясында өкпенің интерстициальді зақымдануы байқалған, кейбір жағдайларда өлім-жітіммен аяқталатын. Ентігу, жөтелу, қызба сияқты симптомдар ұлғайған жағдайда препаратты қабылдау тоқтатылуы және пациентке дереу тексеру жүргізілуі тиіс. Ауыр немесе үздіксіз диареяда, жүрек айнуы, құсу немесе анорексия кезінде медициналық көмекке жүгіну керек, себебі бұл жағдай сусыздануға жанама алып келуі мүмкін.  Көздің жедел немесе күшейтілген қабынуы, жас ағу, жарықтан қорқу, көрудің бұлыңғырлануы, көздің ауыруы және/ немесе көздің қызаруы сияқты кератит симптомдары мен белгілері пайда болған пациенттер тез арада офтальмологке қаралуы тиіс. Егер ойық жаралы кератит диагнозы анықталған болса, онда гефитинибпен емдеуді тоқтату керек, ал егер симптоматика шешілмесе немесе емдеуді қайта жалғастырған кезде қайтадан пайда болса, онда препаратты қабылдауды тоқтату туралы ақырғы шешім мүмкіндігін қарастыру керек.Көлік жүргізу кезінде немесе қауіптілігі жоғары механизмдерді басқаруда сақ болу керек.  

Ақпарат тіркелуден кейін қолжетімді

Дәрілік заттармен өзара әрекеттесуі

Фенитоин, карбамазепин, рифампицин, барбитураттар, шайқурай - қан плазмасында гефитиниб концентрациясының төмендеуі және метаболизмінің жоғарылауы. Терапевтикалық индексі тар препараттар- олардың әсері күшейеді, сондықтан дозаларын түзету қажет. Варфарин - ХҚҚ жоғарылауы және/ немесе гефитинибпен бірге қолданған кезде қан кетулердің пайда болуы, ПУ және ХҚҚ мониторинг жүргізу керек. Протондық помпа тежегіштері, Н₂ гистаминдік рецепторларының антагонистері - гефитиниб тиімділігінің төмендеуі.

Ақпарат тіркелуден кейін қолжетімді

Бүйрек жеткіліксіздігі

Креатинин клиренсі 20 мл/ мин және одан төмен болған жағдайда сақтықпен қолдану керек.

Ақпарат тіркелуден кейін қолжетімді

Бауыр жеткіліксіздігі

Сақтықпен қолдану. Бауыр қызметіне мониторинг жүргізу қажет, ауыр бұзылыстары кезінде препаратты қабылдауды доғару керек. Бауыр циррозы кезінде плазмадағы гефитиниб концентрациясының жоғарылауы байқалады, сондықтан жағымсыз реакциялар пайда болуын қадағалау керек.

Ақпарат тіркелуден кейін қолжетімді

Жүктілік

Қарсы көрсетілген. Ұрпақ өрбіте алатын жастағы еркектер және әйелдер емдеу кезінде және емдеуден кейін 3 ай аралығында сенімді контрацепция әдістерін қолданғаны жөн.

Ақпарат тіркелуден кейін қолжетімді

Емізу

Қарсы көрсетілген. Препаратты қолдану қажет болған жағдайда емізуді тоқтату керек.

Ақпарат тіркелуден кейін қолжетімді

Жағымсыз әсерлері

Өте жиі: диарея, жүрек айнуы, бөртпе (пустулезді), қышыну, эритема аясында тері құрғауы;Жиі: гематурия мен мұрыннан қан кету, құсу, анорексия, стоматит, сусыздану, бауыр трансаминазалары белсенділігінің симптомдарсыз жоғарылауы, конъюнктивит, блефарит, тырнақтар өзгерісі, алопецияастения, дене температурасының жоғарылауы;Жиі емес: варфаринді қабылдау аясында гипокоагуляция және/немесе қан кету жиілігінің артуы, мөлдір қабықтың қайтымды эрозиясы, кірпік өсуінің бұзылулары, интерстициальді пневмония (өлімге дейін алып келетін 3-4 дәрежедегі уыттылық);Сирек: панкреатит;Өте сирек: уытты эпидермальді некролиз және көп түрлі экссудативті эритема, ангионевротикалық ісіну, есекжем.

Ақпарат тіркелуден кейін қолжетімді

Балаларда қолданылуы

18 жасқа дейінгі балаларға қарсы көрсетілген, қауіпсіздігі мен тиімділігі анықталмаған

Ақпарат тіркелуден кейін қолжетімді