Рамуцирумаб (Ramucirumab)

Қолдану көрсеткіштері

.- монотерапия ретінде немесе паклитакселмен біріктірілімде фторпиримидин немесе платина препараттары қолданылатын алдыңғы химиялық ем курсы кезінде немесе одан кейін ауруы үдей бастаған асқазанның немесе өңеш-асқазан қосылысының кең таралған немесе метастаздық аденокарциномасы бар ересектерді емдеуге тағайындалады.
- доцетакселмен біріктірілімде платина препараттарының негізіндегі химиялық ем курсы кезінде немесе одан кейін ауруы үдей бастаған өкпенің метастаздық ұсақ жасушалы емес обыры (ӨҰЖО) бар ересектерді емдеуге тағайындалады. Эпидермальді өсу факторы рецепторының генетикалық аберрациясы (EGFR) немесе анапластикалық лимфома киназасы (ALK) бар пациенттерге Рамуцирумаб препаратын осындай ісіктерді емдеу үшін мақұлданған ем аясында аурудың үдеу белгілері анықталған жағдайда ғана тағайындауға болады.
- эрлотинибпен біріктіріп өкпенің метастаздық ұсақ жасушалы емес обыры (ӨҰЖЕО) бар ересектерді емдеу үшін бірінші кезектегі терапия ретінде тағайындалады, оның ісіктерінде экзон 19-дағы делеция типі немесе экзон 21-дегі алмастыру типі (L858R) бойынша эпидермальді өсу факторы рецепторы генінің мутациялары (EGFR) бар.
- FOLFIRI химиялық ем режимімен (иринотекан, фолиний қышқылы, фторурацил) біріктірілімде бевацизумаб, оксалиплатин және фторпиримидин қолданылатын алдыңғы емдеу курсы кезінде немесе одан кейін ауруы үдей бастаған метастаздық колоректальді обыры (МКО) бар ересектерді емдеуге тағайындалады.
- альфа-фетопротеин деңгейі (AFP) ≥400 нг/мл және сорафенибпен ем қабылдаған, гепатоцеллюлярлық карциномасы бар ересектерді емдеу үшін монотерапия ретінде.

Клинические протоколы:

Рак легкого
Гепатоцеллюлярная карцинома
Рак желудка
Злокачественные новообразования ободочной кишки
Злокачественные новообразования прямой кишки

Қарсы көрсеткіштері

белсенді субстанцияға немесе препараттың қосымша компоненттеріне аса жоғары сезімталдық.

Қауіпсіздік шаралары

.- Сұйылтылған ерітіндіні қолданар алдында механикалық қосылыстардың болуын және түсінің өзгеруін тексеру қажет. Механикалық қосылыстардың болуы анықталған немесе түсі өзгерген жағдайда ерітіндіні утилизациялау қажет.
- Препаратымен емдеу күрделі қан кетулерді тудыруы мүмкін. Пациенттер бас айналуды қоса, қан кету симптомдары пайда болған жағдайда оларға емдеуші дәрігерге жүгіну қажеттігінен хабардар болуы тиіс.
- Препаратымен емдеу артериялық тромбоэмболиялық асқынулардың даму қаупін арттыруы мүмкін.
- Артериялық гипертензия: пациенттер артериялық қысымға профилактикалық мониторинг жүргізу қажеттілігі туралы хабардар болуы тиіс және ол жоғарылаған немесе күрделі бас ауыруы, бас айналуы немесе неврологиялық симптомдарды қоса, гипертензия симптомдары жағдайында емдеуші дәрігерге жүгіну қажет.
- Препаратының әрбір инфузиясы алдында премедикация жүргізу қажет. Инфузия барысында пациенттерге (ИР) инфузиялық реакция белгілерімен симптомдарын анықтауға мониторинг жүргізу қажет. ИР симптомдары діріл/тремор, арқаның ауыруы/түйілуі,кеуденің ауыруы және/немесе ауырлығы, қалтырау, гиперемия, ентігу, ысқырып тыныс алу, гипоксия және парестезияны қамтиды. Ауыр жағдайларда бронх түйілуі,қарыншаүстілік тахикардия және артериялық гипотензия сияқты симптомдар дамуы мүмкін.
- Чайлд-Пью жіктелуі бойынша В немесе С класты бауыр циррозы бар пациенттерде препаратын қолдану емдеуші дәрігердің пікірінше, емдеудің әлеуетті артықшылықтары цирроз ағымының шиеленісуіне байланысты қауіптерден асып кеткен жағдайда ғана ақталуы мүмкін.
- АІЖ тесілуі: пациенттер күрделі диарея, құсу немесе іштің күрделі ауырсынуы пайда болған жағдайда емдеуші дәрігерге жүгінуі керек.
- Препаратымен емдеу жараның жазылуына әсер етуі мүмкін. Пациенттер емдеуші дәрігермен емшараның потенциальді қауіптерін алдын ала талқылаусыз операцияға келісудің қажеті жоқ екендігінен хабардар болуы тиіс.
- Препаратымен емдеу кезінде тест-жолақтарды пайдалана отырып, несеп талдауын және/немесе протеинурия симптомдарын мониторингтеу шеңберінде несептегі ақуыз/креатинин арақатынасына талдау жүргізу керек.
- Препаратымен емдеу кезінде қалқанша без функциясына мониторинг жүргізу керек.
- Артқы қайтымды энцефалопатия синдромының симптомдары: құрысулар, бас ауыру, жүрек айнуы/құсу, соқырлық немесе байланысты гипертензиямен немесе онсыз шатасқан сана. МРТ арқылы ҚАЭС диагнозы расталған жағдайда препаратымен емдеуді тоқтату керек.
- Препаратымен емдеуді бастамас бұрын гипертония немесе аневризма сияқты қауіп факторлары бар пациенттерде аневризма пайда болуы және/немесе артерияның қатпарлануы қауіпті факторлары мұқият қарау керек.

Дәрілік заттармен өзара әрекеттесуі

Рамуцирумаб пен паклитаксел, рамуцирумаб пен доцетаксел немесе рамуцирумаб пен иринотекан немесе оның белсенді метаболиті, SN-38 арасындағы қандай да бір фармакокинетикалық өзара әрекеттесулер анықталған жоқ.

Рамуцирумаб препаратын қолданар алдындағы нұсқаулар
Рамуцирумаб препаратын әрбір инфузиялау алдында барлық пациенттер гистаминді Н1-рецепторлар блокаторының (мысалы, дифенгидрамин гидрохлориді) венаішілік инъекциясын қабылдаулары тиіс.
1 немесе 2 ауырлық дәрежесіндегі инфузиялық реакциялар анықталған пациенттерге Рамуцирумаб препаратын әрбір инфузиялау алдында гистаминді Н1-рецепторлардың блокаторымен, дексаметазонмен (немесе аналогымен) және ацетаминофенмен премедикация көрсетілген.

Бүйрек жеткіліксіздігі

Популяциялық фармакокинетикалық талдау нәтижелері бүйрек функциясы бұзылған пациенттерде дозаны түзету қажеттілігінің жоқтығын білдіреді.

Бауыр жеткіліксіздігі

Популяциялық фармакокинетикалық талдау нәтижелері бауыр функциясының жеңіл (қалыптың жоғарғы шегі аралығында жалпы билирубин [ҚЖШ] және аспартатаминотрансфераза [АСТ] > ҚЖШ немесе жалпы билирубин ҚЖШ-дан >1,0-1,5 есе жоғары және АСТ-ның кез келген мөлшері) немесе орташа (жалпы билирубин >ҚЖШ-дан 1,5-3,0 есе жоғары және АСТ-ның кез келген мөлшері) бұзылулары бар пациенттерде дозаны түзету қажеттілігінің жоқтығын білдіреді. Рамуцирумаб препаратымен монотерапия қабылдаған, Чайлд-Пью жіктелуі бойынша В немесе С класты бауыр циррозы бар пациенттерде ауру ағымының ушығуының клиникалық белгілері пайда болған жағдайлар тіркелді.

Жүктілік

Препарат жүктілік кезінде қолдануға қарсы көрсетілген.
Ұрпақ өрбіту жасындағы әйелдерге препаратымен емдеу курсы кезінде және препаратының соңғы инфузиясынан кейін кем дегенде 3 ай бойы контрацепцияның тиімді әдістерін пайдалануды ұсыну керек.

Емізу

Рамуцирумаб лактация кезінде қолдануға болмайды, сондықтан гефитинибпен ем жүргізген кезде емшек емізуді тоқтату керек.

Жағымсыз әсерлері

Асқазан обырында Рамуцирумаб препаратын монотерапия режимінде қолдану
Өте жиі
- артериялық гипертензия
- диарея
Жиі
- нейтропения
- мұрыннан қан кету
- бөртпе
- артериялық тромбоэмболиялық асқынулар
- протеинурия
- анемия
- ішек бітелісі
- гипонатриемия
- бас ауыру
Кейде
- инфузиялық реакциялар
- АІЖ тесілуі
Асқазан обырында Рамуцирумаб препаратын паклитакселмен біріктірілімде қолдану
Өте жиі
- нейтропения
- тромбоцитопения
- диарея
- гастроинтестинальді қан кетулер
- стоматит
- қажу/астения
- шеткері ісінулер
- гипоальбуминемия
- протеинурия
- мұрыннан қан кету
- артериялық гипертензия
Жиі
- сепсис
- фебрильді нейтропения
- АІЖ тесілуі
Өкпенің ұсақ жасушалы емес обырында
Рамуцирумаб препараты эрлотинибпен біріктірілімде
Өте жиі
- инфекциялар
- артериялық гипертензия
- диарея, стоматит, АІЖ қан кету
- протеинурия
- алопеция
- мұрыннан қан кету
- шеткері ісінулер
- бас ауыруы
- АЛТ, АСТ, сілтілік фосфотаза деңгейінің жоғарылауы, гипокалиемия
анемия, тромбоцитопения, нейтропения
Жиі
- пневмония, пневмоторакс
- теріасты шелінің қабынуы
- өкпеден қан кету, қызылиектің қанағыштығы
- паронихия
- гипербилирубинемия
Рамуцирумаб препаратын доцетакселмен біріктірілімде қолдану
Өте жиі
- нейтропения, фебрильді нейтропения
- тромбоцитопения
- қажу/астения
- стоматит/шырышты қабықтың қабынуы
- өкпеден қан кету (жалпақ жасушалы ісіктері бар пациенттерде)
- көз жасы ағуының күшеюі
- шеткері ісінулер
- мұрыннан қан кету
- артериялық гипертензия
Жиі
- өкпеден қан кету (жалпақ жасушалы емес ісіктері бар пациенттерде)
- гипонатриемия
- протеинурия
- пневмония
Жиі емес
- инфузиялық реакциялар
Колоректальді обырда Рамуцирумаб препаратын FOLFIRI-мен біріктірілімде қолдану
Өте жиі
- диарея
- нейтропения
- тромбоцитопения
- тәбеттің төмендеуі
- мұрыннан қан кету
- стоматит
- ішек бітелісі
- фебрильді нейтропения
- гастроинтестинальді қан кетулер
- шеткері ісіну
- протеинурия
- пальмарлы-плантарлы эритродизестезия
- артериялық гипертензия
- ТТГ деңгейінің артуы
Жиі
- гипоальбуминемия
- АІЖ тесілуі
- ішек бітелісі
- фебрильді нейтропения
Гепатоцеллюлярлық карцинома кезінде монотерапия режимінде Рамуцирумаб қолдану
Өте жиі
- нейтропения, тромбоцитопения
- гипоальбуминемия, гипонатриемия, гипокальцемия
- қажу
- шеткері ісінулер
- тәбеттің төмендеуі
- ұйқысыздық
- қызба
- артериялық гипертензия
- арқаның ауыруы, іштің ауыруы
- жүрек айнуы, құсу
- асцит, пневмония
- протеинурия
- бас ауыруы
- мұрыннан қан кету
Жиі
- инфузиялық реакциялар
- бауыр энцефалопатиясы
- гепаторенальді синдром
Кездейсоқ хабарламалар нәтижелері бойынша жағымсыз реакциялар
- тромбоздық микроангиопатия
- гемангиома
- артериялық (аорталықты қоса) аневризмалар және артериялардың қатпарлануы және жарылуы
- дисфония
- жүрек жеткіліксіздігі

Көрсеткіштері, қолдану тәсілі мен дозалары

Асқазан обыры кезінде ұсынылған доза
- Монотерапия ретінде немесе паклитакселдің апта сайынғы инфузиясымен біріктіріп тағайындалатын Рамуцирумаб препаратының ұсынылған дозасы әрбір 2 апта сайын 8 мг/кг құрайды және 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Рамуцирумаб препаратының кейінгі барлық инфузияларын 30 минут ішінде енгізуге болады. Рамуцирумаб препаратымен емдеуді аурудың өршу белгілері немесе қолайсыз уыттылық белгілері пайда болғанға дейін жалғастырады.
- Паклитакселмен біріктіріп емдегенде Рамуцирумаб препаратын паклитакселді қолданғанға дейін енгізу керек.
Өкпенің ұсақ жасушалы емес обырында ұсынылатын доза
Экзон 19-дағы делеция типі бойынша немесе экзон 21(L858R) -дегі алмастыру типі бойынша эпидермальді өсу факторы (EGFR) рецепторы генінің мутациясы– Рамуцирумаб эрлотинибпен біріктірілімде
- Рамуцирумаб препаратының ұсынылған дозасы әрбір 2 апта сайын 10 мг/кг құрайды және ұзақтығы 60 минут вена ішіне инфузия түрінде енгізіледі. Егер алғашқы инфузия қолайлы көшірілсе, барлық кейінгі Рамуцирумаб инфузияларын 30 минут ішінде енгізуге болады. Рамуцирумаб препаратымен емді аурудың өршу белгілері немесе қолайсыз уыттылық пайда болғанға дейін жалғастырады.
Платина препараттары негізінде химиотерапия курсы кезінде немесе одан кейін аурудың өршуі – Рамуцирумаб доцетакселмен біріктірілімде
- Рамуцирумаб препаратының ұсынылған дозасы 10 мг/кг құрайды және доцетаксел инфузиясы алдында 21 күндік циклдің 1-күнінде 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Рамуцирумаб инфузиясын 30 минут ішінде енгізуге болады. Рамуцирумаб препаратымен емдеуді аурудың өршу белгілері немесе қолайсыз уыттылық пайда болғанға дейін жалғастырады.
Колоректальді обыр кезінде ұсынылатын доза
-Рамуцирумаб препаратының ұсынылған дозасы әрбір 2 апта сайын 8 мг/кг құрайды және FOLFIRI енгізер алдында 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Рамуцирумаб инфузиясын 30 минут ішінде енгізуге болады. Рамуцирумаб препаратымен емдеуді аурудың өршуі немесе қолайсыз уыттылық белгілері пайда болғанға дейін жалғастырады.
Гепатоцеллюлярлық карцинома кезінде ұсынылатын доза
- Рамуцирумаб препаратының ұсынылған дозасы әрбір 2 апта сайын 8 мг/кг құрайды және 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Рамуцирумаб инфузиясын 30 минут ішінде енгізуге болады. Рамуцирумаб препаратымен емдеуді аурудың өршуі немесе қолайсыз уыттылық белгілері пайда болғанға дейін жалғастырады.

Балаларда қолданылуы

Препаратын қолданудың қауіпсіздігі мен тиімділігі балаларда зерттелмеген.

Бөлімді таңдау

L01XC21 Рамуцирумаб (Ramucirumab)