L01XA03 Оксалиплатин¹ (Oxaliplatin)

Анамнездегі оксалиплатинге және/немесе препараттың кез келген басқа компонентіне жоғары сезімталдық; емдеудің бірінші курсы басталғанға дейінгі миелосупрессия (нейтрофилдердің саны <2 000/мкл және/немесе тромбоциттер; емдеудің бірінші курсы басталғанға дейін функционалдық бұзылулары бар шеткері сенсорлық нейропатия; бүйрек функциясының ауыр бұзылуы (креатинин клиренсі 30 мл/мин кем); жүктілік және бала емізу

Оксалиплатин цитоуытты препараттарды қолдануға арналған мамандандырылған бөлімдерде ғана және химиотерапиялық препараттарды стационарлық жағдайларда қолдану тәжірибесі бар онкологтың қадағалауымен қолданылуы тиіс. Инфузия барысында немесе екі сағаттық инфузиядан кейін бірнеше сағат ішінде жедел көмей-жұтқыншақ дизестезиясы дамитын науқастарға оксалиплатиннің келесі инфузиясын алты сағат бойы жүргізу керек.

Сілтілік реакциясы бар препараттармен немесе сілтілік ерітінділермен (атап айтқанда, 5-фторурацилмен, негізді ерітінділермен, трометамолмен және құрамында фолин қышқылы бар және трометамол қосымша зат ретінде болатын препараттармен) біріктірілімі рұқсат етілмейді.Препаратты натрий хлориді ерітіндісінде ерітуге немесе сұйылтуға болмайды.Бір құтыда немесе бір инфузиялық жүйеде басқа препараттармен араластырмау керек.Құрамында алюминий бар к/і енгізуге арналған құралдарды пайдаланбау керек.

Бүйрек функциясының орташа бұзылыстары бар пациенттерде препараттың қауіпсіздігі мен көтере алмаушылығы туралы мәліметтер шектеулі болғандықтан, препаратты қолданар алдында науқас үшін пайда/қауіп қатынасын анықтап алу қажет; бүйрек функциясын қатаң бақылау, ал дозасын уыттылығына сәйкес түзету қажет. Ауыр бүйрек жеткіліксіздігі кезінде қарсы көрсетілген (креатинин клиренсі <30мл/мин).

Бауыр функциясы бұзылыстарында сақтықпен қолдану.

Қарсы көрсетілген (тератогенді және канцерогенді әсер көрсетеді).

Қарсы көрсетілген.

Цитоуытты дәрілік заттардың жалпы жанама әсерлері: экстравазация, оральді мукозит, ісіктің лизис синдромы, гиперурикемия, жүрек айнуы мен құсу, сүйек кемігін бәсеңдету, таздану, тромбоэмболия.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз. Жағымсыз реакциялар, әсіресе анықтау, мониторинг және емдеу бөлімдері бойынша емдеудің бекітілген ұлттық стандарттарына (хаттамаларға) жүгініңіз.

Колоректальді обырдың адъювантты емі кезінде ұсынылатын доза 12 цикл (6 ай) ішінде 2 аптада 1 рет вена ішіне 85 мг/м2 құрайды.

Метастаздық колоректальді обыр ауруын емдеу кезінде оксалиплатиннің ұсынылатын дозасы тамыр ішіне 85 мг/м2 құрайды, аурудың өршуіне немесе қолайсыз уыттылық симптомдары пайда болғанға дейін 2 аптада 1 рет.

Дозаны түзету төзімділікті ескере отырып жүргізілуі тиіс.

18 жасқа дейінгі балаларға қарсы көрсетілген.