L01CD04 Кабазитаксел¹ (Cabazitaxel)

Қолдану көрсеткіштері

Преднизонмен немесе преднизолонмен біріктірілімде бұрын доцетакселді қосып ем қабылдаған, қуықасты безінің метастатикалық кастрациялық-резистентті қатерлі ісігі бар ересек пациенттерді емдеу үшін көрсетілген.Клиникалық хаттама:   1. Қуықасты безінің обыры
    Клинические протоколы:
  1. Рак предстательной железы

Қарсы көрсеткіштері

Кабазитакселге, басқа да таксандарға немесе, полисорбат 80 қоса, препараттың кез келген басқа қосымша заттарына жоғары сезімталдық реакциялары; нейтрофилдер саны 1,500/мм3-ден аз; сары қызбаға қарсы вакцинамен бір мезгілде егу.

Қауіпсіздік шаралары

Аса жоғары сезімталдық реакциялары; сүйек кемігінің қан түзілуін бәсеңдету; нейтропенияның даму қаупі; асқазан-ішек жолы тарапынан бұзылулар; жүрек айну, құсу, диарея және сусызданудың пайда болу қаупі; асқазан-ішек жолы тарапынан елеулі реакциялардың даму қаупі; перифериялық нейропатия; анемия; бүйрек жеткіліксіздігінің даму қаупі; респираторлық бұзылулар; жүрек ырғағының бұзылуының даму қаупі.

Дәрілік заттармен өзара әрекеттесуі

CYP3А күшті тежегіштерін (мысалы, кетоконазол, итраконазол, кларитромицин, индинавир, нефазодон, нелфинавир, ритонавир, саквинавир, телитромицин, вориконазол) бірге қолдануға жол бермеу керек, өйткені қан плазмасында кабазитаксел концентрациясы жоғарылауы мүмкін. CYP3А күшті индукторларын (мысалы, фенитоин, карбамазепин, рифампин, рифабутин, рифапентин, фенобарбитал) бірге қолдану қан плазмасында кабазитаксел концентрациясының төмендеуіне әкелуі мүмкін.Бұдан басқа, науқастар шайқурайды қолданудан тартынғандары жөн.Химиотерапиядан кейін иммуносупрессиясы бар пациенттерге тірі немесе тірі аттенуирленген вакциналарды енгізу күрделі немесе өлімге әкелетін инфекциялық аурулардың дамуын туындатуы мүмкін. Кабазитаксел қабылдап жүрген пациенттер тірі әлсізденген вакциналармен егуге жол бермегендері жөн.

Бүйрек жеткіліксіздігі

Ауыр дәрежедегі бауыр жеткіліксіздігі бар емделушілерде қолдануға болмайды. Жеңіл дәрежедегі бауыр жеткіліксіздігі бар пациенттер үшін дозаны төмендету керек.Бүйрек жеткіліксіздігінің терминалдық сатысы бар пациенттерді емдеуді сақтықпен және емдеу кезінде мұқият бақылаумен жүргізген жөн.

Бауыр жеткіліксіздігі

Ауыр дәрежедегі бауыр жеткіліксіздігі бар пациенттерге қолдануға болмайды.Жеңіл дәрежедегі бауыр жеткіліксіздігі бар пациенттерде дозаны 20 мг/мл дейін төмендету керек, жеңіл дәрежедегі бауыр жеткіліксіздігі бар пациенттерде кабазитаксел қолдануды сақтықпен және мұқият бақылаумен жүргізген жөн.

Жүктілік

Жүкті әйелдерге кабазитакселді пайдалану жөнінде деректер жоқ. Кабазитаксел осы препараттың әсерінен жүкті әйелдің ұрығына қатты зиян келтіруі мүмкін.Жүктілік кезінде, сондай-ақ жүкті болуды жоспарлап жүрген және контрацепцияны пайдаланбайтын әйелдерге осы препарат ұсынылмайды. 

Емізу

Қолдану ұсынылмайды.

Жағымсыз әсерлері

Өте жиі: анемия, лейкопения, нейтропения, тромбоцитопения; анорексия, жүрек айну, құсу, іштің ауыруы, диарея, іш қату; дисгевзия; әлсіздік, астения, пирексия; жөтел, ентігу; алопеция; арқаның ауыруы, артралгия; гематурия.Жиі: бас ауыруы, бас айналуы; перифериялық нейропатия, перифериялық сенсорлық нейропатия, парестезия, гипестезия, летаргия,ишиас; конъюнктивит, жас ағудың күшеюі; тиннитус, вертиго; жыпылықтағыш аритмия, тахикардия; гипотензия, соның ішінде ортостаздық, гипертензия; ысыну, гиперемия, терең көктамырлар тромбозы; рото-фарингальды аймақтың ауыруы, пневмония; ауыздың құрғауы, диспепсия, гастроэзофагеальды-рефлюкс ауруы, іштің жоғарғы бөлігінің ауыруы, іштің кебуі; геморрой, тік ішектен қан кету; аяқ-қолдың ауыруы, бұлшықет спазмы, миалгия; кеуде қуысының тірек-қимыл аппаратының ауыруы, бүйірдегі ауырсыну; бүйрек жеткіліксіздігі, жедел бүйрек жеткіліксіздігі, гидронефроз, бүйрек шаншулары, дизурия, поллакиурия, зәр ұстамау, уретральды обструкция, зәр шығару, жамбас ауруы; тұмау, зостер герпесі, жоғарғы тыныс жолдарының инфекциясы, кандидоз; зәр шығару жолдарының инфекциясы, цистит, целлюлит; сепсис, септикалық шок; фебрильді нейтропения; дегидратация, гипокалиемия, гипергликемия; үрейлену, сананың шатасуы, терінің құрғауы, эритема; ісіну, соның ішінде шеткері ісіну, шырышты қабықтың қабынуы; ауырсыну, оның ішінде кеудедегі ауырсыну; жайсыздық сезімі, қалтырау, дене салмағының төмендеуі; трансаминазалар деңгейінің жоғарылауы, аспартат-аминотрансфераза деңгейінің жоғарылауы.Маңызды!  Мұнда жағымсыз реакциялардың қысқаша шолуы берілген. Қосымша ақпарат алу үшін дәрілік препаратқа арналған нұсқаулыққа жүгініңіз.

Балаларда қолданылуы

Бала жастағы пациенттерде қолдану туралы деректер жоқ.Қауіпсіздігі мен тиімділігі 18 жастан кіші балалар мен жасөспірімдерде анықталған жоқ.