J05AR01 Зидовудин және Ламивудин¹ (Zidovudine and Lamivudine)

Қолдану көрсеткіштері

АИТВ - инфекциясын емдеу.Берілген біріктірілген дәрілік зат құрамына кіретін әр препарат бойынша толық ақпарат Зидовудин¹ (Zidovudine) және Ламивудин (Lamivudine) монографияларында келтірілген. Қолдану тәсілі мен дозалары Препаратты АИТВ- инфекциясын емдеуде тәжірибесі бар мамандар тағайындауы тиіс. 1 таблетканың құрамында 300 мг зидовудин және 150 мг ламивудин бар. Ішке, ас қабылдауға байланыссыз. Ересектер: бекітілген біріктірілімдегі ұсынылған доза тәулігіне 2 рет қабылданатын 1 таблетканы құрайды. Егде жастағы пациенттерге бүйрек қызметінің төмендеуін және гематологиялық параметрлерін ескере отырып, сақтықпен қолдану керек.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.
    Клинические протоколы:
  1. Сексуальное насилие
  2. Сочетанная ВИЧ/ТБ инфекция

Балаларда қолданылуы

Препаратты АИТВ-инфекциясын емдеуде тәжірибесі бар мамандар тағайындауы тиіс. 1 таблетканың құрамында 300 мг зидовудин және 150 мг ламивудин бар. Ішке, ас қабылдауға байланыссыз. Дене салмағы 14 кг-нан 21 кг-ға дейінгі балалар: ½ таблеткадан таңертең және кешке, қабылдаулар арасындағы аралық 12 сағат; дене салмағы 21 кг-нан 30 кг-ға дейінгі балалар: ½ таблетка таңертең және 1 таблетка кешке, қабылдаулар арасындағы аралық 12 сағат; 6 жастан асқан дене салмағы 30 кг-нан жоғары балалар: 1 таблеткадан тәулігіне 2 рет. 6 жасқа дейінгі және дене салмағы 14 кг- нан төмен балаларға қарсы көрсетілген.