J05AF11 Телбивудин (Telbivudine)

Телбивудинге жоғары сезімталдық.

Созылмалы В гепатитінің айқын асқынуы салыстырмалы түрде жиі дамиды және АЛТ сарысулық деңгейінің транзиторлы жоғарылауымен сипатталады. Бауырлық декомпенсация және гепатиттің ары қарай асқынуының қаупіне байланысты циррозы бар пациенттерге бақылау жүргізу қажет. В гепатитіне қарсы терапия тоқтатылғаннан соң гепатиттің асқынуы мүмкін, осыған байланысты  емдеу кезінде әр 3-6 ай сайын және В гепатитіне қарсы терапияны тоқтатқаннан кейін 1 жылдан кем емес уақытта бауыр қызметіне клиникалық және зертханалық бақылау қажет. Кейде өлімге соқтыратын және, әдетте, стеатозды ауыр гепатомегалиямен байланысты лактоацидоз  (гипоксемия болмағанда) дамуы мүмкін.   Аминотрансфераза деңгейінің жылдам жоғарылауында, гепатомегалияның үдеуінде немесе этиологиясы белгісіз метаболизмдік ацидозда / лактоцидозда емдеуді тоқтату керек. Гепатомегалиясы, гепатиті немесе бауыр ауруы дамуының басқа да белгілі қауіп факторлары бар барлық (әсіресе семіздікке шалдыққан әйелдерге) пациенттерге нуклеозид аналогтарын сақтықпен тағайындау және бақылау керек. Телбивудинмен  ем басталғаннан кейін бірнеше аптадан бірнеше айға дейінгі кезеңде миопатия және миалгия дамуы мүмкін. Телбивудинді тіркегеннен кейінгі қолдану уақытында рабдомиолиз дамуы мүмкін. Бұлшықеттердің тұрақты   түсініксіз ауырулары, ауыру, ауырсыну немесе әлсіздігі байқалғанда дәрігерді ескерту керек және миопатия анықталғанда препаратты қабылдауды тоқтату керек.  Перифериялық нейропатия дамуы мүмкін, оған күдіктенгенде  емнің қажеттілігін қайта қарау керек. Егде жастағы пациенттерге бұл жас тобында таралған басқа дәрілік препараттарды бірге қабылдауына байланысты және сәйкес аурулардың болуымен бүйрек бұзылыстарын ескере отырып,   препаратты сақтықпен тағайындау керек. Телбивудинмен емдеу В гепатиті вирусының жыныс жолымен немесе қанмен берілу қаупін төмендетпейді. Бас айналу немесе әлсіздік даму мүмкіндігін ескере отырып, автокөлікті басқаруда және оны қолдануда сақ болу керек.

Күніне 600 мг дозадағы телбивудинді аптасына 1 рет 180 мкг пегилирленген  интерферон альфа-2а-мен бірге қабылдау ҚАРСЫ КӨРСЕТІЛГЕН- перифериялық нейропатия даму қаупінің жоғарылауы.

Телбивудин негізінен бүйрек арқылы шығарылады,  сондықтан креатинин клиренсі 30-49 мл/мин болатын пациенттерге перапарат әр 48 сағат сайын 600 мг дозада тағайындалады, егер креатинин клиренсі  30 мл/мин төмен болса – онда әр 72 сағат сайын  600 мг, гемодиализдегі бүйрек жеткіліксіздігінің терминалды сатысында –  әр 96 сағатта 600 мг.

Бауыр жеткіліксіздігі бар пациенттерге препараттың ұсынылған дозасын түзету қажет емес.

Егер ана үшін күтілетін пайда ұрық үшін ықтимал қауіптен жоғары болған жағдайда ғана қолданылады.

Ұсынылмайды.

Жиі: бас ауруы, бас айналуы; жөтел; қандағы амилаза деңгейінің жоғарылауы, диарея, қандағы липаза деңгейінің жоғарылауы, жүрек айнуы, іштің ауыруы; қандағы аланинаминотрансфераза деңгейінің жоғарылауы; терілік бөртпе; қандағы креатинфосфокиназа деңгейінің жоғарылауы; жоғары шаршағыштық.Жиі емес: перифериялық нейропатия, дисгевзия, гипоестезия, парестезия, ишиас; аспартатаминотрансфераза деңгейінің жоғарылауы; артралгия, миалгия, миопатия / миозит, аяқ- қолдың ауыруы, бел ауыруы, бұлшықеттің түйілуі, мойынның ауыруы, бүйірдің ауыруы; әлсіздік.Сирек:көбіне күрделі аурулармен (мысалы, мультиоргандық жеткіліксіздік немесе сепсиспен) байланысты болатын, қосымша құбылыс ретінде лактоацидоз; рабдомиолиз.

18 жасқа дейінгі балаларға қолдану қарсы көрсетілген.