J01GB06 Амикацин¹ (Amikacin)

Қолдану көрсеткіштері

Отоуытты әсеріне байланысты амикацин препараты резервтегі антибиотик болып табылады және тек абсолютті көрсеткіштер кезінде және басқа антибиотиктерге резистенттілік жағдайында қолданылады: сепсис, сепсистік эндокардит, менингит, перитонит, бронхит, пневмония, плевра эмпиемасы, өкпе абсцессі, пиелонефрит, уретрит, цистит, инфицирленген күйіктер, ойық жаралар және шығу тегі әртүрлі ойылулар, остеомиелит, жарақат инфекциясы, операциядан кейінгі инфекциялар.

Ақпарат тіркелуден кейін қолжетімді

Қарсы көрсеткіштері

Амикацинге немесе препараттың басқа компоненттеріне жоғары сезімталдық, аллергиялық реакциялар немесе анамнезінде аминогликозидтерге ауыр уытты реакциялардың болуы, gravis миастениясы, вестибулярлық және есту аппаратының бұзылуы, есту жүйкесінің невриті.

Ақпарат тіркелуден кейін қолжетімді

Қауіпсіздік шаралары

Препаратты бүйрек жеткіліксіздігі бар немесе вестибулярлы және есту аппаратының зақымдалуы бар пациенттерде сақтықпен қолдану қажет. Емдеу кезінде бүйрек қызметін, есту жүйкесі және вестибулярлы аппарат функциясын аптасына 1 реттен сирек емес бақылау қажет.

Ақпарат тіркелуден кейін қолжетімді

Дәрілік заттармен өзара әрекеттесуі

Амфотерицин, капреомицин, кейбір цефалоспориндер, циклоспорин, колистин, ілмекті диуретиктер (фуросемид), этакрин қышқылы, ванкомицин және басқа потенциалды нефроуытты немесе отоуытты препараттар - нефроуыттылық және/немесе отоуыттылық қаупінің жоғарылауы.Суксаметоний, деполяризацияланбайтын миорелаксанттар (мысалы, атракурий) - жүйке-бұлшықет блокадасының ұзаруы.Неостигмин, пиридостигмин - аминогликозидтер антагонисттері.Бисфосфонаттар - гипокальциемия даму қаупінің жоғарылауы.Дигоксин - аминогликозидтер әсерінен концентрациясы жоғарылауы мүмкін (сирек мәлімдемелер).Ескерту: мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Ақпарат тіркелуден кейін қолжетімді

Бүйрек жеткіліксіздігі

Қарсы көрсетілген.

Ақпарат тіркелуден кейін қолжетімді

Жүктілік

Қарсы көрсетілген.

Ақпарат тіркелуден кейін қолжетімді

Емізу

Қарсы көрсетілген.

Ақпарат тіркелуден кейін қолжетімді

Жағымсыз әсерлері

Жиі: ісіну, б/і инъекция орнының ауыруы, дерматит, аллергиялық реакциялар: тері бөртпесі, қышыну, тері гиперемиясы.Сирек: жүрек айнуы, құсу, бауыр қызметінің бұзылуы, анемия, лейкопения, гранулоцитопения, тромбоцитопения, эозинофилия, бас ауыруы, ұйқышылдық, нейроуытты әсер (бұлшықеттің тартылуы, жансыздануды сезіну, шаншу, эпилепсиялық ұстамалар), жүйке-бұлшықеттік берілістің бұзылуы (тыныстың тоқтап қалуы).Өте сирек: отоуытты әсер (естудің нашарлауы, вестибулярлық және лабиринттік бұзылыстар, қайтымсыз саңыраулық), вестибулярлы аппаратқа уытты әсер (қимыл үйлесімсіздігі, бас айналуы), бүйрек қызметінің бұзылыстары (олигурия, альбуминурия, протеинурия, микрогематурия), қызба, Квинке ісінуі, эпилепсиялық ұстамалар, жүйке-бұлшықеттік берілістің бұзылуы (тыныстың тоқтауы).

Ақпарат тіркелуден кейін қолжетімді

Балаларда қолданылуы

Бұлшықетке, көктамыр ішіне (сорғалатып, 2 минут аралығында немесе тамшылатып), 12 жастан асқан балаларға: әр 8 сағатта 5 мг/кг немесе әр 12 сағатта 7,5 мг/кг. 12 жасқа дейінгі балаларға қарсы көрсетілген.

Ақпарат тіркелуден кейін қолжетімді