J01DB04 Цефазолин¹ (Cefazolin)

Қолдану көрсеткіштері

Бірінші буынды цефалоспорин: грам-оң және грам-теріс бактериялардан туындаған инфекциялар (өт, тыныс алу және несеп шығару жолдарының инфекциялары; сүйектер мен буындар, тері мен жұмсақ тіндердің инфекциялары), хирургиялық алдын алу.

Қарсы көрсеткіштері

Препаратқа аса жоғары сезімталдық (сонымен қатар басқа да β-лактамдарға), жүрек блокадасы.

Қауіпсіздік шаралары

Тромбоцитопения және/немесе гипопротромбинемия себебінен қан кетудің даму қаупі жоғары, қауіп тобына ұзақ уақыт бойы антибактериялық ем қабылдаған пациенттер, бұрын антикоагулянттық еммен тұрақтандырылған пациенттер, бүйрек немесе бауыр жеткіліксіздігі немесе нашар алиментарлы статусы бар пациенттер, егде жастағы адамдар жатады. Көлік құралын немесе қозғалыстағы механизмдерді басқарудан бас тарту.

Дәрілік заттармен өзара әрекеттесуі

Пробенецид - көптеген цефалоспориндердің шығарылуын төмендетеді (қолданылуы мүмкін).Бактериостатикалық антибиотиктер (тетрациклиндер, хлорамфеникол) - антагонисттік әсер.Варфарин және басқа да антикоагулянттар - антикоагулянттық әсерлерінің жоғарылауы және қан кету дамуы мүмкін, әсіресе цефазолин және цефтриаксонмен бірге қабылдау аясында.                                        Алкоголь - дисульфирамды реакциялар түріндегі уыттану дамуы мүмкін.                                                          Аминогликозидтер - нефроуыттылықтың жоғары қаупі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Дозасын креатинин клиренсі мәніне байланысты түзету.

Бауыр жеткіліксіздігі

Сақтықпен қолдану.

Жүктілік

Қарсы көрсетілген.                                                                               Қолданылуы мүмкін.

Емізу

Қарсы көрсетілген.                                                                                            Аз мөлшерде ана сүтіне енеді, бала емізумен үйлесімді.

Жағымсыз әсерлері

Тері бөртпелерінен Стивенс-Джонсон синдромына дейінгі аллергиялық реакциялар; жалған жарғақшалы колитке дейінгі АІЖ тарапынан бұзылыстар; ОЖЖ тарапынан бұзылыстар (бас ауыруы, бас айналуы, құрысулар); гепатобилиарлы бұзылыстар (холестатикалық сарғаю, гепатит); қанның зертханалық көрсеткіштерінің өзгеруі (лейкопения, эозинофилия, нейтропения, тромбоцитопения, гемолитикалық анемия, "бауырлық" трансаминазалар белсенділігінің жоғарылауы, гиперкреатининемия, несептегі глюкоза және Кумбс жалған оң реакциясы); суперинфекция.Жергілікті реакциялар: б/і енгізген кезде - енгізген жердегі ауыру, к/і енгізгенде - флебит.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

1 ай және одан асқан балалар. Көктамыр ішіне (сорғалатып және тамшылатып), бұлшықет ішіне (бұлшықетке терең) тәулігіне 25-50 мг/кг 3-4 енгізуге бөледі; ауыр инфекциялар кезінде - тәулігіне 100 мг/кг. Жаңадан туылған балаларға (1 айға дейін) қарсы көрсетілген.                                       Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.