J01BA01 Хлорамфеникол¹ (Chloramphenicol)

Қолдану көрсеткіштері

Препаратқа сезімтал микроорганизмдерден туындаған инфекциялық-қабынулық аурулар: іш сүзегінде, паратифтерде, иерсиниозда, бруцеллезде, шигеллезде, сальмонеллезде, туляремияда, риккетсиоздарда, хламидиоздарда, іріңді перитонитте, бактериялық менингитте, өт шығару жолдарының инфекцияларында. Айқын жағымсыз әсерлердің дамуы мүмкін екендігін ескере отырып, микробтарға қарсы басқа дәрілер тиімсіз болған жағдайларда.

Клинические протоколы:

Қарсы көрсеткіштері

Хлорамфениколға, басқа амфениколдарға және/немесе препараттың басқа да компоненттеріне жоғары сезімталдық; белсенді иммунизация кезеңінде; қан аурулары, соның ішінде қан түзудің тежелуінде; глюкоза-6-фосфатдегидрогеназа ферментінің тапшылығы; тері аурлары; порфирия.

Қауіпсіздік шаралары

Препаратты егер басқа емдеу әдістері тиімсіз болғанда ғана пайдаланған жөн және оны пайдалану мұқият бақылануы тиіс. Емдеу үдерісінде шеткері қан құрамын бақылаған жөн. Лейкопения, тромбоцитопения, анемия немесе қанның басқа да патологиялық өзгерулері пайда болған кезде препарат қабылдауды дереу тоқтату керек. Препаратты бақылаусыз тағайындауға және оны инфекциялық үдерістердің жеңіл түрлерінде, жедел респираторлық ауруларда немесе бактериялық инфекцияларға жол бермеу үшін, әсіресе педиатриялық іс-тәжірибеде профилактикалық дәрі ретінде қолдануға жол берілмейді. Бұрын цитостатикалық препараттармен емделген немесе сәулемен емді қолданған науқастарда, ауыр жағымсыз әсерлердің дамуы мүмкін екендігін ескере отырып, препаратпен емдеудің потенциалды қаупі мен күтілетін пайдасын салыстырған жөн. Порфириясы бар пациенттерге қолданбау, порфирияның жедел ұстамаларын өршітуі мүмкін. Препаратпен емдеу курстарын қайталауға жол бермеген жөн, емдеу асқынулардың даму немесе аурулардың қайталану қаупінсіз оң нәтижелер алу үшін қажеттіден ұзаққа созылмауы тиіс. Жүрек-қантамыр ауруларында сақтықпен қолдану керек. Жүйке жүйесі тарапынан мүмкін болатын жағымсыз реакциялар даму қаупіне байланысты, автокөлік басқару немесе жоғары зейінді қажет ететін басқа да жұмыс жасау кезінде препаратты сақтықпен қолдану керек.

Дәрілік заттармен өзара әрекеттесуі

Эпилепсияға қарсы препараттар (фенобарбитал, фенитоин), тікелей емес антикоагулянттар (дикумарин, варфарин), сульфонилмочевина - осы препараттардың метаболизмінің әлсіреуі, шығарылуының баяулауы, олардың қан плазмасындағы концентрацияларының жоғарылауы және уыттылығының жоғарылауы.Пероральді гипогликемиялық препараттар (хлорпропамид, толбутамид) - пероральді гипогликемиялық препараттар әсерлерінің күшеюі.Фенобарбитал, рифампицин, рифабутин - қан плазмасында хлорамфеникол концентрациясының төмендеуі.Парацетамол - хлорамфениколдың жартылай шығарылу кезеңінің ұзаруы.Фенитоин - қан плазмасында хлорамфеникол концентрациясының төмендеуі, сонымен қатар жоғарылауы.Циклоспорин, такролимус - қан плазмасында бұл препараттар деңгейінің жоғарылауы.Макролидтер (эритромицин, олеандомицин, клиндамицин), линкозамидтер (линкомицин), полиенді антибиотиктер (нистатин, леворин) - бактерияларға қарсы әсерлерінің өзара әлсізденуі.Циклосерин - хлорамфеникол нейроуыттылығының күшеюі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Қан сарысуындағы препарат концентрациясына мониторинг жүргізу қажет. Препарат дозасын азайту немесе қабылдаулар арасындағы аралықты арттыру керек. Бүйрек қызметінің ауыр бұзылыстары кезінде қарсы көрсетілген.

Бауыр жеткіліксіздігі

Қан сарысуында препарат концентрациясына мониторинг жүргізу қажет. Препарат дозасын азайту немесе қабылдаулар арасындағы аралықты арттыру керек. Бауыр қызметінің ауыр бұзылыстары кезінде қарсы көрсетілген.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Неврологиялық бұзылыстар: психомоторлы бұзылыстар, депрессия, делирий, сананың шатасуы, шеткері неврит, көру жүйкесінің невриті, көз алмасының салдануы, көру және есту елестеулері, есту және көру өткірлігінің төмендеуі, дәм сезудің бұзылуы, бас ауыруы, энцефалопатия.Асқазан-ішек жолы тарапынан бұзылыстар: диспепсия, іштің кебуі, жүректің айнуы, құсу, диарея, ауыз және жұтқыншақ шырышты қабықтарының тітіркенуі, дерматит, ішек микрофлорасының тежелуі, энтероколит, стоматит, глоссит.Қан түзу ағзалары тарапынан бұзылыстар: сүйек кемігінің бәсеңдеуі, ретикулоцитопения, анемия, лейкопения, гранулоцитопения, тромбоцитопения, эритроцитопения, панцитопения; сирек - апластикалық анемия, гипопластикалық анемия, агранулоцитоз, ерте эритроцитарлы түрлердің цитоплазмалық вакуолизациясы, қан түзу уақытының артуы.Иммундық жүйе тарапынан бұзылыстар: асқын сезімталдық реакциялары, дерматоздар, қышыну, терілік бөртпе, қызба, ангионевроздық ісіну, есекжем, анафилаксия.Басқалар: "сұр синдром", қантамырлық коллапс, бауыр қызметі бұзылыстары.

Балаларда қолданылуы

18 жасқа дейінгі балаларға таблеткалық түрі, жаңадан туылған кезеңде инъекциялық түрі қарсы көрсетілген. Бұлшықетке: дене салмағына байланысты 50 мг/кг, бірдей 4 бөлікке бөлінген дозада. Дозасын арттырмау!.