G04BX14 Дапоксетин (Dapoxetine)

Қолдану көрсеткіштері

18-ден 64 жасқа дейінгі ересек еркектерде мезгілінен ерте болатын эякуляцияны  емдеу үшін қолданылады.

Қарсы көрсеткіштері

Әсер етуші затқа немесе қосымша заттардың кез келгеніне жоғары сезімталдық; жүрек тарапынан айқын патология: жүрек функциясының жеткіліксіздігі (NYHA бойынша II-IV класс), АВ-блокада немесе синустық түйін әлсіздігі синдромы сияқты өткізгіштіктің бұзылулары, жүректің айқын ишемиялық ауруы, айқын қақпақшалық кемістік, анамнезде естен танудың болуы; анамнезде манияның немесе ауыр депрессияның болуы; анамнезде мания немесе ауыр депрессияның болуы; 65 жас және одан да жоғары жастағы еркектер;  Дәріге тұрақты эпилепсия.

Қауіпсіздік шаралары

Препарат мезгілінен ерте эякуляциясы диагностикаланған еркектерге ғана арналған; Емдеуді бастар алдында ортостаздық тест (түрегеліп тұрған кезде және жатқан кезде артериялық қысымды  және тамырдың соғу жиілігін өлшеу) жүргізу қажет. . Анамнезінде құжатталған ортостаздық реакция бар болғанда немесе оған күдіктенгенде Дапоксетин препаратымен емдеуді жүргізбеген жөн. Автомобильді жүргізгенде және қауіпті механизмдерді басқарғанда сақ болу керек.

Дәрілік заттармен өзара әрекеттесуі

МАО тежегіштері - бір уақытта қолданған кезде күрделі, кейде өлімге әкеп соғатын реакциялар, соның ішінде гипертермия, сіреспе, миоклонус, өмірлік функция көрсеткіштерінің ықтимал тез ауытқуымен вегетативтік жүйенің тұрақсыздығы, сондай-ақ психикалық жағдайдың өзгеруі, соның ішінде делирийге және комаға дейін өршитін күшті қозу болуы мүмкін.Тиоридазин- QTc аралығын ұзартады, бұл қарыншалық аритмиямен қатар жүреді;Серотонинергиялық әсері бар препараттар- серотонинергиялық жағымсыз әсерлердің жиілігін арттыруы мүмкін.Серотонинергиялық әсері бар рекреациялық есірткілер (кетамин, метилендиоксиметамфетамин (МДМА) және лизергин қышқылының  диэтиламиді (ЛҚД) - аритмияны, гипертермияны, серотониндік синдромды шақырады, бірақ олармен шектелмейді.Тыныштандыратын әсері бар рекреациялық есірткілер (бензодиазепиндер және т.б.)- ұйқышылдықты және бас айналуды күшейтуі мүмкін.   Альфа-адренорецепторлардың антагонистері және нитраттар- ортостаздық толеранттылықтың ықтималдылығын төмендетеді.

Бүйрек жеткіліксіздігі

Клиренс креатині 30-80 мл/ мин болса сақтықпен қолдану керек. Егер клиренс креатині 30 мл/ мин кем болса қабылдауға болмайды.

Бауыр жеткіліксіздігі

Бауыр функциясының әлсіз бұзылуы бар науқастар үшін дозаны түзету қажет емес. Препаратты бауыр функциясының орташа айқын және ауыр бұзылулары (Чайлд-Пью шкаласы бойынша А және С класы) бар пациенттерге қолдануға болмайды.

Жағымсыз әсерлері

Психикалық бұзылулар:жиі – үрейлену, ажитация, мазасыздық, ұйқысыздық, әдеттен тыс түс көрулер, либидоның төмендеуі; жиі емес - депрессия, депрессиялық көңіл-күй, эйфория жағдайы, көңіл-күйдің құбылуы, күйгелектік, немқұрайлылық, апатия, сананың шатасуы, бағдардан адасу, патологиялық ойлар, соматосенсорлы амплификация, ұйқының бұзылуы, бастапқы ұйқысыздық, аралық ұйқысыздық, түнгі ққрқыныштар, бруксизм, либидоның жоғалуы, аногразмия;Орталық жүйке жүйесі тарапынан: өте жиі – бас айналуы, бас ауыру; жиі – ұйқысыздық, зейінді қоюдың бұзылуы, тремор, парестезия; жиі емес – естен тану, соның ішінде вазовагальді естен тану, постуральді бас айналу, акатизия, дәмнің бұзылуы, шамадан тыс ұйқышылдық, летаргия, седативтік күй, сананың бәсеңдеуі; сирек – дене жүктемесі кезінде бас айналу, кенеттен ұйықтап кету. Көру мүшелері тарапынан: жиі – көрудің жіті болмауы; жиі емес – мидриаз, көз аймағының ауыруы, көрудің бұзылуы.   Есту мүшелері тарапынан:жиі – құлақтың шуылдауы; жиі емес – вертиго. Жүрек-қантамыр жүйесі тарапынан: жиі – қан «кернеулері»; жиі емес – синустық түйін белсенділігінің тоқтауы, синустық брадикардия, тахикардия, артериялық қысымның төмендеуі, систолалық гипертензия, ыстық «кернеулер».Тыныс алу жүйесі тарапынан: жиі – мұрынның бітелуі, есінеу.Асқазан-ішек жолы тарапынан: өте жиі – жүректің айнуы; жиі – диарея, құсу, іш тұсының ауыруы, іштің жоғарғы жақ бөлігінің ауыруы,  диспепсия, метеоризм, асқазан тұсында жайсыздық, іштің кебуі, ауыздың кеберсуі; жиі емес – іш тұсында жайсыздық, эпигастрияда жайсыздық; сирек – дефекацияға императивті күшену.Тері және теріасты тіндері тарапынан: жиі – гипергидроз; жиі емес – қышыну, суық тер.Ұрпақ өрбіту жүйесі тарапынан: жиі – эректильді дисфункция; жиі емес – эякуляцияның болмауы, еркектерде оргазм бұзылысы, еркектердің жыныс мүшелерінің парестезиясы. Жалпы:жиі – әлсіздік, ашушаңдық; жиі емес – астения, қызу сезімі, үрейлену сезімі, дімкәстік сезімі, мас болу сезімі.  Зертханалық көрсеткіштердің өзгерулері: жиі – артериялық қысымның жоғарылауы; жиі емес – жүректің жиырылу жиілігінің артуы, диастолалық артериялық қысымның артуы, ортостаздық артериялық қысымның артуы. 

Балаларда қолданылуы

Қарсы көрсетілген.