G03GA08 Хориогонадотропин альфа (Choriogonadotropin alfa)

Препараттың белсенді затына немесе қандай да бір қосымша компоненттеріне асқын сезімталдық; гипофиз немесе гипоталамус ісіктері; поликистозды аналық бездер синдромымен шартталмаған аналық бездердің немесе кисталардың үлкеюі; шығу тегі белгісіз гинекологиялық қан кетулер; аналық без, жатыр немесе сүт бездерінің карциномасы; алдыңғы 3 айдағы жатырдан тыс жүктілік; тромбоэмболиялық бұзылыстардың белсенді түрлері; аналық бездердің бастапқы жеткіліксіздігі; жүктілікпен үйлеспейтін жыныс мүшелерінің даму ақаулары; жүктілікпен үйлеспейтін жатырдың фиброидты ісіктері; менопаузаның басталуы.

Емдеу басталғанша бедеу жұпты олардың емдеуге жарамдылығын бағалау және жүктілікке болуы мүмкін қарсы көрсетілімдерін анықтау үшін тексеруден өткізу керек. Атап айтқанда, пациенттерде гипотиреоз, бүйрек үсті бездері қыртысының жеткіліксіздігі, гиперпролактинемия бар-жоғын тексеріп, оларға тиісті спецификалық ем тағайындаған жөн. Аналық бездердің гиперстимуляция синдромы - айналым бұзылыстары аясында дамитын, үзілуге бейім үлкен овариалды кисталар, дене салмағы артуы, ентігу, олигурия немесе асцит болуымен сипатталатын күрделі медициналық асқыну болуы мүмкін. АГСС даму қаупін азайту үшін ем басталғанға дейін және емдеу уақытында жүйелі аралықпен фолликулалардың өсуін ультрадыбыстық зерттеу және/немесе қан сарысуындағы эстрадиол деңгейін анықтауды жүргізу керек. Препараттың ұсынылған дозалауын, енгізу режимін және емнің мұқият мониторингін сақтау АГСС және көпұрықты жүктілік даму қаупін төмендетуге мүмкіндік береді. Жатыр түтіктерінің аурулары бар пациенттерде жатырдан тыс жүктілік ықтималдығын жою керек. Тромбоэмболиялық аурулары бұрыннан бар немесе оларды таяуда өткерген немесе олардың қауіпті даму факторлары анықталған әйелдерде тромбоэмболия асқынуы немесе дамуы мүмкін. Осы әйелдерде гонадотропиндерді қолданудың пайдасы мен болатын қауіптерін салыстырған жөн. Енгізуден кейін 10 күн аралығында препарат қан сарысуындағы немесе несептегі аХГ деңгейін иммунологиялық анықтау нәтижесіне әсер етуі мүмкін, бұл жүктілікке тестілегенде жалғаноң нәтижелер алуына әкелуі мүмкін.

Қолданбау!

Қолданбау!

Жиі: бас ауыруы, жүрек айну, құсу, құрсақ қуысының ауыруы, қажығыштық, инъекция орнындағы жергілікті реакциялар, ауырлығы жеңілден орташа дәрежеге дейінгі аналық бездердің асқын стимуляциялану синдромы (АГСС).Жиі емес: депрессия, ашушаңдық, мазасыздық сезімі, диарея АГСС ауыр түрі, сүт бездеріндегі ауырсыну.Өте сирек: ауырлығы жеңілден ауыр дәрежеге дейінгі аса жоғары сезімталдық реакциялары, анафилаксиялық реакциялар, шок, тромбоэмболия, бөртпе түріндегі жеңіл қайтымды тері реакциялары.

Препарат балаларды емдеу үшін қолданылмайды.