G03AC09 Дезогестрел (Desogestrel)

Қолдану көрсеткіштері

Гормонды контрацепция.Клиникалық хаттама:   1. Әйел бедеулігі   2. Генитальды эндометриоз
    Клинические протоколы:
  1. Женское бесплодие
  2. Генитальный эндометриоз

Қарсы көрсеткіштері

Белсенді затқа немесе препараттың кез келген қосымша компонентіне жоғары сезімталдық; көктамырлық тромбоэмболия; анамнезінде анықталған немесе болжамды қатерлі гормонға тәуелді ісіктердің болуы; шығу тегі белгісіз қынаптан қан кету; лактозаны көтере алмаушылық, лактоза жеткіліксіздігі, глюкозо-галактоза мальабсорбциясы.

Қауіпсіздік шаралары

Препаратты тұрақты қабылдағанда, тұрақсыз қанды бөлінулер болуы мүмкін. Егер қан кету жеткілікті түрде жиі және тұрақсыз болса, басқа контрацептивтерді тағайындау жайында мәселені қарастыру керек. Гестаген құрамды пероральді контрацептивтер тиімділігі препаратты қабылдауды жіберіп алғанда немесе асқазан-ішек бұзылыстары жағдайында төмендеуі мүмкін. Хлоазмаға бейімділігі бар әйелдер күн сәулесі немесе ультракүлгін сәулеленуден аулақ болуы керек. Дезогестрелді қабылдау аясында тұрақты артериялық гипертензия дамуы мүмкін. Антигипертензивті ем тиімсіз болған жағдайда препаратты қабылдауды тоқтату.

Дәрілік заттармен өзара әрекеттесуі

Окскарбазепин, топирамат, фелбамат, гризеофульвин және құрамында шілтерлі шәйқурай бар препараттар - дезогестрелдің тиімділігі төмендейді. Барбитураттар, примидон, карбамазепин, рифампицин, бозентан, нелфинавир - жыныс гормондары клиренсінің арту себебінен контрацептивті қорғану тиімсіз және серпінді қан кетуі мүмкін. Белсендірілген көмір - дезогестрелдің сіңірілуі төмендейді. Циклоспорин - циклоспорин концентрациясы артады және оның уытты әсерінің дамуы.

Бүйрек жеткіліксіздігі

Қарсы көрсетілген.

Бауыр жеткіліксіздігі

Бауыр қызметіне мониторинг жүргізу талап етіледі. Күрделі бауыр ауруларында немесе олардың анамнезде болуында қарсы көрсетілген.

Жүктілік

Анықталған немесе болжамды жүктілікте, немесе анамнезінде жатырдан тыс жүктілік кезінде қарсы көрсетілген.

Емізу

Қолданылуы мүмкін, бірақ этоногестрел ана сүтімен аз мөлшерде бөлінеді. Ана сүтінің сапасы мен мөлшеріне әсер етпейді.

Жағымсыз әсерлері

Жиі: көңіл-күй өзгерістері, либидоның төмендеуі, бас ауруы, жүрек айнуы, безеу, сүт безі ауыруы, тұрақты емес қан бөлінділері, аменорея, салмақтың өсуі.Жиі емес: шаршағыштық, жанаспалы линзаларды көтере алмаушылық, құсу, алопеция, дисменорея, аналық бездің кистасы, қынап инфекциясы.Сирек: қышыну, бөртпе, есекжем, түйінді эритема, сүт бездерінен бөлінділер, жатырдан тыс жүктілік.

Балаларда қолданылуы

18 жасқа дейінгі балаларда қолданудың тиімділігі мен қауіпсіздігі анықталмаған.