C08CA06 Нимодипин¹ (Nimodipine)
Қолдану көрсеткіштері
Ми қантамырларының аневризмасынан субарахноидальді қан құйылудан соң ишемиялық неврологиялық бұзылыстарды емдеу және алдын алу кезінде.
-
Клинические протоколы:
- Гемолитическая анемия у детей
- Болезнь Фабри
- Сахарный диабет при беременности, в родах и послеродовом периоде
- Артериовенозные мальформации головного мозга
- Цереброваскулярные болезни (педиатрия)
- Эндоваскулярное лечение ишемического инсульта в острейшем периоде
- Аневризма сосудов головного мозга
- Последствия инфаркта мозга
- Субарахноидальное кровоизлияние
- Хроническая ишемия мозга
- Ведение детей с пересаженной почкой
- Острое отторжение почечного трансплантата у детей
Қарсы көрсеткіштері
Нимодипинге немесе препараттың қосымша компоненттеріне аса жоғары сезімталдық; жедел миокард инфарктісі және өткерген миокард инфарктісінен кейін 1 айдан ерте емес кезең, тұрақсыз стенокардия.Жедел порфирия.
Қауіпсіздік шаралары
Ми ісінулерінде немесе жоғары бассүйекішілік гипертензияда; артериялық гипотензиясы бар (систолалық қысым 100 мм с.б. төмен) пациенттерге сақтықпен қолдану. Жарақаттық субарахноидальді қан құйылуларды емдеу үшін ұсынылмайды. Нимодипинді ілеспелі ауыр жүрек-қантамыр аурулары бар, сондай-ақ бүйрек функциясының ауыр жеткіліксіздігі (шумақтық сүзілу шамасы минутына 20 мл төмен), бауыр функциясының жеткіліксіздігі бар егде жастағы пациенттерге тағайындау байыппен негізделуі тиіс. Терапия кезінде және оны аяқтағаннан кейін мұндай науқастар жүйелі бақылауды қажет етеді.
Дәрілік заттармен өзара әрекеттесуі
Флуоксетин - нимодипин концентрациясының жоғарылауы және флуоксетин концентрациясының төмендеуі. Рифампицин - нимодипин тиімділігінің айтарлықтай төмендеуі.АИТВ протеаза тежегіштері (мысалы, ритонавир), макролидтер, азолды зеңге қарсы препараттар, антигистаминді, циметидин, вальпрой қышқылы - қан плазмасында нимодипин концентрациясы айтарлықтай жоғарылауы мүмкін.Басқа да антигипертензивті заттар - гипотензивті әсердің күшеюі.Потенциальді нефроуытты препараттар (мысалы, аминогликозидтер, цефалоспориндер, фуросемид) - бауыр қызметі нашарлауы мүмкін. Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.
Бүйрек жеткіліксіздігі
Бүйрек функциясының ауыр бұзылыстары бар пациенттерде (шумақтық сүзілу жылдамдығы < 20 мл/мин) емдеу қажеттілігін мұқият қарастыру және олардың жағдайын тұрақты бақылау қажет. Егер науқаста нимодипинді қолданудан жағымсыз әсерлер болса, онда дозасын азайту немесе препаратты қабылдауды тоқтату қажет. Көктамыр ішіне енгізу кезінде бүйрек функциясын мұқият бақылау қажет.
Бауыр жеткіліксіздігі
Бауыр циррозы бар пациенттерде нимодипин клиренсі төмендеуі мүмкін, осыған байланысты артериялық қысымды бақылау қажет.
Жүктілік
Анасы үшін қабылдаудан болатын пайда ұрық үшін потенциалды қауіптен жоғары болған жағдайларда ғана қолданылады.
Емізу
Ұсынылмайды, ана қаны плазмасының концентрацияларына ұқсас концентрацияларда ана сүтіне өтеді. Сондықтан препаратты қолдану кезінде бала емізуді тоқтату керек.
Жағымсыз әсерлері
Тромбоцитопения, аллергиялық реакциялар, бөртпе, бас ауыруы, бас айналу, жүрек соғуы, артериялық гипотензия, вазодилатация, тамыр соғу жиілігінің өзгеруі (бради-немесе тахикардия), гиперемия, асқазан-ішек жолдарының бұзылулары, жүрек айнуы, іштің қатуы, диарея, флатуленция илеус, ішек тарылуы, «бауыр» ферменттері деңгейінің транзиторлық жоғарылауы, гиперкинездер, тремор, естен тану, ісінулер, терлеу және жылу сезімі.Жергілікті: инъекция және инфузия орнындағы реакциялар, инфузия орнындағы тромбофлебит.
Балаларда қолданылуы
18 жасқа дейінгі балаларға қарсы көрсетілген.