C07AB03 Атенолол (Atenolol)

Қолдану көрсеткіштері

25 мг: функционалдық кардиоваскулярлы бұзылыстар (гиперкинетикалық кардиалды синдром, артериялық қысымды реттеудің функционалдық бұзылыстары).50 мг: созылмалы тұрақты және тұрақсыз стенокардия (тахикардия және артериялық гипертензиямен бірге); суправентрикулярлы (қарынша үсті) аритмиялар, тиреотоксикозбен шақырылған синусты тахикардияның қосымша емі; пароксизмалды суправентрикулярлық тахикардия; жүрекшелердің жыпылықтауы мен дірілдеуі (жүрек гликозидтерінің жоғары дозаларымен емдеу тиімсіздігінен болған); жоғары симптоматикалық белсенділікпен шақырылған (физикалық күш түсірумен, анестезияның ену фазасымен, галотан анестезиясымен, симпатомиметиктерді қабылдаумен) қарыншалық экстрасистолалар сияқты қарыншалық аритмиялар; қарыншалық тахикардия және қарыншалардың жыпылықтауы (алдын алу мақсатында, әсіресе қарыншалық аритмия симпатикалық белсенділіктің жоғарылауымен шақырылған болса); артериалдық гипертензия.

Клинические протоколы:

Қарсы көрсеткіштері

Атенололға, басқа бета- блокаторларға немесе басқа да қосымша заттарға жоғары сезімталдық; жедел жүрек жеткіліксіздігі; кардиогенді шок; II және III деңгейдегі атриовентрикулярлы блокада; синустық түйіннің әлсіздігі синдромы; синоатриалды блокада; синустық брадикардия (емдеу алдында минутына 50 соққыдан төмен соғуы); артериалдық гипотония (систолалық қысым 90 мм сынап бағанасынан төмен); метаболикалық ацидоз; бронх демікпесі; перифериялық қанайналым бұзылыстарының кеш сатылары.

Қауіпсіздік шаралары

Бронхоспастикалық реакцияларға бейім болғанда бронхоспазм қайталануы мүмкін; басқа бета- адреноблокаторлармен емдегенде тромбоцитопениялық немесе тромбоцитопениялық емес пурпура байқалған кезде сақтықпен қолдану; Келесі жағдайларда айрықша сақтықпен қолдану: I деңгейдегі атриовентрикулярлы блокадада, қант диабеті (ауыр гипогликемиялық жағдай), феохромоцитома, манифестті немесе отбасылық псориаз, Рейно синдромын қоса, перифериялық қанайналым бұзылыстары бар науқастар, десенсибилизациялаушы терапияда немесе анамнезінде ауыр аллергиялық реакциялары бар науқастар. Стенокардия, артериалдық гипертензия және миокард инфаргінің асқынумен жүретін жүрек ишемиясының өршу мүмкіндігіне байланысты препаратты доғаруды және дозасын төмендетуді баяу, сатылы жүргізу керек. Автокөлік немесе басқа да қауіпті механизмдерді басқаруда сақ болу керек.

Дәрілік заттармен өзара әрекеттесуі

Моноаминоксидаза тежегіштері (МАО-В тежегіштерін қоспағанда) - бірге қолдану ҚАРСЫ КӨРСЕТІЛГЕН! Кальций каналдарының блокаторлары (верапамил, дилтиазем) - артериялық қысым, жүрек жеткіліксіздігі және ырғақ бұзылуының даму қаупі. Аритмияға қарсы 1 класс дәрілік заттары (дизопирамид) және амиодарон - антриовентрикулярлы өткізгіштік уақытының ұзаруы және теріс инотропты әсердің дамуы. Пероралді қант деңгейін төмендететін препараттар, инсулин - атенололдың гипотензивті әсерінің күшеюі; сонымен бірге гипогликемия симптомдары (әсіресе тахикардия және тремор) жасырылуы және жойылуы мүмкін, қандағы қант деңгейін үнемі бақылау керек. Индометацин, ибупрофен - атенололдың гипотензивті әсерінің төмендеуі. Норэпинефрин, эпинефрин - артериялық қысымның жоғарылау мүмкіндігі. Есірткі заттар, анестетиктер- гипотензивті әсерінің күшеюі; нәтижесінде екі заттың да аддитивті, теріс инотропты әсері байқалады.Маңызды! Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Креатинин клиренсі 10-30 мл/мин тең болғанда дозаны 2 есе төмендетеді; креатинин клиренсі 10 мл/мин төмен болғанда дозаны 4 есе төмендетеді.

Бауыр жеткіліксіздігі

Бауыр қызметін тұрақты бақылау керек.

Жүктілік

Жүктілік кезінде (әсіресе алғашқы 3 айда) пайда/ қауіп қатынасын негізге ала отырып, қатаң көрсеткіштер бойынша қолданады. Жаңа туылған балада брадикардия, гипогликемия және тынысалу депрессиясының даму мүмкіндігіне байланысты, босануға дейін 24- 48 сағат аралығында қабылдауды тоқтату.

Емізу

Ана сүтіне енеді, сәбилер ерекше бақылауда болуы керек.

Жағымсыз әсерлері

ОЖЖ тарапынан: тез шаршағыштық, әлсіздік, бас айналуы, бас ауыруы, ұйқышылдық немесе ұйқысыздық, түнде қорқынышты түстер көру, депрессия, естің төмендеуі, галлюцинациялар, тремор, ашушаңдық, мазасыздық.Тыныс алу жүйесі тарапынан: мұрынның бітелуі, бронх түйілуі, ринит.Эндокриндік жүйе тарапынан: гипо- немесе гипергликемия, либидо төмендеуі, қалқанша безі функциясының төмендеуі.Жүрек-қантамыр жүйесі тарапынан: синустық брадикардия, атриовентрикулярлық блокадалар, аритмиялар, жүрек функциясының созылмалы жеткіліксіздігінің дамуы (декомпенсация), артериялық қысымның төмендеуі, ортостатикалық гипотензия, ангиоспазм (перифериялық қанайналым бұзылыстарының күшеюі, аяқтардың салқындауы, Рейно синдромы), кеуде қуысындағы ауырсыну сезімі.АІЖ тарапынан: жүрек айнуы, құсу, эпигастр аймағындағы жайсыздық, іш қатуы немесе диарея, бауыр қызметінің бұзылуы (холестаз), дәм сезу бұзылуы.Жоғары сезімталдық реакциялар: қышыну, бөртпе, есекжем.Қан тарапынан өзгерістер: тромбоцитопения (қан кету және қан құйылу), лейкопения, трансаминаза, лактатдегидрогеназа белсенділігінің жоғарылауы;Көру мүшелері тарапынан: көз жасы сұйықтығы бөлінуінің төмендеуі (көздің құрғауы және ауырсынуы), көру қабілетінің нашарлауы, кератоконъюнктивит;Тері тарапынан өзгерістер: қатты терлеу, псориазға ұқсайтын тері реакциялары, псориаз симптомдарының асқынуы, алопеция.Басқа: бел ауруы, артралгия, белсіздік, «доғару» синдромы (стенокардия ұстамаларының күшеюі, миокард инфарктісі, артериялық қысымның жоғарылауы); липид алмасуының бұзылуы (жоғары тығыздықты липопротеидтер деңгейінің төмендеуі және плазмадағы триглицеридтер деңгейінің жоғарылауы).

Балаларда қолданылуы

Балаларда қолданудың тәжірибесі жоқ.