A04AD12 Апрепитант (Aprepitant)

Қолдану көрсеткіштері

Ересектердегі эметогенділік дәрежесі жоғары және орташа ісікке қарсы препараттармен химиялық ем туындататын жүрек айну мен құсудың алдын алу.
Апрепитант 125 мг/80 мг біріктірілген емнің бір бөлігі ретінде тағайындалады.

Клинические протоколы:

Қарсы көрсеткіштері

Әсер етуші затқа немесе қосымша заттардың кез келгеніне аса жоғары сезімталдық. Пимозидпен, терфенадинмен, астемизолмен немесе цизапридпен бір мезгілде қабылдау.

Қауіпсіздік шаралары

Апрепитант көбіне CYP3A4 арқылы метаболизденетін пероральді қабылдауға арналған препараттарды, сондай-ақ циклоспорин, такролимус, сиролимус, эверолимус, алфентанил, қастауыш алкалоидтарының туындылары, фентанил және хинидин сияқты емдік диапазоны тар препараттарды бір мезгілде қабылдайтын пациенттерде сақтықпен қолданылу керек.
Иринотекан бір мезгілде ерекше сақтықпен қолданылу керек, өйткені осылай біріктіру уыттылығының күшеюіне әкелуі мүмкін.
Варфаринді тұрақты қабылдап жүрген пациенттерде Апрепитант препаратымен емделу кезінде, сондай-ақ Апрепитант препаратымен емдеудің әр 3 күндік курсынан кейін 2 апта бойы мұқият халықаралық қалыптасқан қатынасқа (ХҚҚ) мониторинг өткізілу керек.
Гормональді контрацептивтер тиімділігі Апрепитант препаратын қолдану барысында және оны қолданудан кейін 28 күн ішінде төмендеуі мүмкін. Апрепитант препаратымен емдеу барысында және Апрепитант препаратының соңғы дозасын қабылдаудан кейін 2 ай бойы контрацепцияның баламалы немесе қосымша әдістерін пайдалану керек.
Апрепитант препаратының құрамына сахароза кіреді. Фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі сияқты сирек тұқым қуалайтын аурулары бар пациенттер бұл препаратты қабылдамау керек.

Дәрілік заттармен өзара әрекеттесуі

Апрепитант (125 мг/80 мг) субстрат, CYP3A4 орташа тежегіші және индукторы және CYP2C9 индукторы болып табылады. CYP3A4 Эменд препаратымен емдеу барысында тежеледі.
Орташа CYP3A4 тежегіші ретінде апрепитант CYP3A4 арқылы метаболизденетін бір мезгілде енгізілетін белсенді заттардың плазмалық концентрациясын арттыра алады.
Дексаметазонның пероральді дозасы Апрепитант препаратымен (125 мг/80 мг) бір мезгілде қолданғанда шамамен 50% азайтылуы тиіс.
Егер Апрепитант 125 мг/80 мг сызбасы бойынша бір мезгілде қолданылса, вена ішіне енгізілетін метилпреднизолонның әдеттегі дозасы шамамен 25% азайтылуы, ал пероральді қолданылатын метилпреднизолонның әдеттегі дозасы шамамен 50% азайтылуы тиіс.
Химиялық ем индукциялаған жүрек айну мен құсуды болдырмау үшін Апрепитант препаратын 3 күн қабылдау сызбасында CYP3A4 арқылы метаболизденетін иммуносупрессорлардың (мысалы, циклоспорин, такролимус, эверолимус және сиролимус) өткінші орташа жоғарылауы, ал одан кейін экспозициясының төмендеуі күтіледі. Емдеудің қысқа 3 күндік сызбасын және экспозицияның уақытқа тәуелді шектеулі өзгерістерін ескеріп, Апрепитант препаратымен бір мезгілде қолданылған 3 күн ішінде иммуносупрессорлар дозасын азайту ұсынылмайды.
Апрепитант препаратын (125 мг/80 мг) бір мезгілде қолданылғанда мидазоламның немесе CYP3A4 арқылы метаболизденетін басқа бензодиазепиндердің (алпразолам, триазолам) жоғары плазмалық концентрацияларының ықпал ету ықтималдығын ескеру керек.
Варфаринді тұрақты қабылдап жүрген пациенттерде Апрепитант препаратымен емделу кезінде, сондай-ақ химиялық ем индукциялаған жүрек айну мен құсуды болдырмау үшін Апрепитант препаратын әр 3-күндік қабылдау курсынан кейін 2 апта бойы протромбин уақытының (ПТУ) көрсеткішін мұқият мониторинг жүргізу керек.
Апрепитант препараты CYP2C9 субстраты болып табылатын толбутамидтің «концентрация-уақыт» қисығы астындағы ауданын 4-ші күні 23%, 8-ші күні 28% және 15-ші күні 15% азайтады. Осы орайда бір реттік 500 мг дозадағы толбутамид Апрепитант препаратымен емнің 3 күндік сызбасын бастау алдында, сондай-ақ 4, 8 және 15-ші күні қабылданды.
Гормональді контрацептивтер тиімділігі Апрепитант препараты қолданудан кейін 28 күн ішінде төмендеуі мүмкін. Апрепитант препаратын қабылдау барысында және Апрепитант препаратының соңғы дозасын қабылдаудан кейін 2 ай ішінде контрацепцияның баламалы немесе қосымша әдістерін пайдалану керек.
СҮР3А4 белсенділігін тежейтін препараттармен (мысалы, кетоконазол, итраконазол, вориконазол, позаконазол, кларитромицин, телитромицин, нефазодон және протеазалар тежегіштері) бір мезгілде Апрепитант препараты сақтықпен қолданылу керек, себебі осындай біріктірілім қан плазмасында апрепитант концентрацияларының жоғарылауына әкелуі мүмкін

Бүйрек жеткіліксіздігі

Бүйрек жеткіліксіздігі бар пациенттер үшін немесе гемодиализ жүргізілетін бүйрек жеткіліксіздігінің терминалдық сатысындағы пациенттер үшін дозаны түзету қажет емес.

Бауыр жеткіліксіздігі

Бауыр жеткіліксіздігі жеңіл дәрежедегі пациенттер үшін дозаны түзету қажет емес. Бауыр жеткіліксіздігі орташа дәрежедегі пациенттерде шектеулі деректер бар, ал бауыр жеткіліксіздігі ауыр дәрежедегі пациенттерде деректер жоқ.

Жүктілік

Апрепитант препаратын жүктілік кезеңінде қолдану жөнінде деректер жоқ.

Емізу

Бала емізуге кеңес берілмейді.

Жағымсыз әсерлері

Инфекциялық және паразиттік аурулар: сирек – кандидоз, стафилококкты инфекция.
Қан және лимфа жүйесі тарапынан бұзылулар: жиі емес – фебрильді нейтропения, анемия.
Иммундық жүйе тарапынан бұзылулар: белгісіз – аса жоғары сезімталдық реакциялары, оның ішінде анафилаксиялық реакциялар.
Зат алмасу және тамақтану тарапынан бұзылулар: жиі – тәбеттің төмендеуі; сирек – полидипсия.
Психикалық бұзылыстар: жиі емес – үрей; сирек – бағдардан адасу, эйфориялық көңіл-күй.
Жүйке жүйесі тарапынан бұзылулар: жиі – бас ауыруы; жиі емес – бас айналуы, ұйқышылдық; сирек – когнитивтік бұзылыс, мәңгіру, дисгевзия.
Көру мүшесі тарапынан бұзылулар: сирек – конъюнктивит.
Есту және тепе-теңдік мүшелері тарапынан бұзылулар: сирек – құлақтың шыңылдауы.
Жүрек тарапынан бұзылулар: жиі емес – жүрек қағуы; сирек – брадикардия, жүрек-қантамыр бұзылысы.
Қантамыр бұзылыстары: жиі емес – қан кернеуі (ысыну).
Тыныс алу жүйесі, көкірек қуысы ағзалары және көкірек ортасы тарапынан бұзылулар: жиі – ықылық; сирек – ауыз-жұтқыншақ ауыруы, түшкіру, жөтел, постназальді ағып кету синдромы, тамақтың тітіркенуі.
Асқазан-ішек жолы тарапынан бұзылулар: жиі – іш қату, диспепсия; жиі емес – кекіру, жүрек айнуы, құсу, гастроэзофагеальді рефлюкс ауруы, іштің ауыруы, ауыздың құрғауы, метеоризм; сирек – он екі елі ішектің ойық жарасының тесілуі, стоматит, іштің кебуі, қатты нәжіс, нейтропениялық колит.
Тері және тері асты тіндері тарапынан бұзылулар: жиі емес – бөртпе, акне; сирек – фотосезімталдық реакциясы, гипергидроз, себорея, терінің зақымдануы, қышытатын бөртпе, Стивенс–Джонсон синдромы немесе уытты эпидермалық некролиз; белгісіз – қышыну, есекжем.
Қаңқа-бұлшықет және дәнекер тін тарапынан бұзылулар: сирек – бұлшықеттің әлсіздігі, түйілуі.
Бүйрек және несеп шығару жолы тарапынан бұзылулар: жиі емес – дизурия; сирек – поллакиурия.
Жалпы бұзылулар және енгізу орнындағы бұзылулар: жиі – қажу; жиі емес – астения, жалпы дімкәстану сезімі; сирек – ісіну, кеуде қуысы аумағының жайсыздануы, жүріс-тұрыстың бұзылуы.
Зертханалық және құрал-аспаптық зерттеулердің нәтижелері: жиі – АЛТ жоғарылауы; жиі емес – АСТ жоғарылауы, қанда сілтілік фосфатазаның артуы; сирек – несепте эритроциттердің болуы, гипонатриемия, салмақтың азаюы, нейтрофилдер санының төмендеуі, несепте глюкозаның болуы, диурездің артуы.

Көрсеткіштері, қолдану тәсілі мен дозалары

Апрепитант кортикостероидпен және 5-HT3 антагонисімен біріктірілімде қолданылады. Апрепитант препаратын қолдану ұзақтығы 3 күнге созылады. Апрепитант препаратының ұсынылған дозасы 1 күні химиялық ем жүргізудің басталуынан 1 сағат бұрын тәулігіне 1 рет пероральді 125 мг, ал 2 және 3 күндері тәулігіне 1 рет таңертең пероральді 80 мг құрайды.

Балаларда қолданылуы

Қарсы көрсетілген.