C03BA04 Хлорталидон (Chlortalidone)

Белсенді затқа немесе кез-келген қосымша затқа жоғары сезімталдық; анурия; қант диабеті (ауыр түрі);  бауыр комасы, жедел гепатит; тұрақты гипокалиемия, гипонатриемия және гиперкалиемия; симптоматикалық  гиперурикемия (подагра немесе несеп қышқылы тастары бар); жүктілік кезіндегі артериялық гипертензия; емделмеген Аддисон ауруы; бір мезгілде  литий препараттарын қабылдау.

Бүйрек жеткіліксіздігімен пациенттерде хлорталидон немесе оған ұқсас басқа да  препараттар азотемияны арттыруы мүмкін. Сезімталдық реакциясы аллергиямен және бронх демікпесімен науқастарда пайда болуы мүмкін; тиазидтік диуретиктерді қабылдауда жүйелі қызыл жегінің өршу немесе пайда болу мүмкіндігі бар.

АӨФ тежегіштері - гипертензияға қарсы әсерді потенциалдау.Кортикостероидтар, АКТГ, β2-агонистер, амфотерицин және карбеноксолон - гипокалиемиялық әсерінің күшеюі мүмкін.Тубокурарин - тубокураринге сезімталдықты жоғарылатуы мүмкін.Норадреналин - норадреналинге артериялық  сезімталдықты төмендетуі мүмкін.  СҚҚП (индометацин) - препараттың диуретикалық және гипертониялық белсенділігінің төмендеуі мүмкін.Тиазидтік  диуретиктер - аллопуринолға аса жоғары сезімталдық реакциясы жиілігін жоғарылатуы, амантадинмен туындаған жағымсыз әсерлерінің пайда болу қаупін арттыруы, диазоксидтің  гипергликемиялық әсерін арттыруы және несеппен  цитотоуытты дәрілердің шығарылауын төмендетуі және олардың миелосуппрессивтік әсерін күшейтуі мүмкін.Циклоспорин - гиперурикемия және подаграмен байланысты асқынулар қаупін арттыруы мүмкін.

Төменгі дозалау ұсынылады.Ауыр бүйрек жеткіліксіздігінде қарсы көрсетілген (креатинин клиренсі  < 30 мл/мин).Бүйрек функциясының бұзылуымен  пациенттерде кумулятивті әсері дамуы мүмкін.

Ауыр бауыр жеткіліксіздігінде қарсы көрсетілген.Бауыр функциясының бұзылуымен немесе бауырдың үдемелі ауруларымен пациенттерге   сақтықпен қабылдау керек, өйткені сұйықтық деңгейінің және электролиттік теңгерімнің аздап өзгеруі бауыр комасын жеделдетуі мүмкін.

Артериялық гипертензияда қарсы көрсетілімде. Қалған жағдайларда қатаң көрсетілімі бойынша  ең төмен тиімді дозада және  анасы үшін емнің күтілген пайдасы ұрық үшін әлеуетті қаупінен жоғары болғанда қолдануға болады.

Лактация кезінде қабылдау қажет болғанда емшекпен қоректендіруді тоқтату кереу.

Жүйке жүйесі және сезім ағзалары тарапынан: бас айналуы, вертиго, бас ауыруы, парестезия, ксантопсия. Жүрек қантамыры жүйесі және қан тарапынан: ортостаздық гипотензия, аритмия, тромбоцитопения, лейкопения, агранулоцитоз, эозинофилия, апластикалық анемия. АІЖ ағзалары тарапынан: анорексия, жүрек айнуы, құсу, гастроспазм, іш қатуы немесе диарея, бауырішілік холестаз, сарғаю, панкреатит. Аллергиялық  реакциялар: пурпура, фотосенсибилизация, бөрту, есекжем, тері васкулиті, Лайелл синдромы (уытты эпидермальді некролиз). Басқалары: гипонатриемия (сананың шатасуы, түйілулер және құрысулар, ойлау үдерістерінің нашарлауы, шаршағыштық, ашуланшақтық), гипохлоремиялық алкалоз және гипокалиемия (ауыздың құрғауы, қатты шөлдеу сезімі, жүрек ырғағының бұзылуы, көніл-күйдің бұзылуы немесе психикалық өзгерістер, түйілулер немесе бұлшықеттердің ауыруы, жүрек айнуы немесе құсу, әдеттегіден тыс шаршағыштық немесе әлсіздік, әлсіз пульс), гипомагниемия, гиперкальциемия, гиперурикемия (подагра), гипергликемия, глюкозурия, гиперлипидемия, потенцияның төмендеуі.

 Ішке. Асцит, нефротикалық синдромы бар ісіну: 5-11 жас - әр 48 сағат сайын 0,5-1 мг / кг (әр 48 сағат сайын 1,7 мг / кг макс. дозада), таңертең; 12-17 жаста - күніне 50 мг дейін. Артериялық гипертензия: 5-11 жас - әр 48 сағат сайын 0,5-1 мг / кг (макс. 1,7 мг / кг әр 48 сағат сайын), таңертең; 12-17 жаста - таңертең күніне 25 мг, қажет болған жағдайда күніне 50 мг дейін арттыру. Тұрақты жүрек жеткіліксіздігі: 5-11 жастағы - әр 48 сағат сайын 0,5-1 мг / кг (ең жоғ. 1,7 мг / кг әр 48 сағат сайын), таңертең; 12-17 жаста - тәулігіне 25-50 мг, егер қажет болса, минималды тиімді дозаны төмендетіп, күніне 100-200 мг дейін арттыру.