C02AC05 Моксонидин¹ (Moxonidine)

Препарат компоненттеріне жоғары сезімталдық, синустық түйіннің әлсіздік синдромы, II және III дәрежелі синоатриалдық және атриовентрикулярлық блокада, айқын брадикардия (тыныш жағдайдағы жүректің жиырылу жиілігі (ЖЖЖ) минутына 50 соққыдан төмен), III және IV класс (NYHA жіктемесі бойынша) созылмалы жүрек жеткіліксіздігі, тұрақсыз стенокардия, анамнезіндегі ангионевротикалық ісіну, трициклді антидепрессанттармен бірге қабылдау.                                                                                  

Брадикардияны болдырмас үшін атриовентрикулярлық блокада дамуына бейім пациенттерге және 1-ші дәрежелі атриовентрикулярлық блокадасы бар науқастарға сақтықпен тағайындайды. Моксонидинді жүректің ауыр ишемиялық ауруы, коронарлық тамырлар аурулары, жүрек жеткіліксіздігі, тұрақсыз стенокардиясы бар науқастарда қолданғанда ерекше сақтық таныту керек, себебі препаратты аталған санаттағы пациенттерде қолданудың тәжірибесі шектеулі. Егер моксонидинді бета-адреноблокаторлар тобының препараттарымен біріктірілімде қабылдап, екі препаратты да тоқтату қажеттілігі туындағанда, бірінші бета-адреноблокаторларды қабылдау тоқтатылады және бірнеше күннен кейін ғана - моксонидин. Моксонидинді қабылдауды тоқтату кезінде тоқтату синдромы байқалмайды. Алайда, емдеуді бірден тоқтатуға болмайды: біртіндеп, екі апта ішінде дозасын төмендету ұсынылады. Туа біткен галактозаны көтере алмаушылығы, Лапп лактаза тапшылығы немесе глюкоза-галактоза сіңірілуінің бұзылысы бар пациенттерге моксонидинді қабылдауға болмайды. Емдеу кезеңінде жоғары зейін қоюды және психомоторлық реакциялардың шапшаңдығын қажет ететін автокөлік жүргізу және қауіптілігі жоғары қызмет түрлерімен айналысудан бас тартқан жөн.Маңызды! Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

ААФ тежегіштері, алпростадил, ангиотензин II антагонистері, бета-блокаторлар, альфа-блокаторлар, кальций каналдарының блокаторлары, диуретиктер, жалпы анестетиктер, антидепрессанттар, антипсихотикалық заттар, леводопа және басқа гипотензивті әсер ететін препараттар - гипотония күшеюі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Моксонидин бүйрек арқылы шығарылатындықтан, тағайындау кезінде сақтық шараларын сақтау ұсынылады. Пациенттерге дозаны мұқият таңдау керек, әсіресе емнің басында. Орташа бүйрек жеткіліксіздігі бар пациенттерде "(ШСЖ > 30 мл/мин, бірақ 60 < мл/мин) бастапқы доза тәулігіне 0,2 мг құрауы тиіс және клиникалық көрсеткіші және жақсы төзімділігіне байланысты тәулігіне 0,4 мг жоғарғы дозаға дейін арттырылуы мүмкін және ауыр бүйрек жеткіліксіздігі бар пациенттерге (ШСЖ > 30 мл/мин) тәулігіне 0,3 мг жоғарғы дозаға дейін.Егер ШСЖ 30 мл/мин төмен болатын бүйрек жеткіліксіздігі бар пациенттерге препарат қарсы көрсетілген.

Бауыр жеткіліксіздігі бар пациенттерде моксонидинді қолдану туралы зерттеулер жүргізілмеген.

Қарсы көрстетілген. Емдеуден күтілетін пайда препаратты қолданудан болатын ықтимал қауіптен асатын жағдайда ғана тағайындау.

Қарсы көрсетілген.

Жиі: бас ауыруы, бас айналуы, ұйқышылдық, зейінсіздік, сананың тежелуі; вазодилатация; диспепсиялық бұзылыстар; тері бөртпесі, қышыну; арқаның ауыруы; ұйқының бұзылуы, зейін қоюдың қиындауы.Жиі емес: естен тану; брадикардия, АҚ шамадан тыс төмендеуі, ортостатикалық гипотензия, аяқ-қолдардың парестезиясы, шеткергі циркуляцияның бұзылуы, Рейно синдромы; құлақтағы шуыл; ангионевротикалық ісіну; мойынның ауыруы; ашушаңдық; көздің құрғауы, көздің шаншуын сезіну; гинекомастия, импотенция және либидо төмендеуі; орналасуы әртүрлі ісінулер, Квинке ісінуі, аяқтың әлсіздігі, анорексия, құлақ маңы бездері аймағының ауыруы.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

18 жасқа дейінгі балаларда тиімділігі мен қауіпсіздігі туралы деректер жеткіліксіздігіне байланысты қарсы көрсетілген.