C01BC03 Пропафенон¹ (Propafenone)

Қолдану көрсеткіштері

Қарыншалық аритмия, пароксизмальді қарыншаүстілік тахиаритмия, жүрекшелердің фибрилляциясы. АВ түйіні қамтылатын re-entry типті пароксизмальді қарыншаүстілік тахикардияда немесе өткізудің қосымша жолдары, басқа ем тиімсіз немесе қарсы көрсетілімде болғанда.

Клинические протоколы:

Қарсы көрсеткіштері

Белсенді затқа немесе препарат компоненттерінің біріне жоғары сезімталдық; созылмалы жүрек жеткіліксіздігі; кардиогенді шок (аритмиялық шокты қоспағанда); айқын брадикардия; өмірге қауіп төндіретін қарыншалық аритмиядан зардап шегетін пациенттерді қоспағанда, миокард инфарктісін өткергеннен кейін үш ай бойына немесе сол жақ қарынша лықсыту фракциясының 35% аз төмендеуі жағдайында; синоатриалдық, атриовентрикулярлық (электрокардиостимуляторсыз) немесе қарыншаішілік өткізгіштіктің (электрокардиостимуляторсыз) айқын бұзылуы; синустық түйіннің әлсіздік синдромы; айқын артериялық гипотензия; су-тұз теңгерімінің айқын бұзылысы (гипо- немесе гиперкалиемия); өкпенің созылмалы обструкциялық ауруының ауыр ағымы; миастения.

Қауіпсіздік шаралары

Емді стационар жағдайында бастау керек, өйткені аритмогендік әсерінің қаупі жоғары. Емдеу кезінде бақылау жүргізу керек: әр ай сайын ЭКГ, әр үш сайын холтерлік бақылау және мүмкіндігінше дене жүктемесі бар сынақ жағдайындағы ЭКГ бақылауы. ЭКГ-да өзгерістер болған жағдайда, емді жалғастырудың дұрыстығы туралы мәселені шешу керек. Талап етілуі мүмкін дозаның кез келген артуын емнің 5-8 күнінен кейін жүргізу керек. Жоғары зейін шоғырландыруды және психомоторлы реакциялардың шапшаңдығын талап ететін автокөлік жүргізу және қауіптілігі зор қызмет түрлерімен айналысудан бас тарту.

Дәрілік заттармен өзара әрекеттесуі

Пропранолoл, метопролол, циклоспорин, теофиллин, дилтиазем - осы препараттардың қан плазмасында концентрациясының жоғарылауы.Варфарин - қан плазмасында варфарин концентрациясының жоғарылауы, варфарин дозасын төмендету және протромбиндік уақытты мониторингтеу ұсынылады.Хинидин - пропафенон концентрациясының жоғарылауы.Рифампицин, фенобарбитал - пропафенон емдік әсерінің төмендеуі.Жергілікті анестетиктер - пропафенон әсерінің ықпалануы.Дигоксин - дигоксин концентрациясының жоғарылауы, препаратпен ем жүргізу басында дигоксин дозасын төмендету.Басқа да аритмияға қарсы заттар - жағымсыз хронотропты, инотропты және дромотропты әсерлерінің жинақталуы, бір мезгілде қолдану ұсынылмайды.Ритонавир - пропафенон жағымсыз әсерлерінің көріну жиілігінің артуы.

Бүйрек жеткіліксіздігі

Сақтықпен қолдану. Бүйректің айқын бұзылыстары кезінде қарсы көрсетілген.

Бауыр жеткіліксіздігі

Сақтықпен қолдану, препараттың әдеттегі дозасын 20-30%-ға төмендету ұсынылады. Бауырдың айқын бұзылыстары кезінде қарсы көрсетілген.

Жүктілік

Плацентарлық бөгет арқылы өтеді. Ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін.

Емізу

Қарсы көрсетілген. Ана сүтіне енеді.

Жағымсыз әсерлері

Өте жиі: жүректің синоатриалдық блокадасын, атриовентрикулярлық блокадасын және интравентрикулярлық блокадасын қоса, жүректе қозу жүруінің бұзылуы; бас айналуы.Жиі: синустық брадикардия, брадикардия, тахикардия, жүрекше фибрилляциясы, төс артының ауыруы, астения, қажу, жоғары температура, бауыр дисфункциясы, ентігу, бас ауыруы, дисгевзия, үрей, ұйқының бұзылуы, анық көрмеу.Жиі емес: қарыншалық тахикардия, аритмия, олигоспермия, потенцияның төмендеуі, тері бөртпесі, қышыну, экзантема, тері гиперемиясы, есекжем, гипотензия, іштің кебуі, метеоризмдер, синкопа, атаксия, парестезия, тромбоцитопения, түнгі қорқынышты түстер.

Балаларда қолданылуы

18 жасқа дейінгі балаларға қарсы көрсетілген.