B03AC Темір декстраны¹ (Iron dextran)

Қолдану көрсеткіштері

Ағзаны темірмен жылдам толықтыруды қажет ететін темір тапшылықты жағдайлар. Ішу арқылы қабылданатын темір препараттарымен емдеудің тиімсіз немесе мүмкін емес болуы.

Клинические протоколы:

Қарсы көрсеткіштері

Белсенді затқа немесе кез келген қосымша затқа асқын сезімталдық және парентеральді қабылданатын темірдің басқа да заттарына ауыр асқын сезімталдық; темір тапшылығынан туындамаған анемия; темірдің артық мөлшері немесе оның шығарылуының бұзылыстары; жедел немесе созылмалы инфекция.

Қауіпсіздік шаралары

Темір тапшылығы диагнозы сәйкесінше зертханалық тестілермен негізделуі тиіс: қан сарысуы ферритині, қан сарысуындағы темір, трансферриннің темірмен қанығуы. Темір препараттарын парентеральді енгізу анафилактоидтық реакцияларға ұқсас өмірге қауіп төндіретін аллергиялық реакциялардың дамуын туғызуы мүмкін. Аллергиялық немесе анафилактикалық реакциялардың даму қаупі бар топқа бронх демікпесі, Крон ауруы, үдемелі созылмалы полиартриті бар пациенттер, темірдің байланысу қабілеті төмендеген және/немесе фолий қышқылының тапшылығы бар адамдар кіреді. Анафилактоидтық реакциялардың алғашқы белгілері пайда болса, препаратты қабылдау дереу тоқтатылуы тиіс. Препаратты аутоиммундық аурулары немесе қабыну жағдайындағы пациенттерде қолдану жүйелі қызыл жегі, ревматоидтық артрит сияқты, ІІІ типті аллергиялық реакцияны туғызуы мүмкін. Мүмкін болатын асқын сезімталдық реакцияларына байланысты жүрек- өкпе реанимациясының дәрілік заттарына қол жетімді болу керек.

Дәрілік заттармен өзара әрекеттесуі

Басқа дәрілік заттар- АРАЛАСТЫРМАУ! Пероральді қабылдауға арналған темір препараттары- бір мезгілде ТАҒАЙЫНДАМАУ! Препаратты парентеральді қолдану мен темірдің пероральді қабылданатын түрлерін қолдануды бастау аралығы кемінде 5 күнді құрауы тиіс.Ескерту: өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Бүйректің жедел инфекциялық ауруларында және жедел бүйрек жеткіліксіздігінде қарсы көрсетілген.

Бауыр жеткіліксіздігі

Декомпенсацияланған бауыр циррозы және гепатит кезінде қарсы көрсетілген.

Жүктілік

Жүктіліктің І триместрінде қарсы көрсетілген. Жүктіліктің ІІ-ІІІ триместрлерінде тек анасы үшін күтілетін пайда ұрық үшін ықтимал қауіптен жоғары жағдайда ғана қолданылады.

Емізу

Ұсынылмайды! Ана сүтіне енеді.

Жағымсыз әсерлері

Жиі емес: жүрек айнуы, құсу, абдоминальді ауырсыну, құйылулар, анафилактикалық реакциялар, диспноэ, есекжем, бөртпе, қышыну, жүрек айнуы, қалтырау, құрысулар, ұю, көрудің бұлыңғырлануы, терінің қызаруы.Сирек: аритмия, тахикардия, естен тану, бас айналуы, гипотензия, мазасыздық, психикалық жағдайдың өзгеруі, тремор, талма, жоғары тершеңдік, шаршау, апатия, кеуде қуысының ауыруы, диарея, миалгияинъекция орнының ауыруы және пигментация бұзылыстары.Өте сирек: жүрек соғуының күшеюі, артериялық гипертензия, фетальді брадикардия, ауыр анафилактикалық реакциялар, кенеттен тыныстың тарылуы және/немесе жүрек-қантамырлық коллапс, гемолиз, бас ауыруы, парестезия, өтпелі кереңдік. Маңызды! Мұнда жанама әсерлердің қысқаша сипаттамасы берілген.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

14 жас және одан асқан балалар. Көктамыр ішіне, тамшылатып енгізу ұсынылады, физиологиялық ерітіндіде ерітеді. Алғашқы дозаны енгізбес бұрын тест-доза жүргізу қажет: 25 мг 15 мин аралығында. Дозасы пациенттің дене салмағына және гемоглобин деңгейіне байланысты және жекелей белгіленеді препарат нұсқаулығын қараңыз.14 жасқа дейінгі балаларға қарсы көрсетілген, қолданудың тиімділігі мен қауіпсіздігі туралы деректер жоқтығына байланысты..