A03AD01 Папаверин гидрохлориді (Papaverine hydrochloride)

Қолдану көрсеткіштері

Дәлел деңгейі төмен препарат. Холецистит, спастикалық колит, пилороспазм кезінде ішкі ағзалардың тегіс бұлшықеттерінің түйілуін алдын алу және басу; өт және бүйрек шаншуы, ми мен аяқ-қолдар тамырларының түйілуі (кешенді терапия құрамында).

Клинические протоколы:

Қарсы көрсеткіштері

Барлық дәрілік қалып үшін:
әсер етуші затқа немесе қосымша заттардың кез келгеніне аса жоғары сезімталдық, глаукома, атриовентрикулярлық өткізгіштіктің бұзылуы, 60 жастан асқан егде жастағыларға (гипертермияның даму қаупі бар), бауыр және бүйректің ауыр жеткіліксіздігі
Инъекцияға арналған ерітінді дәрілік қалпы үшін:
кома жағдайы, тыныстың тарылуы, жүрек жеткіліксіздігі, миокард инфарктісі (жедел және жуырда бастан өткерген), жүрек ырғағының бұзылуы (брадикардия), анамнездегі құрысу синдромы немесе эпилепсия ұстамалары, бронх обструкциялық синдром, бассүйекішілік гипертензия.
"Таблеткалар" дәрілік қалпы үшін:
тыныс алудың бәсеңдеуі немесе коматоздық жағдай, артериялық гипотензия, бүйрек үсті безі қызметінің жеткіліксіздігі, ми-бас сүйек жарақаты, қуық асты безінің гиперплазиясы, жүктілік және лактация кезеңі, тұқым қуалайтын фруктоза жақпаушылығы немесе глюкоза-галактоза мальабсорбциясы бар адамдар

Қауіпсіздік шаралары

Сақтықпен: бассүйек-ми жарақаты, бүйректің созылмалы жеткіліксіздігі, гипотиреоз, қуық асты безі гиперплазиясы,анамнезінде жүрек өткізгіштігінің бұзылуы немесе жүрек ырғағының бұзылу қаупіне байланысты жүрек-қан тамырлары ауруларының декомпенсациясы болған кезде, ішек перистальтикасының төмендеуі, асқазаннан қан кету, гипотиреоз, анамнездегі құрысу синдромы немесе эпилепсия ұстамалары,

Дәрілік заттармен өзара әрекеттесуі

Папаверин леводопаның паркинсон ауруына қарсы әсерін және метилдопаның гипотензиялық әсерін төмендетеді.
Папаверин гидрохлоридін бір мезгілде қолданғанда алкогольдің әсерін күшейтеді, метилдопаның гипотензивті әсерін әлсіретеді.
Папаверин гидрохлоридінің ерітіндісі глюкоза ерітіндісімен (папаверин гидрохлоридінің белсенділігі ішінара жойылады) фармацевтикалық тұрғыдан үйлесімсіз.
Фентоламин бірге енгізілгенде жыныс мүшесінің қуысты денелеріне папаверин гидрохлоридінің әсер етуін күшейтеді.
Дифенгидрамин (димедрол), натрий метамизолы (анальгин) және диклофенак папаверин гидрохлоридінің түйілуді басатын әсерін күшейтеді.
Барбитураттармен біріктірілімде папавериннің спазмолитикалық әсері күшейеді.
Трициклді антидепрессанттармен, прокаинамидпен, резерпинмен, хинидинмен бірге қолданған кезде гипотензиялық әсері күшеюі мүмкін.
Папаверин гидрохлориді кальций өзекшелері блокаторларының әсерін күшейтуі мүмкін.
Папаверин гидрохлориді орталық жүйке жүйесін бәсеңдететін препараттардың әсерін күшейтуі және морфинмен үйлестірілгенде синергизм байқатуы мүмкін.
Спазмолитиктермен, тыныштандыратын дәрілермен, диуретиктермен, салуретиктермен (гидрохлортиазидпен, ацетазоламидпен, фуросемидпен, спиронолактонмен және б.), үш циклді антидепрессанттармен, прокаинамидпен, резерпинмен, хинидин фентоламинмен, новокаинамидпен, клонидинмен бір мезгілде қолданғанда папавериннің гипотензивті әсері күшеюі мүмкін.
Жүрек гликозидтерімен (дигоксин, строфантин) бір мезгілде қолданған кезде жүрек гликозидтерінің белсенділігін төмендету есебінен олардың әсерін бәсеңдетеді.
Тегіс мускулатураларға антихолинэстеразалық (галантамин, прозерин, физиостигмин және б.) препараттардың әсеріне ие.

Бүйрек жеткіліксіздігі

Сақтықпен және аз мөлшерде созылмалы бүйрек жеткіліксіздігі кезінде қолданылады

Бауыр жеткіліксіздігі

Бауырдың ауыр жеткіліксіздігі кезінде қолдануға қарсы көрсетілген

Жүктілік

Суппозиторилер үшін:
Жүктілік және лактация кезінде препаратты қолдану қауіпсіздігі анықталмаған. Егер ана үшін болжамды пайда шарана мен бала үшін әлеуетті қауіптен асатын болса, препаратты жүктілік кезінде тек дәрігердің тағайындауы бойынша ғана қолдануға болады.
Инъекцияға арналған калпы үшін:
жүктілік кезінде қарсы көрсетілген.
Таблеткалар үшін:
жүктілік кезінде қарсы көрсетілген.

Емізу

Препаратпен емдеу кезеңінде бала емізуді тоқтата тұру ұсынылады.

Жағымсыз әсерлері

Аллергиялық реакциялар, атриовентрикулярлық блокада, қарыншалық экстрасистолия, «бауыр» трансаминазалары белсенділігінің артуы, артериялық қысымының төмендеуі, ұйқышылдық, іш қату, эозинофилия.

Көрсеткіштері, қолдану тәсілі мен дозалары

Суппозиторийлер үшін:
Ересектерге, ішек өздігінен босағаннан немесе тазарту клизмасынан кейін 1 суппозиторийден күніне 2-3 рет.
Инъекцияға арналған қалпы үшін:
Ересектерге арналған бір реттік дозасы 20–40 мг (1-2 мл 20 мг/мл ерітінді) құрайды, енгізулер арасындағы аралық — кемінде 4 сағат. Вена ішіне енгізу, препараттың 20 мг/мл ерітіндісін алдын-ала 10–20 мл 0.9 % натрий хлориді ерітіндісінде сұйылта отырып жүргізіледі. 70 жастан асқан егде жастағы пациенттер үшін бастапқы бір реттік дозасы 10 мг (0.5 мл 20 мг/мл ерітінді) аспауы тиіс. 1-ден 12 жасқа дейінгі балалар үшін ең жоғарғы бір реттік дозасы 0.2–0.3 мг/кг құрайды.
12-ден 18 жасқа дейінгі балаларда дозалау режимі ересектердегі дозалау режиміне сәйкес келеді.
Емдеу курсын емдеуші дәрігер белгілейді.
Таблеткалар үшін:
Ересектерге 40-60 мг (1-1½ таблетка) тәулігіне 3- 4 рет.
Ең жоғарғы бір реттік доза – 200 мг (5 таблетка), ең жоғарғы тәуліктік доза - 600 мг (15 таблетка).

Балаларда қолданылуы

Балаларға "таблеткалар" және "суппозиторийлер" дәрілік нысаны түрінде қолдану:қарсы көрсетілген.
"Инъекцияға арналған ерітінді" дәрілік нысаны түрінде 1 жасқа дейінгі балаларға қолдану қарсы көрсетілген.