Нандролон (Nandrolone)

Қолдану көрсеткіштері

Әйелдерде менопауза кезеңіндегі остеопорозда.
Ауыр остеопороз диагнозы келесі белгілер бойынша қойылады:
1) омыртқа бағанының компрессиялық сынуы;
2) остеопороз түрткі болған басқа сынулар;
3) СТМТ бағалаудың қолданыстағы критерийлеріне сәйкес, сүйек тінінің минералдық тығыздығы төмендеуінің анықталуы.

Клинические протоколы:

Қарсы көрсеткіштері

Препараттың белсенді заты нандролонға немесе қосымша компоненттерінің кез келгеніне аса жоғары сезімталдық
- ерлердегі қуықасты безінің немесе сүт безінің карциномасы
- әйелдердегі сүт безінің обыры (гиперкальциемия болған жағдайда метастаздарымен)
- шығу тегі кез келген бауыр жеткіліксіздігі
- гиперкальциемия (соның ішінде анамнездегі)
- порфирия
- балалар мен 18 жасқа дейінгі жасөспірімдер
- жүктілік және емшек емізу кезеңі

Қауіпсіздік шаралары

Ұсынылған дозаларынан асыруға болмайды
- пациенттің жағдайына емдеуді бастағанға дейін, содан соң емнің алғашқы жылы ішінде әр 3 ай сайын және одан кейін жыл сайын, келесі көрсеткіштер бойынша бақылау жүргізу ұсынылады: полицитемияны жоққа шығару үшін гематокрит және гемоглобин концентрациясы
- онкологиялық аурулары бар пациенттердің (әсіресе егде жастағылардың), жүрек, бүйрек немесе бауыр аурулары бар пациенттердің (оның ішінде жүрек, бауыр немесе бүйрек жеткіліксіздігімен) жай-күйіне бақылау жүргізу керек
- пациенттер контрацепция шараларын қолдануы керек.

Дәрілік заттармен өзара әрекеттесуі

Ферменттер белсенділігін индукциялайтын препараттар нандролонның концентрациясын төмендетуі, ал ферменттердің белсенділігін тежейтін препараттар арттыруы мүмкін. Осы себепті, Нандролон препаратының дозасын түзету қажет болуы мүмкін.
Инсулин және диабетке қарсы басқа препараттар
Анаболикалық стероидтар қант диабеті бар пациенттерде глюкозаға толеранттылықты арттыруы және инсулин немесе басқа гипогликемиялық дәрілерге қажеттілігін төмендетуі мүмкін. Осылайша, қант диабеті бар пациенттерде, әсіресе емдеу курсының басында және аяғында, сондай-ақ, Нандролон препаратымен емдеу кезінде мезгіл-мезгіл тиісінше бақылау жүргізіп отыру қажет.
Антикоагулянттар (кумарин туындылары)
Нандролон жоғары дозаларында кумарин туындыларының антикоагулянттық әсерін күшейтуі мүмкін. Сәйкесінше, протромбин уақытын мұқият бақылау және қажет болса, Нандролон препаратымен емдеу кезінде антикоагулянттың дозасын төмендету қажет.
АКТГ немесе кортикостероидтар
Анаболикалық стероидтарды АКТГ немесе глюкокортикостероидтармен бір мезгілде қолдану ісінулердің түзілуіне ықпал етуі мүмкін; осылайша, аталған әсер етуші заттарды, әсіресе, жүрек немесе бауыр аурулары бар пациенттерде және ісінулердің түзілуіне бейім пациенттерде сақтықпен қолдану қажет.
Адамдағы рекомбинантты эритропоэтин
Нандролон деканоатын рЭПО (адамдағы рекомбинантты эритропоэтинмен) бірге қолдану, әсіресе, әйелдерде, анемияны емдеу кезінде эритропоэтин дозасын төмендетуге мүмкіндік беруі мүмкін.
Гепатоуытты препараттар
Гепатоуытты препараттарды анаболикалық стероидтармен бір мезгілде қолдану гепатоуыттылықтың даму жиілігінің артуына әкелуі мүмкін; пациенттер, әсіресе ұзақ ем қабылдайтындар немесе анамнезінде бауыр аурулары барлар мұқият бақылауда болуға тиіс.
Кальцитонин
Мұрын ішіне қолдануға арналған кальцитониннің нандролон деканоатымен біріктірілімінен аулақ болу қажет, себебі әлеуетті антагонизмі бар, соның салдары ретінде емдік тиімділігі төмендейді.
Зертханалық талдаулардың нәтижелеріне әсері
Анаболикалық стероидтар тироксинді байланыстыратын глобулин концентрациясының төмендеуіне алып келуі мүмкін, бұл қан сарысуындағы жалпы Т4 мөлшерінің төмендеуін туғызады және ионалмасу шайырларының Т3 пен Т4 қармауын арттырады. Дегенмен де, қалқанша бездің бос гормондарының концентрациялары өзгермейді, және қалқанша без функциясы бұзылуының клиникалық белгілері болмайды.

Бүйрек жеткіліксіздігі

Қолда бар ақпараттарға сүйенсек, бүйрек жеткіліксіздігі бар пациенттерде дозалау режимі бойынша нақты ұсынымдар беру мүмкін емес.

Бауыр жеткіліксіздігі

Бауыр жеткіліксіздігі кезінде бұл препаратты қолдануға болмайды.

Жүктілік

Шарана вирилизациясы қаупіне байланысты, Нандролон препаратын жүктілік кезінде қолдануға болмайды. Жүктілік басталып кеткен жағдайда Нандролон препаратымен емдеуді тоқтату керек.
Клиникаға дейінгі зерттеулер нандролон деканоатының гендік уыттылық әсері болуы ықтималдығын көрсетті. Нандролон деканоатының гендік уыттылық әлеуетіне орай, бала туатын жастағы әйелдер нандролон деканоатымен емделу кезінде және емдеу аяқталғаннан кейін 223 күн бойы контрацепцияның тиімді шараларын пайдалануға тиіс.
Ер адамдарға нандролон деканоатын қабылдаған кезде және емдеу аяқталғаннан кейін 130 күн бойы контрацепцияның тиімді шараларын пайдалану және ұрықтандырудан аулақ болу ұсынылады («Арнайы сақтандырулар» бөлімін қараңыз).

Емізу

Нандролон препаратын лактация кезеңінде қабылдамау керек.

Жағымсыз әсерлері

Белгісіз (қолда бар деректер негізінде бағалау мүмкін емес)
- бауырдың жаңа түзілімдері (бірен-саран жағдайларда, ішке қабылдауға арналған С17-альфа-алкилденген анаболикалық стероидтарды ұзақ уақыт қолдану аясында тіркелген. Бауыр ісіктері мен парентеральді енгізуге арналған нандролонның күрделі эфирлері сияқты құрылымы басқа стероидтар арасындағы байланыс ықтималдығы өте аз болып табылады, бірақ толықтай жоққа шығарылмайды)
- анафилактоидты реакциялар
- аллергиялық реакциялар
- өлімге соқтыратын уытты реакциялар қаупі
- аса жоғары сезімталдық
- гонадотропин жеткіліксіздігі
- әйелдерде: вирилизация симптомдары дамуы мүмкін (дауыс тембрінің қайтымсыз төмендеуі, етеккір оралымының бұзылулары, клитордың ұлғаюы)
- қырылдау (дисфония) дауыс өзгерісінің алғашқы симптомы болуы мүмкін, ол дауыс тембрінің ұзаққа созылатын, кей жағдайларда қайтымсыз төмендеуімен аяқталуы мүмкін
- аменорея
- гинекомастия
- қыз балаларда: клитордың ұлғаюы
- натрий іркілуі
- сұйықтық іркілуі
- артериялық гипертензия
- жүрек айнуы
- холестаз, сарғаю
- бауыр пурпурасы
- акне
- гирсутизм
- қышыну
- диурездің төмендеуі
- либидоның бұзылуы
- олигоспермия
- ісіну
- жергілікті реакциялар
- азот, қан мочевинасы /креатинин қатынасының жоғарылауы, бауырдың функционалдық сынамаларының қалыптан ауытқулары
- гемоглобин мөлшерінің жоғарылауы
- липидтер мөлшерінің қалыптан ауытқуы (қан сарысуындағы ТТЛП, ТЖЛП және триглицеридтер мөлшерінің төмендеуі).

Көрсеткіштері, қолдану тәсілі мен дозалары

Постменопауза кезеңіндегі остеопороз
Енгізулер арасында 3 апталық аралықтармен бұлшықет ішіне 50 мг.
Емдеу ұзақтығы клиникалық жауапқа және болуы мүмкін жағымсыз әсерлеріне тәуелді.
Емнің тиімділігін остеопороз ауырлығын бағалаудың сәйкес әдістерінің көмегімен әр 6-12 ай сайын бақылап отыру ұсынылады.
Емдік әсерінің басталу жылдамдығында елеулі жекеаралық өзгешеліктер болуы мүмкін.
Егер препаратты 3-6 ай қолданғаннан кейін, емнің нәтижесі қанағаттанарлықсыз күйінде қала берсе, Нандролон препаратын енгізуді тоқтата тұру қажет.

Балаларда қолданылуы

Препаратты балалар мен 18 жасқа дейінгі жасөспірімдерде қолдануға болмайды.

Бөлімді таңдау

A14AB01 Нандролон (Nandrolone)