S01BC11 Бромфенак (Bromfenac)
Қолдану көрсеткіштері
| -
операциядан кейінгі қабынуды емдеуде және катаракта экстракциясынан кейін
пациенттерде ауыруды азайтуда. - Көздің алдыңғы бөлігіндегі инфекциялық емес қабыну ауруларын және операциядан кейінгі қабынуды емдеу. |
Қарсы көрсеткіштері
| -
препарат компоненттеріне, сондай-ақ басқа да қабынуға қарсы стероидты емес
препараттарға жоғары сезімталдық - ацетилсалицил қышқылы мен басқа қабынуға қарсы стероидты емес препараттары (ҚҚСП) түрткі болған бронх демікпесі ұстамалары, есекжем және жедел ринит симптоматикасы бар пациенттерде - 18 жасқа дейінгі балалар мен жасөспірімдерге |
Қауіпсіздік шаралары
| Көзге операциялық араласудан 24 сағат бұрын
және офтальмологиялық операциядан кейін 14 күн ішінде жергілікті ҚҚСП қолдану
мөлдір қабық тарапынан жағымсыз реакциялардың пайда болу қаупі мен ауырлық
дәрежесін арттыруы мүмкін. Препарат құрамындағы натрий сульфиті сезімтал адамдарда анафилаксиялық шок, демікпе ұстамасын қоса, аллергиялық реакцияны туындатуы мүмкін. Анамнезінде бронх демікпесі мен аллергиялық реакциялары бар адамдарда сульфиттерге сезімталдық жоғары. Препаратты қолданғанда ацетилсалицил қышқылына, фенилацетил қышқылы туындыларына, сондай-ақ басқа да ҚҚСП-ға айқаспалы төзімділіктің даму мүмкіндігі бар. Бұрын осы препараттарға сезімталдығы айқындалған адамдарды емдегенде сақтық таныту қажет. ҚҚСП тромбоциттер агрегациясының бұзылуы нәтижесінде қан кету уақытын ұзартуы мүмкін. Жергілікті ҚҚСП офтальмологиялық операциялармен үйлестіріп қолданғанда көз тінінің қанауын (оның ішінде көздің алдыңғы камерасында) арттыруы мүмкін. Анамнезінде қан кетуге бейімділігі тіркелген пациенттерге немесе пациенттер қан ұю уақытын ұзартуы ықтимал басқа дәрілік препараттар қабылдап жүргенде, сақтықпен пайдаланылуы тиіс. Жергілікті ҚҚСП қолдану тәжірибесі хирургиялық офтальмологиялық араласудан кейінгі асқынулары, мөлдір қабық денервациясы, мөлдір қабық эпителийі ақаулары, қант диабеті, көздің беткейлік аурулары (мысалы, «көздің құрғауы» синдромы), ревматоидты артриті бар немесе қысқа уақыт аралығы ішінде қайталап жасалған хирургиялық араласу болған пациенттерде мөлдір қабық тарапынан жағымсыз реакциялар дамуының жоғары қаупі болуы мүмкін екендігін көрсетеді. Жергілікті ҚҚСП пайдалану кератиттің дамуына әкелуі мүмкін. Кейбір сезімтал пациенттерде жергілікті ҚҚСП ұзақ қолдану эпителийдің ажырауын, мөлдір қабықтың жұқаруын, мөлдір қабық эрозиясын, мөлдір қабықта ойық жараның пайда болуы немесе мөлдір қабықтың тесілуін туғызуы мүмкін. Бұл жағымсыз құбылыстар көру қабілетін жоғалту қаупін туындатуы мүмкін. Мөлдір қабық эпителийі ажырауының белгілері бар пациенттер препаратты пайдалануын дереу тоқтатуы және мөлдір қабықтың жағдайы қалпына түскенге дейін дәрігердің бақылауында болуы тиіс. ҚҚСП пайдалану, әсіресе жергілікті кортикостероидтарды бірге қолданғанда, жазылу үдерісін баяулатады. ҚҚСП пайдаланғанда жазылу үдерісінің баяулайтыны жайында пациенттерге ескертілуі тиіс. Препаратты қолданғанда пациенттер жанаспалы линза пайдаланбауы тиіс. Тамшылатқыштың ұшына тиіспеуді және оны кез келген беткейге тигізбеу керек екендігін, мұның құты ішіндегісін ластауға әкелетінін пациенттерге ескерткен жөн. |
Дәрілік заттармен өзара әрекеттесуі
| Препаратты басқа офтальмологиялық препараттармен: α-адреномиметиктермен, β-адреноблокаторлармен, карбоангидраза тежегіштерімен, мидриатиктермен бір мезгілде қолдануға болады. Бұл ретте препараттар кем дегенде бес минут үзіліспен қолданылуы тиіс. |
Бүйрек жеткіліксіздігі
| Деректор жоқ |
Бауыр жеткіліксіздігі
| Шетелдік есептерге сәйкес бауырдың күрделі аурулары (өліммен аяқталу жағдайларын қоса алғанда) 1 айдан астам ұзақ уақыт бойы жалпы дозада 1500 мг-нан астам пероральді препаратты қабылдаған пациенттерде анықталды.Сондықтан, бауыр жұмысының бұзылуының ерте симптомдарына қатысты болуы мүмкін организм жұмысындағы іркілістер анықталған кезде осы препаратты қолдануды тоқтату және тиісті шаралар қабылдау қажет. |
Жүктілік
| Бұл препаратты жүкті әйелдерге, бала тууға қабілетті әйелдерге немесе бала емізетін әйелдерге, егер күтілетін емдік артықшылықтар емдеуге байланысты ықтимал қауіптерді асып түсетін жағдайда ғана енгізген жөн, өйткені осы препараттың жүкті немесе бала емізетін әйелдерге қауіпсіздігі анықталмаған. |
Емізу
| Әйелдерде лактация кезеңінде қолданғанда сақ болған жөн. |
Жағымсыз әсерлері
| Катарактаны
алып тастау операциясынан кейін бромфенакты қолданудың мынадай қолайсыз
салдары туралы көбірек жиілікпен хабарланған: көздегі жайсыздық,
конъюнктиваның гиперемиясы, көздің тітіркенуі (оның ішінде ашыту/шаншу
сезімі), ауырсыну, көздегі қышыну, көздің қызаруы, бас ауруы және көздің
нұрлы қабығының қабынуы. Жиі емес - көру өткірлігінің төмендеуі, конъюнктиваның гиперемиясы; геморрагиялық ретинопатия, көздегі жайсыздық сезімі және ерекше сезім, көздің қызаруы, тітіркену, ауырсыну, мөлдір қабықтың эрозиясы (әлсіз немесе орташа), мөлдір қабықтың эпителийінің бұзылуы, көздегі қышыну және күйдіру, мөлдір қабықтың ісінуі, қабақтың ісінуі, көзден бөлінді бөлінуі, көз торқабығының экссудаттары, көрудің бұлыңғырлануы, көздің қарығуы; қабақтан қан кету, мұрыннан қан кету, жөтел, мұрынның қосалқы қуыстарының дренажы, мұрынның ісінуі. Сирек - мөлдір қабықтың эрозиясы, мөлдір қабықтың ойық жаралануы мен тесілуі, мөлдір қабықтың жұқаруы, эпителийдің бұзылуы, склеромаляция; демікпе туралы бірен-саран постмаркетингтік хабарламалар бар. |
Көрсеткіштері, қолдану тәсілі мен дозалары
| Катарактаны
экстракциялау кезінде: емдеуді хирургиялық араласудан 1 күн бұрын бастайды
және операциядан кейінгі кезеңнің алғашқы 14 күні ішінде (операция күнін
қоса) жалғастырады. Басқа операциядан кейінгі қабынулар: 1-2 тамшыдан күніне 1-2 рет 14 күн бойы. Көздің алдыңғы бөлігінің инфекциялық емес қабыну ауруларын емдеу: күніне екі рет бір тамшыдан. |
Балаларда қолданылуы
| 18 жасқа дейінгі балалар мен жасөспірімдерде қолдануға болмайды (балаларда препаратты қолданудың қауіпсіздігі мен тиімділігі зерттелмеген). |