A11CA01 Ретинол (Retinol)
Қолдану көрсеткіштері
| А-гиповитаминозында және А-авитаминозында. Көз ауруларында: пигментті ретинит, ксерофтальмия, гемералопия, қабақтың экзематозды зақымдануы, беткейлік кератит, мөлдір қабықтың зақымдануы, конъюнктивит, пиодермияда. Тері аурулары мен зақымдануларында: үсік шалу, күйік, жарақаттар, ихтиоз, фолликулярлы дискератоз, кәрілік кератоз, тері туберкулезі, псориаз, экземаның кейбір түрлері. Экссудативті диатез, созылмалы бронх-өкпе аурулары, ішектің эрозиялық-ойық жара және қабыну зақымданулары, бауыр циррозы аясында өтетін рахиттің, гипотрофияның, жедел респираторлық аурулардың кешенді емінің құрамында. |
-
Клинические протоколы:
- Корь у детей
- Корь
- Острый ларинготрахеит
- Ожоги поверхностные до 20% (взрослые)
- Ожоги II – IIIА степени более 20% (взрослые)
- Рахит
Қарсы көрсеткіштері
| Әсер етуші затқа немесе қосымша заттарының кез келгеніне аса жоғары сезімталдық - өттас ауруы - созылмалы панкреатит - жедел және созылмалы нефрит - ІІ-ІІІ дәрежелі жүрек жеткіліксіздігі - А гипервитаминозы - ретиноидтердің артық дозалануы - гиперлипидемия - семіздік - созылмалы алкоголизм - саркоидоз (оның ішінде анамнезінде) - жүктілік және бала емізу кезеңі - 18 жасқа дейінгі балалар мен жасөспірімдер |
Қауіпсіздік шаралары
| Сақтықпен қолдану: - қан ұюының бұзылуымен немесе қан кетудің дамуымен, ағзадағы кальцийдің жойылуымен қатарлас жүретін аурулар - бауырдың ауыр зақымдануы кезінде - жедел және созылмалы гепатиттерде. Дәрілік заттың жинақталу қасиеті бар және ұзақ уақыт бойы организмде сақталады, сондықтан препаратты құрамында А дәрумені бар басқа дәрілік заттармен бір мезгілде қабылдамаған жөн. Дәрілік затты күнделікті, әсіресе үлкен дозаларда ұзақ мерзімде қабылдау, А гипервитаминозының дамуына түрткі болуы мүмкін. Қан ұюының бұзылуымен немесе қан кетудің дамуымен, ағзадағы кальцийдің жойылуымен, бауырдың ауыр зақымдануымен, жедел және созылмалы гепатиттермен бірге жүретін ауруларда сақтықпен қолдану керек. Бауыр функциясын емдеу басталғанға дейін және емдеу барысында бақылау үшін қанның биохимиялық талдауын жүргізу керек. Дәрілік затты тетрациклиндермен ұзақ уақыт емдеу кезінде қолдануға болмайды. Ретинолды холестирамин қабылдар алдында 1 сағат бұрын немесе қабылдағаннан кейін 4-6 сағаттан соң қабылдау керек. А дәрумені қалыпты сіңуі үшін тағамда майлардың болуы қажетті шарт болып табылады. Алкоголь мен шылымды шамадан тыс пайдалану ас қорыту жолынан дәрілік заттың сіңуін бұзады. |
Дәрілік заттармен өзара әрекеттесуі
| Эстрогендер және ішу арқылы қабылданатын контрацептивтер, олардың құрамындағылар ретинолдың сіңуін күшейтеді, бұл А- гипервитаминозының дамуына әкелуі мүмкін. Ретинол глюкокортикоидтардың қабынуға қарсы әсерін төмендетеді, Са2+ препараттарының әсерін әлсіретеді, гиперкальциемияның даму қаупін ұлғайтады. Изотретиноин уытты әсерінің туындау қаупін ұлғайтады. Тетрациклин мен А дәруменін жоғары дозаларда бір мезгілде қолдану (50 мың/ӘБ және одан жоғары) бассүйекішілік гипертензияның даму қаупін ұлғайтады. Ретинолдың сіңуін нитриттер, холестирамин, колестипол, минералды майлар, неомицин бұзады. Ретинолды холестираминді қабылдаудан 1 сағат бұрын немесе қабылдағаннан кейін 4-6 сағаттан соң қолдану керек. D гипервитаминозы (өзара) қаупін азайтады. Кортикостероидтар және алкоголь препараттың емдік әсерін төмендетеді. Токоферол бауырда ретинолдың уыттылығын, сіңуін, жинақталуын төмендетеді, токоферолдың жоғары дозалары организмдегі ретинол қорын азайтуы мүмкін. А дәрумені мен антикоагулянттарды бір мезгілде қабылдау қан кетуге бейімділікті күшейтеді. |
Бүйрек жеткіліксіздігі
| Деректер жоқ. |
Бауыр жеткіліксіздігі
| Қолдану
кезіндегі қажетті сақтық шаралары: бауырдың ауыр зақымдануы кезінде. |
Жүктілік
| А дәруменінің жоғары дозасын ескергендіктен, бұл дәрілік затты жүктілік кезеңінде қолдануға болмайды. |
Емізу
| А дәруменінің жоғары дозасын ескергендіктен, бұл дәрілік затты бала емізу кезеңінде қолдануға болмайды. |
Жағымсыз әсерлері
| Метаболизмнің және тамақтанудың бұзылуы: тәбеттің жоғалуы, ауыз қуысының шырышты қабығының құрғауы, асқазанның ауыруы, құсу, жүрек айнуы, дене салмағының азаюы, шаштың түсуі, гиперкальциемия. Бауыр және өт шығару жолдары тарапынан бұзылулар: гепатоуыттылық құбылыстары, порталдық гипертензия. Тері және тері асты тіндері тарапынан бұзылулар: терінің, еріннің жарылуы мен құрғауы, табандардағы, алақандардағы, мұрын-ерін үшбұрышы аймағындағы сары-қызғылт-сары дақтар, тері асты ісінуі, жекелеген жағдайларда қолданудың бірінші күні дәрілік затты тоқтатуды талап ететін қышынатын дақты-папулезді бөртпелер пайда болуы мүмкін. Жүйке жүйесі тарапынан: астения, шамадан тыс шаршағыштық, ұйқышылдық, жайсыздық, бас ауруы, ашушаңдық, көзішілік гипертензия, көрудің бұзылуы, жүрістің бұзылуы, фотосезімталдық. Эндокриндік бұзылулар: олигоменорея. Бүйрек және несеп шығару жолдары тарапынан бұзылулар: поллакиурия, никтурия, полиурия. Қан және лимфа жүйесі тарапынан бұзылулар: гемолиздік анемия. Бұлшық ет, қаңқа және дәнекер тіндер тарапынан бұзылулар: сүйектердің ауруы, сүйектердің рентгенограммаларындағы өзгерістер, құрысулар. Иммундық жүйе тарапынан бұзылулар: аса жоғары сезімталдық реакциялары. Дозаны азайтқанда немесе дәрілік затты уақытша тоқтатқанда жағымсыз құбылыстар өздігінен қайтады. Тері ауруларында жоғары дозалар тағайындаған кезде емдеудің 7-10 күнінен кейін жергілікті қабыну реакцияларының өршуі байқалады, бұл қосымша емдеуді қажет етпейді және осыдан әрі қарай азая береді. Мұндай әсері препараттың миело- және иммунитет көтермелеуші әсерімен байланысты. |
Көрсеткіштері, қолдану тәсілі мен дозалары
| Жеңіл және орташа дәрежедегі авитаминоздар кезіндегі емдік дозалар: ересектерге – тәулігіне 33000 ХБ, көз ауруында – тәулігіне 33000-100000 ХБ. Тері аурулары кезінде ересектерге тәулігіне 33000-100000 ХБ тағайындалады. Енгізу әдісі және жолы Ішке тамақтан 10-15 минуттан кейін қабылдау керек. Қабылдау уақыты көрсетілген қолдану жиілігі Тәулігіне жоғарысы - 100000 ХБ. А дәруменінің жоғары дозасын қолданғанда А гипервитаминозының даму мүмкіндігін ескеру керек. |
Балаларда қолданылуы
| Препарат педиатриялық практикада қолданылмайды. |