Дапаглифлозин (Dapagliflozin)

Қолдану көрсеткіштері

2-ші типті қант диабеті
Препараты 18 жастан бастап және одан үлкен ересек пациенттерге диетамен және дене жүктемелерімен біріктіріп жеткіліксіз бақыланатын 2-ші типті қант диабетін емдеу үшін:
- метформинді қолдану мақсатқа сай емес немесе қарсы көрсетілімді болып саналғанда монотерапия ретінде
- 2-ші типті диабетті емдеуге арналған басқа дәрілік препараттармен қосып біріктірілген ем ретінде көрсетілген.
Жүрек жеткіліксіздігі
Препараты 18 жастағы және одан асқан пациенттерге симптоматикалық созылмалы жүрек жеткіліксіздігін емдеу үшін көрсетілген.
Бүйректің созылмалы ауруы
Препараты 18 жастан асқан ересек пациенттерге созылмалы бүйрек ауруын емдеу үшін көрсетілген.

Клинические протоколы:

Қарсы көрсеткіштері

препараттың кез келген компонентіне жеке жоғары сезімталдық
- 1-ші типті қант диабеті
- диабеттік кетоацидоз
- есептік ШСЖ (еШСЖ) 25 мл/мин/1.73 м2 төмен болатын (емді бастау үшін) бүйрек жеткіліксіздігі
- диализді талап ететін бүйрек ауруының терминалдық сатысы (клиникалық зерттеулер жүргізудің шектеулі тәжірибесіне орай)
- тұқым қуалайтын лактоза жақпаушылығы, лактаза жеткіліксіздігі және глюкоза-галактоза жақпаушылығы
- жүктілік және бала емізу кезеңі
- балалар және 18 жасқа дейінгі жасөспірімдер (қауіпсіздігі мен тиімділігі зерттелмеген)

Қауіпсіздік шаралары

Препаратты тағайындау алдында және емдеу барысында дәрігерге хабарлау қажет, егер:
- 1 типті қант диабеті болса (препарат бұл жағдайда қолданылмайды);
- Бүйрек немесе бауыр аурулары болса;
- Қандағы қант деңгейі өте жоғары болса (сусыздану қаупі бар);
- Ем қабылдағаннан кейін жүрек айну, құсу, қызу, тәбеттің төмендеуі пайда болса;
- Несеп жолдарының жиі инфекциялары қайталанса;
- Қан қысымын төмендететін дәрілерді қабылдаса немесе бұрын артериялық гипотензия болса;
- Диуретиктерді қабылдаса;
- Инсулин немесе сульфонилмочевина негізіндегі препараттар қабылдаса;
- Литий қабылдаса (препарат қандағы литий деңгейін төмендетуі мүмкін).
Дереу дәрігерге жүгінуді талап ететін қауіпті жағдайлар:
Диабеттік кетоацидоз → белгілері: күрт салмақ жоғалту, жүрек айну, іштің ауыруы, қатты шөлдеу, жиі және терең тыныс алу, ұйқышылдық, естің шатасуы, зәрдің, тердің немесе ауыз иісінің өзгеше болуы. Бұл жағдай қандағы қант деңгейі қалыпты болған кезде де дамуы мүмкін.
Промежностьтың некротикалық фасцииті (Фурнье гангренасы) → белгілері: жыныс аймағында немесе аралықта ауырсыну, ісіну, қызару, қызбамен бірге жүруі. Бұл ауыр инфекция және дереу емдеуді қажет етеді.
Жыныс мүшелерінің инфекциялары (соның ішінде фимоз). Жыныс аймағында жайсыздық немесе қабыну белгілері болса, дәрігерге қаралу керек.

Дәрілік заттармен өзара әрекеттесуі

Диуретиктер
Дапаглифлозин тиазидтік және ілмектік диуретиктердің несеп айдайтын әсерін толықтыра алады, ал сусыздану мен гипотензия қаупін арттыруы мүмкін.
Инсулин және инсулин секрециясының стимуляторлары
Инсулин мен сульфонилмочевина сияқты инсулин секрециясының стимуляторлары гипогликемияны тудырады. Осылайша, дапаглифлозинмен біріктіріп пайдаланғанда гипогликемия қаупін азайту үшін инсулиннің немесе инсулин секрециясы стимуляторының төменірек дозасы қажет болуы мүмкін.
Фармакокинетикалық өзара әрекеттесулері
Дапаглифлозин метаболизмі, негізінен, UGT1A9 ферментінің әсерімен глюкуронидтік конъюгация арқылы жүзеге асады.
Зертханалық зерттеулер барысында дапаглифлозин Р450 цитохромы жүйесінің CYP1A2, CYP2A6, CYP2B6, CYP2C8, CYP2C9, CYP2C19, CYP2D6, CYP3A4 изоферменттерін тежемеді және CYP1A2, CYP2B6 немесе CYP3A4 изоферменттерін индукцияламады. Осыған байланысты, бұл изоферменттердің әсерімен метаболизденетін қатарлас препараттардың метаболизмдік клиренсіне дапаглифлозиннің ықпал етуі күтілмейді.
Басқа дәрілік заттардың дапаглифлозинге әсері
Дапаглифлозиннің бір реттік дозасын қабылдау кезіндегі өзара әрекеттесу зерттеулері метформин, пиоглитазон, ситаглиптин, глимепирид, воглибоза, гидрохлоротиазид, буметанид, валсартан немесе симвастатиннің дапаглифлозин фармакокинетикасына әсер етпейтінін көрсетті. Дапаглифлозин мен әртүрлі белсенді тасымалдағыштардың және дәрілік препараттарды метаболиздейтін ферменттердің индукторы - рифампицинді бірге қолданудан кейін дапаглифлозиннің жүйелі экспозициясының (AUC) глюкозаның бүйрекпен тәуліктік шығарылуына клиникалық мәнді әсері болмағанда 22% төмендеуі білінді. Препарат дозасын түзету ұсынылмайды. Басқа индукторлармен (мысалы, карбамазепин, фенитоин, фенобарбитал) қолдану кезінде клиникалық мәнді ықпал етуі күтілмейді.
Дапаглифлозин мен мефенам қышқылын (UGT1A9 тежегіші) бірге қолданудан кейін дапаглифлозин жүйелі экспозициясының 55% ұлғаюы, бірақ глюкозаның бүйрекпен тәуліктік шығарылуына клиникалық мәнді әсер етуінсіз білінді. Препарат дозасын түзету ұсынылмайды.
Дапаглифлозиннің басқа дәрілік препараттарға әсері
Дапаглифлозин литийдің бүйрекпен экскрециялануын күшейтіп, қандағы литий деңгейін төмендетуі мүмкін. Қан сарысуында литий концентрациясын дапаглифлозин қабылдау басталған соң және дапаглифлозин дозасын өзгертуден кейін жиірек бақылап отыру керек. Қан сарысуында литий концентрациясының кейінгі бақылануы үшін пациент дәрігерге жіберілуі тиіс.
Дапаглифлозин бір реттік дозасын қабылдау кезіндегі өзара әрекеттесу зерттеулерінде метформин, пиоглитазон, ситаглиптин, глимепирид, гидрохлоротиазид, буметанид, валсартан, дигоксин (P-gp субстраты) немесе варфарин (S-варфарин, CYP2C9 изоферментінің субстраты) фармакокинетикасына немесе Халықаралық қалыптасқан қатынас (ХҚҚ) бойынша бағаланатын антикоагуляциялық әсеріне ықпал етпеді. Дапаглифлозин 20 мг бір реттік дозасын және симвастатинді (CYP3A4 изоферментінің субстраты) қолдану симвастатин AUC 19% және симвастатин қышқылы AUC 31% жоғарылауына алып келді. Симвастатин мен симвастатин қышқылы экспозициясының ұлғаюы клиникалық мәнді болып саналмайды.
Дапаглифлозиннің 1,5-ангидроглюцит (1,5-AG) талдауы нәтижелеріне әсері
1,5-АГ талдауы көмегімен гликемиялық бақылауды мониторингтеу ұсынылмайды, өйткені SGLT2 тежегіштерін қабылдап жүрген пациенттерде гликемияны бақылауға баға берілгенде 1,5-АГ өлшемдері көрсеткіштік мәндер бола алмайды. Гликемиялық бақылауды мониторингтеу үшін баламалы әдістерді пайдалану ұсынылады.
Басқа өзара әрекеттесулері
Шылым шегу, диета, өсімдік тектес препараттар қабылдау мен алкоголь тұтынудың дапаглифлозин фармакокинетикасының параметрлеріне әсері зерттелмеген.

Бүйрек жеткіліксіздігі

Бүйрек функциясы бұзылуының ескерілуімен препарат дозасын түзету қажет емес.
ШСЖ 25 мл/мин бар пациенттерде дапаглифлозинді қолдану тәжірибесі шектеулі, сондықтан ондай пациенттерде дапаглифлозинмен емдеуді бастау ұсынылмайды.
Дапаглифлозинмен ем кезінде глюкоза деңгейінің төмендеу тиімділігі бүйрек функциясына байланысты болады, ШСЖ < 45 мл/мин пациенттерде азаяды, әрі ықтималды түрде, бүйрек функциясының ауыр дәрежедегі бұзылуы бар пациенттерде болмайды.
Дапаглифлозин қабылдаған бүйректің ауырлығы орташа дәрежедегі жеткіліксіздігімен (ШЖС < 60 мл/мин) 2-ші типті қант диабеті бар пациенттердің шағын бөлігінде/көп санында креатинин, фосфор, паратиреоидты гормон және артериялық гипотензия деңгейінің жоғарылауы болды.

Бауыр жеткіліксіздігі

Бауыр функциясының бұзылуы бар пациенттерде препаратты қолданудың шектеулі деректері бар. Бауыр функциясының ауыр дәрежедегі бұзылулары бар пациенттерде дапаглифлозин экспозициясының ұлғаюы болған.

Жүктілік

Дапаглифлозинді жүкті әйелдерде пайдалану туралы мәліметтер жоқ. Жүктілік анықталғанда дапаглифлозинмен емдеу тоқтатылуы тиіс.

Емізу

Дапаглифлозин мен оның метаболиттерінің ана сүтіне өту-өтпеуі, сондай-ақ олардың сүт өндіруге немесе бала организміне әсері туралы деректер жоқ. Балаларда күрделі жағымсыз реакциялардың туындауы мүмкін екеніне орай, препаратын бала емізу кезінде қолдану ұсынылмайды.

Жағымсыз әсерлері

Өте жиі
- гипогликемия (сульфонилмочевина туындысымен немесе инсулинмен біріктірілімде қолданылғанда)
Жиі
- вульвовагинит, баланит және жыныс мүшелерінің осыған ұқсас инфекциялары (вульва-қынаптық зеңді инфекция, қаныптық инфекция, баланит, жыныс мүшелерінің зеңді инфекциясы, вульва-қынаптық кандидоз, вульвовагинит, кандидозды баланит, гениталий кандидозы; жыныс мүшелерінің инфекциясы, ерлердегі жыныс мүшелерінің инфекциясы, жыныс мүшесінің инфекциясы, вульвит, бактериялық вагинит, вульва абсцесін қоса)
- несеп шығару жолдарының инфекциясы (несеп шығару жолдарының инфекциясы, цистит, Escherichia тудырған несеп шығару жолдарының инфекциялары, несеп-жыныс жолдарының инфекциялары, пиелонефрит, тригонит, уретрит, бүйрек инфекциялары және простатит)
- бас айналу
- бөртпе
- арқаның ауыруы
- дизурия, полиурия (поллакиурия, полиурия және диурез күшеюі)
- дислипидемия
- емнің басында бүйректік креатинин клиренсінің төмендеуі
- гематокрит мәнінің артуы
Жиі емес
- зеңді инфекция
- айналымдағы қан көлемінің төмендеуі (сусыздану, гиповолемия, артериялық гипотензия), шөлдеу
- іш қату, ауыздың құрғауы
- никтурия
- вульва-қынап қышынуы, гениталий қышынуы
- емнің басында қандағы креатинин концентрациясының жоғарылауы, қандағы мочевина концентрациясының жоғарылауы
- салмақ жоғалту
Сирек
- диабеттік кетоацидоз
Өте сирек
- ангионевроздық ісіну
- шаттың некроздық фасцииті (Фурнье гангренасы)
- тубулоинтерстициальді нефрит

Көрсеткіштері, қолдану тәсілі мен дозалары

Препараты тамақтануға байланыссыз күніне бір рет ішке қолданылады. Таблетканы тұтастай жұту керек.
2-ші типті қант диабеті
Ұсынылатын дапаглифлозин дозасы тәулігіне бір рет 10 мг құрайды.
Дапаглифлозинді инсулин препараттарымен немесе инсулин секрециясын арттыратын препараттармен, мысалы, сульфонилмочевина туындыларымен біріктірілімде қолдану кезінде гипогликемия қаупін төмендету мақсатында инсулин препараттарының немесе инсулин секрециясын жоғарылататын препараттардың дозасын төмендету қажет болуы мүмкін.
Жүрек жеткіліксіздігі
Ұсынылатын дапаглифлозин дозасы тәулігіне бір рет 10 мг құрайды.
Бүйректің созылмалы ауруы
Ұсынылатын дапаглифлозин дозасы тәулігіне бір рет 10 мг құрайды.

Балаларда қолданылуы

18 жасқа толмаған пациенттерде дапаглифлозин қауіпсіздігі мен тиімділігі зерттелмеген.

Бөлімді таңдау

A10BK01 Дапаглифлозин (Dapagliflozin)