A10BD15 Метформин және дапаглифлозин (Metformin and Dapagliflozin)
Қолдану көрсеткіштері
| Препарат 2-ші типті қант диабеті бар ересектерге гликемия бақылауын жақсарту үшін диета мен дене жаттығуларына қосымша ретінде қолдануға арналған. Дапаглифлозин: - 2 типті қант диабеті бар және анықталған жүрек-қантамыр ауруымен немесе жүрек жеткіліксіздігімен байланысты емдеуге жатқызу қаупін төмендету үшін жүрек-қантамыр ауруларының көптеген қауіп факторлары бар ересектерге - жүрек-қантамыр аурулары және жүрек жеткіліксіздігіне байланысты емдеуге жатқызу нәтижесінде өлім қаупін азайту үшін лықсыту фракциясы төмендеген жүрек жеткіліксіздігі бар ересек пациенттерге (NYHA II-IV класс) - созылмалы бүйрек ауруының үдеу қаупі және ШСЖ тұрақты төмендеу қаупі, терминалдық бүйрек жеткіліксіздігі, жүрек-қантамыр аурулары және жүрек жеткіліксіздігіне байланысты емдеуге жатқызу нәтижесінде қайтыс болу қаупі бар ересек пациенттерге қолданылады |
-
Клинические протоколы:
- Сахарный диабет 2 типа
Қарсы көрсеткіштері
| препараттың белсенді затына немесе қосымша заттардың кез келгеніне жоғары сезімталдық - лактоацидозды, комамен немесе онсыз жүретін диабеттік кетоацидозды қоса, жедел немесе созылмалы метаболизмдік ацидоз - диабеттік прекома - ауыр бүйрек жеткіліксіздігі (ШСЖ 30 мл/мин/1,73 м2 төмен), бүйрек жеткіліксіздігінің терминалдық сатысы, диализдегі пациенттер - бүйрек функциясының бұзылуына әкелетін жедел жағдайлар (сусыздану, ауыр инфекция, шок) - тіндер гипоксиясын туғызатын жедел немесе созылмалы аурулар (жүрек жеткіліксіздігі, өкпе жеткіліксіздігі, жуырда бастан өткерген миокард инфарктісі, шок) - бауыр жеткіліксіздігі - жедел алкогольдік уыттану, маскүнемдік - сирек тұқым қуалайтын галактоза жақпаушылығы ауруы, Лапп лактазасы тапшылығы немесе глюкоза-галактоза мальабсорбциясы - жүктілік және лактация кезеңі - 18 жасқа дейінгі балалар Құрамында йод бар контрастылы заттарды тамыр ішіне қолдануды қоса, радиологиялық тексеруден өтіп жүрген пациенттерде препаратын қабылдауды уақытша тоқтата тұру керек, өйткені ондай заттарды пайдалану бүйрек функциясының күрт өзгеруіне алып келуі мүмкін. |
Қауіпсіздік шаралары
| Препарат 1-ші типті қант диабетін және диабеттік кетоацидозды емдеуге арналмаған. Лактоацидоз – өте сирек кездесетін, бірақ ауыр метаболикалық асқыну, уақтылы ем болмаса өлім-жітімі жоғары (50%-ға дейін). Ол метформиннің жиналуынан дамуы мүмкін. Лактоацидоз жағдайлары көбіне метформин қабылдайтын, бүйрек қызметі бұзылған немесе бүйрек жұмысы жедел нашарлаған науқастарда байқалған. Қауіп факторлары: сусыздану (қатты құсу, диарея), гипотензивті дәрілерді, диуретиктерді немесе ҚҚСП қабылдауды бастағанда. Мұндай жағдайларда метформинді уақытша тоқтату қажет. Сондай-ақ нашар бақыланатын диабет, кетоз, ұзақ ашығу, алкогольді шамадан тыс қолдану, бауыр жеткіліксіздігі, жүрек жеткіліксіздігі немесе миокард инфарктісі сияқты гипоксиямен жүретін жағдайлар да қауіп тудырады. Қарттарда бүйрек қызметін мұқият бақылау керек. Препаратты бастамас бұрын креатинин клиренсі өлшеніп, бүйрек жұмысы қалыпты екені расталуы тиіс. Контрастты зерттеу немесе жоспарлы операция алдында препарат уақытша тоқтатылады. Лактоацидоздың бастапқы белгілері – ентігу, іш ауыруы, гипотермия, кейін кома дамуы мүмкін. Диагностикалық көрсеткіштері: қан рН төмендеуі, плазмадағы лактат >5 ммоль/л, аниондық интервал жоғары, лактат/пируват арақатынасы бұзылған. Күдік туған жағдайда препарат дереу тоқтатылып, науқас жедел ауруханаға жатқызылады. Метформин негізінен бүйрек арқылы шығарылады, сондықтан бүйрек жұмысы бұзылғанда лактоацидоз қаупі артады. Сарысудағы креатинин жоғары болса, препарат қолданылмайды. Қарттарға ең төмен тиімді доза беріледі. Терапия алдында және жылына кемінде бір рет бүйрек жұмысы тексерілуі тиіс. Нашарлау байқалса – препаратты тоқтату қажет. Бауыр жеткіліксіздігінде препарат қолдануға болмайды. Алкоголь метформиннің әсерін күшейтіп, лактоацидоз қаупін арттырады, сондықтан алкоголь мен құрамында этанол бар дәрілерге тыйым салынады. SGLT2 тежегіштерімен бірге қабылдағанда кетоацидоз жағдайлары тіркелген. Белгілері: жүрек айну, құсу, іштің ауыруы, әлсіздік, ентігу. Глюкоза деңгейі орташа ( <14 ммоль/л ) болғанда да дамуы мүмкін. Дапаглифлозин сұйықтық көлемін азайтып, гипотензия немесе бүйрек жұмысының уақытша нашарлауына әкелуі мүмкін. Қауіп тобы: бүйрек жеткіліксіздігі барлар, қарттар, ілмекті диуретик қабылдайтындар. Терапия алдында бүйрек пен сұйықтық жағдайы бағаланады. Препарат қабылдағанда зәр шығару жолдарының ауыр инфекциялары (уросепсис, пиелонефрит) болуы мүмкін, сондықтан белгілері шықса ем уақытша тоқтатылады. Инсулинмен немесе инсулин секрециясын күшейтетін дәрілермен бірге қабылдағанда гипогликемия қаупі жоғарылайды, сондықтан олардың дозасын азайту қажет болуы мүмкін. Өте сирек кездесетін, бірақ өмірге қауіпті асқыну – Фурнье гангренасы (жыныс аймағының некротикалық фасцииті). Белгілері: ауырсыну, қызару, ісіну, қызба. Күдік туған жағдайда препарат дереу тоқтатылып, антибиотик пен хирургиялық ем қолданылады. Метформин В12 витаминінің сіңуін нашарлатуы мүмкін, бұл анемияға әкеледі. Сондықтан қан талдауын жыл сайын, ал В12 деңгейін 2–3 жыл сайын тексеріп тұру ұсынылады. Дапаглифлозин жыныс аймағындағы грибокты инфекциялар қаупін арттырады, әсіресе бұрын мұндай ауруы болған науқастарда. Жоспарлы хирургиялық операция алдында препарат уақытша тоқтатылады. Қайта бастау – бүйрек жұмысы тексерілгеннен кейін ғана. Қант диабеті 2 типінде, егер бұрын бақыланған науқаста зертханалық немесе клиникалық ауытқулар пайда болса, кетоацидоз немесе лактоацидозға тексеру керек. Мұндай жағдайда препарат дереу тоқтатылуы тиіс. |
Дәрілік заттармен өзара әрекеттесуі
| Дапаглифлозин мен метформиннің дозаларын біріктіріп қолдану дені сау субъектілерде дапаглифлозиннің немесе метформиннің фармакокинетикасына елеулі әсер етпейді. Препараты үшін дәрілік өзара әрекеттесуді зерттеу жүргізілген жоқ. Дапаглифлозин Басқа препараттардың дапаглифлозинге әсері Дапаглифлозиннің метаболизміне негізінен глюкоронидтық коньюгация, уридин-дифосфат глюкуронилтрансферазаға тәуелді, 1А1 (UGT1A9) изоформасы түрткі болады. Негізгі метаболиті дапаглифлозин 3-О-глюкуронид SGLT2 тежегіші болып табылмайды. In vitro жағдайларында зерттеулердің мәліметтері, дапаглифлозин мен дапаглифлозин 3-О-глюкуронидті CYP1A2, 2C9, 2C19, 2D6, 3A4 b ферменттері тежемейді және CYP1A2, 2B6 немесе 3A4 ферменттерін индукцияламайды деген тұжырым жасауға мүмкіндік береді. Сондықтан, дапаглифлозин бір мезгілде қабылданған, аталған ферменттермен метаболизденетін дәрілердің метаболизмдік клиренсін өзгертеді деп күтіледі, және аталған ферменттер тежейтін немесе индукциялайтын дәрілер дапаглифлозиннің метаболизмдік клиренсін өзгертеді деп күтілмейді. Дапаглифлозин белсенді Р-гликопротеин (P-gp) тасымалдағышының әлсіз субстраты болып табылады және дапаглифлозин 3-О-глюкуронид анион тасымалдайтын ақуыздар тобының (ОАТ3) белсенді тасымалдағышы үшін субстрат болып табылады. Дапаглифлозин немесе дапаглифлозин 3-О-глюкуронид белсенді P-gp, OCT2, OAT1, немесе OAT3 тасымалдағыштарын елеулі дәрежеде бәсеңдетпейді. Жалпы алғанда, дапаглифлозиннің бір мезгілде қабылданған, P-gp, OCT2, OAT1, немесе OAT3 субстраттары болып табылатын дәрілердің фармакокинетикасына әсер ету ықтимадығы аз. Пиоглитазон: 50 мг дапаглифлозинді және CYP2C8 бен CYP3A4 субстраты болып табылатын 45 мг пиоглитазонның бір реттік дозасын бірге қабылдағанда, дапаглифлозин фармакокинетикасының өзгергені байқалған жоқ. Сондықтан, дапаглифлозиннің CYP2C8 басқа субстраттарымен елеулі өзара әрекеттесуі күтілмейді. Ситаглиптин: 20 мг дапаглифлозин және hOAT-3 субстраты болып табылатын 100 мг ситаглиптиннің бір реттік дозасын бірге қабылдау, дапаглифлозиннің фармакокинетикасын өзгерткен жоқ. Сондықтан, дапаглифлозиннің басқа hOAT-3 субстраттарымен елеулі өзара әрекеттесуі күтілмейді. Глимепирид: 20 мг дапаглифлозин және CYP2C9 субстраты болып табылатын 4 мг глимепиридтің бір реттік дозасын бірге қабылдағанда, дапаглифлозиннің фармакокинетикасы өзгерген жоқ. Сондықтан, дапаглифлозиннің басқа CYP2C9 субстраттарымен ешқандай елеулі өзара әрекеттесуі күтілмейді. Воглибоз (α-глюкосидаза тежегіші): 10 мг дапаглифлозин және 0.2 мг воглибоздың бір реттік дозасын күніне үш рет бірге қабылдау, дапаглифлозиннің фармакокинетикасын өзгерткен жоқ. Гидрохлоротиазид: 50 мг дапаглифлозин мен 25 мг гидрохлоротиазидтің бір реттік дозасын бірге қабылдау, дапаглифлозиннің фармакокинетикасын өзгерткен жоқ. Буметанид: дапаглифлозиннің бірнеше бір реттік (10 мг) және буметанидтің бірнеше бір реттік (1 мг) дозасын бірге қабылдау дапаглифлозин фармакокинетикасына әсер еткен жоқ. Дапаглифлозин мен буметанидті бірге қабылдағанда, дапаглифлозиннің дені сау субъектілерде глюкозаның несеп арқылы шығарылуының артуына фармакодинамикалық әсерінде елеулі өзгерістер байқалған жоқ. Валсартан: 20 мг дапаглифлозин мен 320 мг валсартанның бір реттік дозасын бірге қабылдау дапаглифлозин фармакокинетикасына әсер еткен жоқ. Симвастатин: 20 мг дапаглифлозинның және CYP3A4 субстраты болып табылатын 40 мг симвастатиннің бір реттік дозасын бірге қабылдау дапаглифлозиннің фармакокинетикасын өзгерткен жоқ. Сондықтан, дапаглифлозиннің басқа CYP3A4 субстраттарымен ешқандай елеулі өзара әрекеттесуі күтілмейді. Рифампицин: 10 мг дапаглифлозиннің және түрлі белсенді тасымалдағыштар мен дәрілерді метаболиздейтін ферменттердің индукторы, күніне 600 мг тепе-теңдік күйіне дейін дозаланған рифампициннің бір реттік дозасын бірге қабылдау, ең дапаглифлозиннің қандағы ең жоғарғы концентрациялары мен қисық астындағы ауданының сәйкесінше 7% және 22%-ға төмендеуіне алып келді. Бір ғана дапаглифлозинді (51 г) қабылдағаннан кейін несеппен бөлініп шығатын глюкозаның 24 сағат ішіндегі орташа мөлшері рифампицинмен (45 г) бірге қабылдануына елеулі әсер еткен жоқ. Рифампицинмен бірге қабылдағанда, дапаглифлозинді қандай-да бір түзету ұсынылмайды. Мефенамин қышқылы: 10 мг дапаглифлозиннің және UGT1A9 тежегіші, әр 6 сағат сайын 250 мг тепе-теңдік күйіне дейін дозаланған мефенамин қышқылының бір реттік дозасын бірге қабылдау, дапаглифлозиннің қандағы ең жоғарғы концентрациялары мен қисық астындағы ауданының сәйкесінше 13% және 51%-ға жоғарылауына алып келді. Дапаглифлозинді қабылдағаннан кейінгі 24 сағат ішінде несеппен бөлініп шығатын глюкозаның орташа мөлшері мефенамин қышқылымен бірге қабылдануына әсер еткен жоқ. Мефенамин қышқылымен бірге қабылдағанда дапаглифлозиннің дозасын түзету қажет емес. Дапаглифлозиннің басқа дәрілік препараттарға әсері Дапаглифлозин диоглитазон, ситаглиптин, глимепирид, гидрохлоротиазид, буметанид, валсартан, симвастатин, дигоксин немесе варфарин фармакокинетикасын өзгертпеді. Пиоглитазон: 50 мг дапаглифлозиннің және CYP2C8 бен CYP3A4 субстраты 45 мг пиоглитазонның бір реттік дозасын бірге қабылдау, пиоглитазонның фармакокинетикасына әсер еткен жоқ. Сәйкесінше, дапаглифлозин CYP2C8 ферменті түрткі болатын метаболизмді елеулі бәсеңдетпейді. Ситаглиптин: 20 мг дапаглифлозиннің және hOAT-3 субстраты 100 мг ситаглиптиннің бір реттік дозасын бірге қабылдау, ситаглиптиннің фармакокинетикасын өзгертпеген. Сондықтан, дапаглифлозин hOAT-3 тасымалы жолының тежегіші болып табылмайды. Глимепирид: 20 мг дапаглифлозиннің және CYP2C9 субстраты 4 мг глимепиридтің бір реттік дозасын бірге қабылдау, глимепиридтің фармакокинетикасын өзгертпеген. Сондықтан, дапаглифлозин CYP2C9 түрткі болатын метаболизмнің тежегіші болып табылмайды. Гидрохлоротиазид: 50 мг дапаглифлозин мен 25 мг гидрохлоротиазидтің бір реттік дозасын бірге қабылдау гидрохлоротиазидтің фармакокинетикасын өзгертпеген. Буметанид: дапаглифлозинді 10 мг мен буметанидті 1 мг дозада бірге қабылдау буметанидтің қандағы ең жоғарғы концентрацияларының және қисық астындағы мәндерін 13%-ға арттырды. Дені сау субъектілерде дапаглифлозинмен бірге қабылдануы буметанидтің тепе-теңдік концентрациясы кезіндегі фармакодинамикалық реакцияларды (натрийдің несепке бөлініп шығуы, несеп көлемі) елеулі өзгерткен жоқ. Валсартан: 20 мг дапаглифлозин мен 320 мг валсартанның бір реттік дозасын бірге қабылдау валсартанның фармакокинетикасына әсер еткен жоқ. Симвастатин: 20 мг дапаглифлозиннің және CYP3A4 субстраты 40 мг симвастатиннің бір реттік дозасын бірге қабылдау, симвастатиннің ең жоғарғы концентрацияларын өзгерткен жоқ, бірақ қисық астындағы ауданын 20%-ға ұлғайтты, бұл клиникалық тұрғыдан маңызды көрсеткіш болып табылмайды. Сондықтан, дапаглифлозин CYP3A4 ферменттері түрткі болатын метаболизмді елеулі бәсеңдетпейді. Дигоксин: Р-гликопротеиннің субстраты болып табылатын дигоксиннің жүктемелік доза ретіндегі 20 мг және бір реттік 0.25 мг дозасынан кейін күніне бір рет 10 мг дозада дапаглифлозинді бірге қабылдау дигоксиннің фармакокинетикасына әсер етпеген. Сондықтан, дапаглифлозин P-gp түрткі болатын тасымалдау жолын елеулі тежемейді және индукцияламайды. Варфарин: варфариннің жүктемелік доза ретіндегі 20 мг дозасынан, және 25 мг бір реттік дозасынан кейін 10 мг дозада дапаглифлозинді күніне бір рет бірге қабылдау, CYP2C19 субстраты S-варфариннің фармакокинетикасына әсер еткен жоқ. Сондықтан, дапаглифлозин CYP2C19 түрткі болатын метаболизмді елеулі тежемейді немесе индукцияламайды. Дапаглифлозин R-варфариннің фармакокинетикасына да әсер етпейді. Бұдан өзге, дапаглифлозин варфариннің протромбиндік уақыт көмегімен өлшенген антикоагулянттық белсенділігіне әсер етпейді. Метформин гидрохлориді Өзекшелік сөлініс арқылы бүйрекпен шығарылатын катионбелсенді дәрілік препараттар (мысалы, амилорид, дигоксин, морфин, прокаинамид, хинидин, хинин, ранитидин, триамтерен, триметоприм немесе ванкомицин) теориялық тұрғыдан, бүйректің ортақ өзекшелік тасымалдау жүйелері үшін бәсекелесе отырып, метформинмен өзара әрекеттесуі ықтимал. Метформин циметидиннің фармакокинетикасына әсер етпейді. Мұндай өзара әрекеттесулердің теория түрінде қалатындығына (циметидиннен басқа) қарамастан, пациентті мұқият тексеру және бүйректің проксимальді өзекшелік секреторлық жүйесі арқылы бөлініп шығатын катиондық дәрілік заттарды қабылдап жүрген пациенттерде метформиннің және/немесе қосымша тағайындалатын препараттың дозасын түзету ұсынылады. Глибурид: 2-типті қант диабеті бар пациенттерде метформин мен глибуридтің бір реттік дозасын бірге қабылдаған кезде фармакокинетикада және метформиннің фармакодинамикасында қандай да бір өзгерістер анықталған жоқ. Фуросемид: метформин мен фуросемидтің бір реттік дозаларын бірге қабылдау екі қосылыстың фармакокинетикалық параметрлеріне әсер етеді. Фуросемид метформиннің плазмадағы және қандағы ең жоғарғы концентрациясын 22%-ға және қисық астындағы ауданын метформиннің бүйректік клиренсінің елеулі өзгеруінсіз 15 %-ға арттырды. Метформинмен бірге қабылдағанда фуросемидтің ең жоғарғы концентрациялары мен қисық астындағы ауданы жеке-дара қабылдауға қарағанда, сәйкесінше 31% және 12%-ға аз болды, және жартылай шығарылуының ақырғы кезеңі фуросемидтің бүйректік клиренсінің қандай-да бір елеулі өзгеруінсіз 32 %-ға төмендеді. Метформин мен фуросемидті ұзақ уақыт бойы бірге қолданғанда, олардың өзара әрекеттесетіндігі туралы ақпарат жоқ. Нифедипин: метформин мен нифедипиннің бір реттік дозаларын бірге қабылдау плазмадағы метформиннің ең жоғары концентрациясын және метформин қисығының астындағы ауданды тиісінше 20% және 9%-ға ұлғайтты, сондай-ақ несеппен бөлінетін препарат мөлшерін ұлғайтты. Бұл жартылай шығарылуының ең ұзақ уақыты мен кезеңіне әсер еткен жоқ. Нифедипин метформиннің сіңірілуін күшейтеді, ал метформин нифедипинге өте аз әсер еткен. Тиазидтер және басқа диуретиктер, кортикостероидтар, фенотиазиндер, қалқанша без өнімдері, эстрогендер, оральді контрацептивтер, фенитоин, никотин қышқылы, симпатомиметиктер, кальций өзекшелерін бөгейтін дәрілер, изониазидтер сияқты дәрілік препараттар гипергликемияны күшейтуі және гликемия бақылауының жоғалуына алып келуі мүмкін. Аталған препараттарды метформинмеен бірге қолданғанда пациентте қандағы глюкоза деңгейі мұқият тексерілуі тиіс. Метформинді қабылдап жүрген пациенттерде аталған препараттарды тоқтатқанда, пациентте гипогликемияның бар-жоқтығы мұқият тексерілуі тиіс. Пропранолол мен ибупрофеннің бір реттік дозаларын енгізген кезде, метформинді осы дәрілермен бірге қолдану олардың фармакокинетикасына әсер еткен жоқ. Метформин плазма ақуыздарымен болар-болмас байланысады және сондықтан да оның сарысу ақуыздарымен күшті байланысатын сульфонилмочевинамен салыстырғанда, салицилат, сульфонамидтер, хлорамфеникол және пробенецид сияқты дәрілік препараттармен өзара әрекеттесу ықтималдығы аз болып табылады. Басқа өзара әрекеттесулері Шылым шегудің, диетаның, өсімдіктен алынған азық-түліктің және алкогольдің дапаглифлозин фармакокинетикасына әсерлері зерттелмеген. Жедел алкогольдік уыттану кезінде метформинді қолдану, әсіресе, ашығу, тойып ас ішпеу немесе бауыр жеткіліксіздігі жағдайында, лактоацидоздың даму қаупін арттырады. Алкоголь мен құрамында этил спирті бар дәрілік препараттардың қолданылуын болдырмау керек. 1.5–ангидроглуцитол (1.5 АГ) қатыстырылуымен талдау SGLT2 тежегіштерін қабылдап жүрген пациенттерде 1.5–АГ өлшеудің гликемия бақылануын бағалауда сенімсіз екендігіне байланысты, гликемия бақылауын 1.5–АГ қатысуымен талдауын мониторингтеу ұсынылмайды. Гликемия бақылауын бағалауға арналған баламалы әдістерді пайдаланыңыз. Литий SGLT2 тежегіштерін литиймен бір мезгілде қолдану қан сарысуындағы литий концентрациясын төмендетуі мүмкін. Препаратымен емді бастамас бұрын және оның дозасын өзгертпес бұрын қан сарысуындағы литий концентрациясына мониторинг жүргізген жөн. |
Бүйрек жеткіліксіздігі
| Бүйрек функциясы бұзылған пациенттер:шумақтық сүзілу жылдамдығы (ШСЖ) 45 мл/мин/1,73 м2 асатын немесе оған тең пациенттерде дозаны түзету талап етілмейді. 30-дан 45 мл/мин/1.73 м 2 шегінде ШСЖ бар пациенттерге препаратымен емді бастау ұсынылмайды. Егер рШСЖ тұрақты төмендесе, емді жалғастыру үшін пайда мен қауіп арақатынасына бағалау жүргізу қажет. - рШСЖ < 45 мл/мин/1.73 м2 пациенттерде гликемиялық бақылауды жақсарту үшін дапаглифлозиннің тиімділігі төмендеуі мүмкін. - Метформин рШСЖ < 45 мл/мин / 1.73 м 2 болатын пациенттерде бастапқы ем ретінде ұсынылмаған. Препарат ШСЖ 30 мл/мин/1.73 м2 төмен және бүйрек жеткіліксіздігінің терминалды сатысымен пациенттерге немесе диализде жүрген пациенттерге препарат құрамында метформин болғандықтан қолдануға болмайды. |
Бауыр жеткіліксіздігі
| Метформинді қабылдап жүрген пациенттерде бауыр жеткіліксіздігі кейбір лактоацидоз жағдайларымен байланысты болғандықтан, бауыр функциясының бұзылуы бар пациенттерде препаратын қолдану ұсынылмайды. |
Жүктілік
| Препаратын жүкті және бала емізетін әйелдерде қолдануға бақыланатын зерттеулер жүргізілген жоқ. Жүктілік анықталған кезде препаратты қабылдауды тоқтату керек. |
Емізу
| Препарат лактация кезінде қолданылмауы тиіс. |
Жағымсыз әсерлері
| Өте жиі (≥ 1/10): - гипогликемия (сульфонилмочевина туындыларымен немесе инсулинмен бірге қолданғанда) - ас қорыту жолының бұзылыстары (жүрек айнуы, құсу, диарея, іштің ауыруы, тәбеттің болмауы (емдеуді бастаған кезде туындауы мүмкін) Жиі (≥1/100 < 1/10 дейін) - жыныс мүшелерінің инфекциялары (баланит, соның ішінде, кандидоздық; қынап инфекциясы, гениталий инфекциясы, соның ішінде кандидоздық, вульвовагинальді кандидоз, вульвовагинит, вульвит, баланопостит, ерлердегі гениталий инфекциясы, несеп-жыныс жолының инфекциясы, жыныс мүшесінің абсцесі, вульва абсцесі және бактериялық вагинит) - несеп шығару жолдарының инфекциялары (цистит, несеп-жыныс жолының, соның ішінде, ішек таяқшасынан туындаған инфекциясы, пиелонефрит, тригонит, уретрит, бүйрек инфекциясы және простатит) - дәм сезудің бұзылуы (ауыздың темір татуы) - несеп шығарудың күшеюі (полиурия, поллакиурия) - арқаның ауыруы Өте сирек (<1/10000): - лактоацидоз - препаратты ұзақ уақыт қолданғанда B12дәрумені тапшылығы (мегалобласттық анемия) - бауыр функциясының бұзылыстары - гепатит - есекжем - эритема - қышыну - шаттың некроздық фасцииті (Фурнье гангренасы) Жиілігі белгісіз - бөртпе (жайылған, қышынумен жүретін, макулалық, макуло-папулалық, пустулалық, везикулалық, эритематозды бөртпе) - гипотензия - кетоацидоз - бүйректің жедел зақымдануы |
Көрсеткіштері, қолдану тәсілі мен дозалары
| Дозасын пациентті емдеудің ағымдағы кестесінің, тиімділігі мен көтерімділігінің негізінде күніне бір рет 5 мг/1000 мг-ден екі таблеткасына тең, босап шығуы ұзаққа созылатын 10 мг дапаглифлозин мен 2000 мг метформиннен тұратын ұсынылған ең жоғарғы дозасынан асырмай таңдау керек. Босап шығуы ұзаққа созылатын метформиннің ұсынылатын бастапқы дозасы күніне бір рет 500 мг құрайды, оны күніне бір рет 2000 мг дейін (5 мг/1000 мг дозалы 2 таблеткасы) арттыруға болады. Препаратының ең жоғарғы дозасы күніне бір рет 5 мг/1000 мг екі таблеткасына тең, босап шығуы ұзаққа созылатын 10 мг дапаглифлозин мен 2000 мг метформинді құрайды. 10 мг дапаглифлозин қажет, және бұрын метформинмен емделмеген пациенттерде препаратының ұсынылатын бастапқы дозасы күніне бер рет, босап шығуы ұзаққа созылатын 10 мг дапаглифлозин мен 500 мг метформинді құрайды, асқазан-ішек жолы тарапынан метформинді қабылдаумен байланысты жағымсыз реакцияларды азайту үшін дозасы біртіндеп арттырылады. Бұрын метформин қабылдаған пациенттерде препарат дозасында метформиннің қабылданатын дозасына ұқсас немесе неғұрлым терапиялық сәйкес келуі тиіс. Дереу әсер ететін метформиннен босап шығуы ұзаққа созылатын метформинге ауысқаннан кейін гликемия бейініне мұқият баға берілуі және, қажет болғанда дозасын түзету қарастырылуы мүмкін. 5 мг дапаглифлозин қажет, және бұрын метформинді қабылдамаған пациенттерде препаратының ұсынылатын бастапқы дозасы күніне бер рет, босап шығуы ұзаққа созылатын 5 мг дапаглифлозин мен 500 мг метформинді құрайды, асқазан-ішек жолы тарапынан метформинді қабылдаумен байланысты жағымсыз реакцияларды азайту үшін дозасы біртіндеп арттырылады. Босап шығуы ұзаққа созылатын метформинмен бірге 5 мг дапаглифлозин қажет пациенттер, препаратын босап шығуы ұзаққа созылатын 5 мг дапаглифлозин және 1000 мг метформин дозасында қабылдауына болады. 5 мг дапаглифлозин қажет, ал метформин дозасы 1000 мг асатын пациенттер препараттарды жеке-дара қабылдауы тиіс. Бұрын дапаглифлозин алмаған пациенттерде гликемиялық бақылауды жақсарту үшін дапаглифлозиннің ұсынылатын бастапқы дозасы күніне бір рет 5 мг құрайды. Жүрек жеткіліксіздігімен және созылмалы бүйрек ауруымен байланысты емдеуге жатқызу қаупін төмендету үшін дапаглифлозиннің ұсынылатын дозасы күніне бір рет 10 мг құрайды. Бұрын қантты төмендететін басқа дәрілерді қабылдаған және препаратына көшкен пациенттерде препаратының қауіпсіздігі мен тиімділігіне зерттеулер жүргізілген жоқ. Гликемия бақылауында өзгерістер туындауы мүмкіндігіне байланысты, 2 типті диабетті емдеудегі кез келген өзгерістер аса сақтықпен және сәйкесінше мониторингтеумен бірге жүргізілуі тиіс. Жекелеген жағдайларда препараттың белсенді емес ингредиенттері нәжіспен бірге жұмсақ, суға қаныққан масса түрінде шығарылуы мүмкін. Метформиннің түрлі дозаларының қабылдануын қамтамасыз ету үшін, препараты келесі дозаларында қолжетімді: - 5 мг дапаглифлозин + 1000 мг метформин гидрохлориді - 10 мг дапаглифлозин + 500 мг метформин гидрохлориді - 10 мг дапаглифлозин + 1000 мг метформин гидрохлориді Препаратты күніне бір рет, таңертең ас ішу кезінде қабылданады. Таблеткалар тұтастай жұтылуы тиіс және сындырылмауы немесе шайналмауы тиіс. |
Балаларда қолданылуы
| 18 жасқа дейінгі педиатриялық популяцияда препаратының тиімділігі мен қауіпсіздігі зерттелмеген. |