L01XC12 Брентуксимаб ведотин¹ (Brentuximab vedotin)

Қолдану көрсеткіштері

Аутологиялық бағаналы жасушаларды трансплантациялаудан (AБЖТ) кейін немесе АБЖТ көмегімен кем дегенде терапияның екі курсынан кейін немесе бірнеше дәрілік заттарды қолданумен химиотерапиядан кейін қайталамалы немесе рефрактерлі түрдегі CD30-оң Ходжкиндік лимфомасы (ХЛ) бар ересек пациенттерді емдеу. Қайталамалы немесе рефрактерлі жүйелі ірі жасушалық лимфома (АІЖЛ бірге).

Клинические протоколы:

Қарсы көрсеткіштері

Белсенді затқа немесе препараттың басқа компоненттеріне жоғары сезімталдық.

Қауіпсіздік шаралары

Препаратты қолдану кезінде JC вирусының қайта белсендірілуінен үдемелі мультифокальді лейкоэнцефалопатияның дамуы (Джон Канингем вирусы), жедел панкреатит; өкпе уыттылығы, ауыр және оппортунистік инфекциялар, дене салмағының индексінің жоғарылауы(BMI) және гипергликемия даму қаупі бар. Ісік лизисі синдромы дамуы мүмкін, әсіресе тез пролиферацияланатын ісігі бар пациенттерде.Үдемелі мультифокальді лейкоэнцефалопатияны, абдоминальді ауырсынуды, өкпе уыттылығын, перифериялық нейропатияны және инфузияға байланысты реакцияларды анықтау үшін арнайы мониторинг жүргізу ұсынылады. Көлік құралын немесе қауіптілігі жоғары механизмдерді басқаруда сақ болу керек.

Дәрілік заттармен өзара әрекеттесуі

Блеомицин - өкпелік уыттылықтың дамуы, бір мезгілде қолдану ҚАРСЫ КӨРСЕТІЛГЕН! CYP3A4 күшті тежегіштері, гликопротеин Р (Pgp) - нейтропения пайда болу қаупі.

Бүйрек жеткіліксіздігі

Бүйрек қызметін жүйелі бақылау қажет. Ауыр бұзылыстарында- бастапқы доза әр 3 аптада к/і 30- минуттық енгізу түрінде 1,2 мг/ кг құрайды.

Бауыр жеткіліксіздігі

Бауыр қызметін жүйелі бақылау қажет. Бауыр қызметі бұзылыстарында- бастапқы доза әр 3 аптада к/і 30- минуттық енгізу түрінде 1,2 мг/ кг құрайды. Гепатоуыттылық дамыған жағдайда препаратты тоқтату керек.

Жүктілік

Егер ана үшін күтілетін пайда ұрық үшін ықтимал қауіптен жоғары болған жағдайда қолданылуы мүмкін. Бала тууға қабілетті жастағы әйелдерге емдеу кезінде және терапия аяқталғаннан кейін 6 ай аралығында сенімді контрацепция әдістерін қолдану керек.

Емізу

Қарсы көрсетілген.

Жағымсыз әсерлері

Жиі: инфекциялар, нейтропения, анемия, тромбоцитопения, артралгия және миалгия, бел ауыруы, ентігу, жөтел, пирексия, демиелинизациялаушы полинейропатиялар, диарея, іштің қатуы, бас айналуы, шаршағыштық, гипергликемия, инфузиялық реакциялар, анафилаксия, перифериялық нейропатия, қышыну, бөртпе, алопеция.Жиі емес: Стивенс–Джонсон синдромы.Жиілігі белгісіз: таздану, сүйек кемігінің тежелуі, гиперурикемия, жүрек айнуы, ауыз қуысының шырышты қабатының қабынуы, үдемелі мультифокальді лейкоэнцефалопатия, тромбоэмболия, ісік лизисі синдромы, құсу.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларда препаратты қолданудың тиімділігі мен қауіпсіздігі анықталмаған.