L01XC07 Бевацизумаб¹ (Bevacizumab)

Қолдану көрсеткіштері

Фторпиримидин туындыларымен біріктірілімде метастатикалық колоректальды ісік;Резектабельді емес, метастаздық немесе қайталанатын ұсақ жасушалы емес өкпе ісігі, жалпақ жасушалы емес гистологиялық тип: платина препараттарының негізіндегі химиотерапиямен біріктірілімде;Бүйрек жасушасының жайылған және/немесе метастаздық ісігінде: бірінші желідегі терапия ретінде альфа-2а интерферонымен біріктірілімінде.Аналық бездердің, жатыр түтігінің эпителиальді ісігінде немесе алғашқы перитонеальді ісікте: бірінші желідегі терапия ретінде карбоплатинмен және паклитакселмен біріктірілімінде; пайда/қауіп қатынасы ескерілген, бірінші желідегі терапияның әсері болмаған жағдайдағы сүт безінің метастатикалық үштік теріс ісігі.Клиникалық хаттама: 1. Орталық жүйке жүйесінің қатерлі және қатерсіз жаңа түзілімдері 2. Асқазан обыры 3. Жатыр мойны обыры 4. Жатыр денесінің қатерлі неоплазиясы 5. Өкпенің обыры 6. Ұйқы безінің обыры 7. Тік ішектің қатерлі ісіктері 8. Тоқ ішектің қатерлі ісіктері 9. Сарпайдың обыры 10. Бүйрек-жасушалық обыр

Клинические протоколы:

Қарсы көрсеткіштері

Препараттың кез келген компонентіне жоғары сезімталдық; қытай атжалманының аналық без жасушалары негізіндегі препараттарға немесе адамның рекомбинантты немесе гуманизирленген басқа да антиденелеріне жоғары сезімталдық; бас миының резектабельді емес метастазы.

Қауіпсіздік шаралары

Препаратты тек көктамырға тамшылатып енгізеді; препаратты көктамырға сорғалатып енгізуге болмайды!Құрсақ ішілік қабыну метастатикалық колоректальды ісігі бар науқастарда асқазан немесе ішек перфорациясы үшін қауіп факторы болуы мүмкін. Перфорация туындаған жағдайда препаратпен емдеуді тоқтату керек. Бас миына метастаздары бар науқастарға тағайындамаған жөн. Өкпенің ұсақ емес жасушалы ісігі бар пациенттерді емдеу кезінде өлімге әкелуі мүмкін, ауыр қан кетулер қаупі жоғары. Жақында өкпелік қан кету (2,5 мл-ден көп қан) болған пациенттерге препарат тағайындалмауы тиіс.Айрықша нұсқаулар туралы толығырақ ақпарат алу үшін препараттың қолданылуы жөніндегі нұсқаулығын қараңыз

Дәрілік заттармен өзара әрекеттесуі

Тірі вакциналар, мысалы - БЦЖ, тұмауға қарсы, қызылша, эпидемиялық паротит, полиомиелит, қызамық, желшешек, іш сүзегіне қарсы вакциналар - жайылған инфекциялардың даму қаупіне байланысты ТАҒАЙЫНДАУДЫ БОЛДЫРМАУ. Антикоагулянттар (мысалы, варфарин, гепариндер) - қан кету қаупінің жоғарылауы.Ескерту: мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Жүктілік

Емдеу кезінде және емдеуден кейін 6 айдан соң тиімді контрацепция әдістерін қолдану.

Емізу

Емдеу кезінде және препараттың соңғы дозасын енгізгеннен кейін 6 ай аралығында емізуді тоқтату.

Жағымсыз әсерлері

ОЖЖ тарапынан: астения;ЖҚЖ тарапынан: қан кету, сонымен бірге өкпеден қан кету; гипертензия; артериялық тромбоэмболия;АІЖ тарапынан: асқазан-ішек жолдарының перфорациясы, іштің ауыруы, диарея, жүрек айнуы;Әр түрлі көрсеткіштер кезінде химиотерапияның алуан режимдерімен біріктірілімінде препаратты қолданумен байланысты жанама әсерлер туралы толығырақ ақпарат алу үшін препараттың қолдану жөніндегі нұқсаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.