Дорипенем (Doripenem)

Қолдану көрсеткіштері

Ересектерде дорипенемге сезімтал бактерия штаммдары туындатқан ауруларды емдеуде:
- нозокомиальді (ауруханаішілік) пневмония, өкпені жасанды желдетумен (ӨЖЖ) байланысты пневмонияны қоса
- асқынған интраабдоминальді инфекциялар
- несеп шығару жолдарының асқынған инфекциялары

Клинические протоколы:

Қарсы көрсеткіштері

Дорипенемге, бета-лактамдарға немесе ұқсас препараттарға жоғары сезімталдық.

Қауіпсіздік шаралары

Ескертулер
Бірнеше аллергендерге сезімталдық анамнезде.
Қан сарысуындағы вальпрой қышқылының концентрациясын субтерапиялық деңгейге дейін төмендетуге болады: деңгейді жиі бақылаңыз.
Ұзақ уақыт қолданғанда Clostridium difficile-мен байланысты диареяның даму қаупі.
Қолдану кезінде ұстамалар туралы хабарланды.
Механикалық желдетумен байланысты бактериялық пневмонияны (немесе пневмонияның кез келген басқа түрін) емдеу үшін мақұлданбаған; имипенем/циластатинмен салыстырғанда өлім-жітімнің жоғарылауы (23% қарсы 16,7%); сонымен қатар, дорипенемді қолдану кезінде клиникалық жауап беру жиілігі төмен болды.

Дәрілік заттармен өзара әрекеттесуі

Пробенецид дорипенемнің бүйректік клиренсін төмендетеді. Пробенецид және дорипенем бір уақытта қолдану ұсынылмайды.
Дорипенем сарысудағы вальпрой қышқылының деңгейін төмендетеді. Дорипенема және вальпрой қышқылын бір уақытта қолданғанда соңғысының концентрацияларына мониторинг жүргізу керек. Баламалы бактерияға қарсы ем немесе қосымша құрысуға қарсы емді де қолдану мүмкіндігін қарастыру керек.
ДОРИПУР 500 цитохром Р450 жүйесінің негізгі изоферменттерін тежемейді, сондықтан көрсетілген ферменттермен метаболизденетін препараттармен өзара әрекеттеспеуі ықтималды.
ДОРИПУР 500 препаратының ферменттерді индукциялау қабілеті жоқ.

Бүйрек жеткіліксіздігі

Жеңіл (креатинин клиренсі 51-79 мл/мин), орташа айқын (креатинин клиренсі 31-50 мл/мин) және ауыр (креатинин клиренсі ≤30 мл/мин) бүйрек жеткіліксіздігі бар пациенттерге дорипенемнің бір дозасын (500 мг) енгізгеннен кейін дені сау адамдармен (креатинин клиренсі ≥80 мл/мин) салыстырғанда AUC тиісінше 1.6 есе, 2.8 есе және 5.1 есе ұлғаяды. Егер дорипенем бүйрекке үздіксіз орын басу емінде ұсынылған дозадан асып кетсе, дорипенем-М-1 метаболитінің жүйелі әсері тағы ұлғаяды.

Бауыр жеткіліксіздігі

Бауыр функциясы бұзылған пациенттерде дорипенемнің фармакокинетикасы туралы деректер жоқ. Дорипенем бауырда метаболизмге іс жүзінде ұшырамайды, сондықтан бұл ағза функциясының бұзылуы оның бауыр фармакокинетикасына ықпал етпеуі тиіс деп болжамдалады.

Жүктілік

Дорипенемді қолданған кезде жүкті әйелдердің аз бөлігі жүктілікке, сондай-ақ ұрық пен жаңа туған нәрестенің денсаулығына теріс әсер етпеді. Жүктілік кезінде қолдану қажет болған жағдайда Сақтық қажет, сонымен қатар терапияның ана үшін күтілетін пайдасы мен ұрық үшін ықтимал қауіптің арақатынасын бағалау қажет.

Емізу

Дорипенем әйелдердің емшек сүтіне өтетіні белгісіз.
Емшек сүтінің сәби үшін пайдасын және дорипенем препаратымен емдеудің әйелдің өзіне пайдасын ескере отырып, дәрігер емшек емізуді жалғастыру немесе тоқтату немесе дорипенем препаратымен емді жалғастыру немесе тоқтату туралы шешім қабылдауы тиіс.

Жағымсыз әсерлері

Өте жиі ≥1/10
- бас ауыруы
- жүрек айнуы, диарея
Жиі ≥1/100 – <1/10
- ауыз қуысының кандидозы, вульваның зеңдік инфекциялары
- флебит
- бауыр ферменттері деңгейінің жоғарылауы
- қышыну, бөртпе
Жиі емес ≥1/1000 - <1/100
- тромбоцитопения, нейтропения
- аллергиялық реакциялар
- C. Difficile туындатқан жалған жарғақшалы колит
Жиілігі белгісіз
- анафилаксия
- Стивенс-Джонсон синдромы, уытты эпидермальді некролиз
- құрысулар

Көрсеткіштері, қолдану тәсілі мен дозалары