C09CA01 Лозартан (Losartan)

Қолдану көрсеткіштері

Эссенциалды артериялық гипертензияны емдеу;
Артериялық гипертензиясы, 2 типті қант диабеті және протеинуриясы ≥0,5 г/тәулік болатын ересектердегі бүйрек ауруларын гипертензияға қарсы ем құрамында емдеу;
Сол жақ қарыншаның лықсыту фракциясы ≤40% болатын, клиникалық жағдайы тұрақты ересектердегі созылмалы жүрек жеткіліксіздігін ангиотензинді өзгертуші фермент тежегіштеріне төзбеушілік немесе оларды қолдануға қарсы көрсетілімдер болған жағдайда емдеу;
ЭКГ арқылы расталған сол жақ қарынша гипертрофиясы бар артериялық гипертензиясы бар ересектерде инсульттің даму қаупін төмендету.

Клинические протоколы:

Қарсы көрсеткіштері

Препараттың белсенді затына немесе кез келген қосымша компонентіне жоғары сезімталдық;
Бауырдың ауыр жеткіліксіздігі;
Жүктілік және бала емізу кезеңі;
18 жасқа дейінгі балалар мен жасөспірімдер;
Қант диабеті немесе бүйрек жеткіліксіздігі (ШСЖ <60 мл/мин/1,73 м²) бар пациенттерде алискиренмен бір мезгілде қолдану.

Қауіпсіздік шаралары

Ангионевроздық ісіну – анамнезінде ангионевроздық ісіну болған пациенттерді мұқият бақылау қажет.
Артериялық гипотензия – емді бастар алдында гиповолемия мен натрий тапшылығын түзету қажет; симптоматикалық гипотензия дамуы мүмкін.
Электролиттік бұзылыстар – әсіресе қант диабеті, жүрек жеткіліксіздігі немесе бүйрек функциясының бұзылуы бар пациенттерде қан плазмасындағы калий деңгейі мен бүйрек функциясын тұрақты бақылау қажет; калий жинақтаушы диуретиктермен, калий препараттарымен және құрамында калий бар тұз алмастырғыштармен бірге қолдану ұсынылмайды.
Бастапқы гиперальдостеронизм – лозартанды қолдану ұсынылмайды.
Жүректің ишемиялық ауруы және цереброваскулярлық аурулар – артериялық қысымның шамадан тыс төмендеуі миокард инфарктісіне немесе инсультке әкелуі мүмкін.
Жүрек жеткіліксіздігі – айқын гипотензия мен бүйрек функциясының нашарлау қаупіне байланысты сақтықпен қолдану қажет; ауыр жүрек жеткіліксіздігі және бүйрек функциясының ауыр бұзылыстары бар пациенттерде қолдану тәжірибесі шектеулі.
Қолқа және митралды қақпақша стенозы, обструктивті гипертрофиялық кардиомиопатия – сақтықпен қолдану қажет.
РААЖ-дың қосарланған блокадасы – гипотензия, гиперкалиемия және бүйрек функциясының бұзылу қаупіне байланысты АӨФ тежегіштерімен, алискиренмен немесе ангиотензин II рецепторларының басқа блокаторларымен бірге қолдану ұсынылмайды; диабеттік нефропатиясы бар пациенттерде АӨФ тежегіштерімен бірге қолдануға болмайды.

Дәрілік заттармен өзара әрекеттесуі

Басқа гипотензивті препараттар лозартанның гипотензивті әсерін күшейтіп, артериялық гипотензия қаупін арттыруы мүмкін.
Флуконазол лозартанның белсенді метаболитінің деңгейін төмендетеді, рифампицин де оның концентрациясын азайтады; клиникалық маңыздылығы анықталмаған.
Калий жинақтаушы диуретиктермен, калий препараттарымен, құрамында калий бар тұз алмастырғыштармен және гепаринмен бірге қолдану гиперкалиемия қаупіне байланысты ұсынылмайды.
Литиймен бірге қолданғанда уыттылық қаупіне байланысты қан сарысуындағы литий деңгейін бақылау қажет.
ҚҚСП лозартанның гипотензивті әсерін әлсіретіп, әсіресе егде жастағы және бүйрек функциясы бұзылған пациенттерде бүйрек функциясының нашарлауы мен гиперкалиемия қаупін арттыруы мүмкін.
РААЖ-дың қосарланған блокадасы (АӨФ тежегіштерімен немесе алискиренмен бірге) гипотензия, гиперкалиемия және бүйрек функциясының бұзылуы қаупін арттырады; қант диабеті бар пациенттерде алискиренмен бірге қолдануға болмайды, ал ШСЖ <60 мл/мин болғанда бірге қолдану ұсынылмайды.

Бүйрек жеткіліксіздігі

Бүйрек жеткіліксіздігінің жеңіл дәрежесінде (креатинин клиренсі 20–50 мл/мин) препарат дозасын жеке таңдау қажет емес. Орташа немесе ауыр дәрежедегі бүйрек жеткіліксіздігі (креатинин клиренсі <20 мл/мин) бар пациенттерге немесе гемодиализ жүргізілетін пациенттерге препараттың ұсынылатын бастапқы дозасы тәулігіне 1 рет 25 мг құрайды.

Бауыр жеткіліксіздігі

Бауыр функциясының жеңіл және орташа дәрежедегі бұзылыстары бар пациенттерге препараттың төменірек дозаларын тағайындау қажет. Бауыр функциясының ауыр бұзылыстары бар пациенттерге қолдануға болмайды.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Жиі: анемия; бас айналу, вертиго; ортостатикалық гипотензия;
бүйрек функциясының бұзылуы, бүйрек жеткіліксіздігі; астения, шаршағыштық; гипогликемия, гиперкалиемия; қандағы мочевина, креатинин және калий деңгейінің жоғарылауы.
Жиі емес: ұйқышылдық, бас ауыруы, ұйқының бұзылуы; жүрек қағуын сезіну, стенокардия; ентігу, жөтел; іштің ауыруы, іш қату, диарея, жүрек айнуы, құсу; есекжем, қышыну, бөртпе;ісіну.
Сирек: парестезия; естен тану, жүрекшелер фибрилляциясы, инсульт; АЛТ деңгейінің қайтымды жоғарылауы; аса жоғары сезімталдық реакциялары, анафилаксиялық реакциялар, ангионевроздық ісіну, васкулит.

Көрсеткіштері, қолдану тәсілі мен дозалары

Таблеткаларды ішке қабылдайды, бір стақан сумен ішеді.
Таблеткаларды ас қабылдауына қарамастан қабылдауға болады.

Балаларда қолданылуы

18 жасқа дейінгі балаларға қолдануға болмайды. 18 жасқа дейінгі балаларда қауіпсіздігі мен тиімділігі анықталмаған.