C09AA02 Эналаприл¹ (Enalapril)

Қолдану көрсеткіштері

Артериальная гипертензия; Жүрек функциясының симптоматикалық жеткіліксіздігі; Солжақ қарыншаның симптомсыз дисфункциясы бар пациенттерде симптомдары бар жүрек функциясы жеткіліксіздігінің профилактикасы (солжақ қарыншаның лықсыту фракциясы ≤ 35%).

Клинические протоколы:

Қарсы көрсеткіштері

Эналаприлге немесе препараттың кез келген компонентіне жоғары сезімталдық.
АӨФ тежегіштерін қабылдауға байланысты, тұқым қуалайтын немесе идиопатиялық ангионевроздық ісіну.
Жүктілік және лактация кезеңі.
Алискирен қабылдайтын қант диабеті немесе бүйрек функциясының бұзылуы бар пациенттер.
Сакубитрилмен (неприлизин тежегіштерімен) бір мезгілде қолдану.
18 жасқа дейінгі балалар мен жасөспірімдерге қолдануға болмайды.

Қауіпсіздік шаралары

Артериялық гипотензия: сұйықтық тапшылығы, жүрек жеткіліксіздігі, реноваскулярлық гипертензия және бүйрек трансплантациясынан кейінгі пациенттерде даму қаупі жоғары. Емдеу кезінде артериялық қысымды және бүйрек қызметін бақылау қажет.
Ангионевроздық ісіну: емдеудің кез келген кезеңінде дамуы мүмкін, препаратты дереу тоқтатуды талап етеді.
Гематологиялық бұзылыстар: әсіресе коллагеноздары, бүйрек функциясының бұзылуы бар және иммунодепрессанттар қабылдайтын пациенттерде нейтропения, агранулоцитоз және ауыр инфекциялар дамуы мүмкін.
Гиперкалиемия: әсіресе бүйрек жеткіліксіздігі, қант диабеті бар пациенттерде және калий жинақтаушы препараттармен бірге қолданғанда қандағы калий деңгейін бақылау қажет.
Басқа сақтық шаралары: құрғақ өнімсіз жөтел, гемодиализ, ТТЛП-аферез немесе десенсибилизация кезінде анафилактоидты реакциялар дамуы мүмкін. Қант диабеті бар пациенттерде қандағы глюкоза деңгейін бақылау ұсынылады.
Ескерту: Толығырақ ақпарат алу үшін дәрілік препаратты медициналық қолдану жөніндегі нұсқаулыққа жүгініңіз.

Дәрілік заттармен өзара әрекеттесуі

Эналаприлді калий деңгейіне әсер ететін препараттармен, диуретиктермен, басқа гипертензияға қарсы дәрілермен, ҚҚСП, литий препараттарымен, гипогликемиялық препараттармен бірге қолданғанда сақтық қажет. Сакубитрил бар препараттармен бір мезгілде қолдануға болмайды. Дәрілік өзара әрекеттесулер туралы толық ақпарат алу үшін препаратты медициналық қолдану жөніндегі нұсқаулықпен танысу қажет.
Ескерту: Мұнда дәрілік өзара әрекеттесулердің тек кейбір маңызды түрлерінің қысқаша сипаттамасы берілген. Толығырақ ақпарат алу үшін дәрілік препаратты медициналық қолдану жөніндегі нұсқаулыққа немесе дәрілік өзара әрекеттесулер туралы ақпарат көздеріне жүгініңіз.

Бүйрек жеткіліксіздігі

Бүйрек функциясының бұзылуы бар пациенттерде (креатинин клиренсі <1,33 мл/с) бастапқы дозаны креатинин клиренсіне қарай, сосын емдеуге берілетін реакцияға орай таңдап алу керек.
Плазмада креатинин деңгейін және калий деңгейін жүйелі бақылап отыру қажет.
Жүрек функциясының ауыр жеткіліксіздігі немесе, бүйрек артериясының стенозын қоса, бүйректің жасырын түрдегі аурулары бар пациенттерде эналаприлмен емделу кезінде бүйрек функциясының жеткіліксіздігі туындауы мүмкін. Бұл жедел және тиісінше емдегенде, әдетте, қайтымды.
Бүйректің симптомсыз аурулары бар кейбір пациенттерде эналаприлді диуретиктермен бір мезгілде қабылдаудан кейін қан плазмасында мочевина және креатинин деңгейлерінің елеусіз әрі өткінші жоғарылауы туындады. Сондықтан АӨФ тежегішінің дозасын азайту және/немесе диуретиктерді тоқтату қажеттілігі туындауы мүмкін. Бұл жағдай бүйрек артериясының жасырын түрдегі стенозының туындауын қоздырады

Бауыр жеткіліксіздігі

Емдеу кезінде сирек жағдайларда холестаздық сарғаюдан бастап, бауырдың жедел некрозына дейін (кейде өліммен аяқталуы мүмкін) үдейтін жағдайлар байқалуы мүмкін. Бауыр жеткіліксіздігінің белгілері (сарғаю немесе бауыр ферменттері деңгейінің айқын жоғарылауы) пайда болған жағдайда, АӨФ тежегіштерін қабылдауды тоқтатып, тиісті ем жүргізу қажет.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Өте жиі
көрудің бұлыңғырлануы
бас айналу
жөтел
жүрек айнуы
әлсіздік
Жиі
бас ауруы, депрессия
артериялық гипотензия, естен тану, кеуде ауыруы, жүрек ырғағының бұзылуы, стенокардия, тахикардия
ентігу
диарея, іштің ауыруы, дәм сезудің өзгеруі
бөртпе, аса жоғары сезімталдық, ангионевроздық ісіну
шаршағыштық
гиперкалиемия, қандағы креатинин деңгейінің жоғарылауы
Жиі емес
анемия, гипогликемия
сананың шатасуы, ұйқышылдық, ұйқысыздық, жүйкелік, парестезия
жүрек қағуы, миокард инфаркті, цереброваскулярлық асқынулар
ринорея, тамақ ауыруы, дауыстың қарлығуы, бронх түйілуі
құсу, диспепсия, іш қату, тәбеттің төмендеуі, гастрит, ауыздың құрғауы
тершеңдік, қышыну, есекжем, алопеция
бүйрек функциясының бұзылуы, бүйрек жеткіліксіздігі, протеинурия
импотенция
құрысулар, қан кернеуі, құлақтағы шу, дене қызуының жоғарылауы
Сирек
нейтропения, тромбоцитопения, агранулоцитоз, панцитопения
ұйқының бұзылуы
Рейно феномені
аллергиялық альвеолит, эозинофильді пневмония
стоматит, глоссит
гепатит, холестаз, сарғаю, бауыр жеткіліксіздігі
көптүрлі эритема, Стивенс–Джонсон синдромы, эксфолиативті дерматит
олигурия
гинекомастия
бауыр ферменттері мен билирубин деңгейінің жоғарылауы
Өте сирек
ішектің ангионевроздық ісінуі.

Көрсеткіштері, қолдану тәсілі мен дозалары

Ішке қабылдауға арналған.
Дозалау режимін дәрігер әр пациентке жеке белгілейді. Артериялық гипертензия кезінде ұсынылатын бастапқы доза – тәулігіне 1 рет 5–20 мг, демеуші доза – тәулігіне 20 мг, ең жоғары тәуліктік доза – 40 мг. Жүрек жеткіліксіздігі кезінде бастапқы доза – тәулігіне 1 рет 2,5 мг, кейін дозаны біртіндеп тәулігіне 20–40 мг-ға дейін арттырады. Бүйрек функциясының бұзылуы бар пациенттерде доза жеке түзетіледі. Препаратты дәрігердің тағайындауы бойынша қабылдау қажет.

Балаларда қолданылуы

18 жасқа дейінгі балаларға қолдануға болмайды.