C09AA02 Эналаприл¹ (Enalapril)

Қолдану көрсеткіштері

Артериялық гипертензия; симптоматикалық жүрек жеткіліксіздігі (қосымша ем ретінде); сол жақ қарыншаның симптомсыз дисфункциясы бар пациенттердегі симптоматикалық жүрек жеткіліксіздігінің алдын алу.

Клинические протоколы:

Қарсы көрсеткіштері

Эналаприлге, препараттың басқа компоненттеріне немесе басқа ААФТ жоғары сезімталдық; алдыңғы ААФТ қабылдаумен байланысты, анамнезіндегі ангионевротикалық ісіну; тұқым қуалайтын немесе идиопатиялық ангионевротикалық ісіну; қант диабеті бар адамдарға немесе егер ШСЖ 60 мл/мин/1.73 м2 төмен болса, ААФТ алискиренмен біріктіру қарсы көрсетілген; тұқым қуалайтын лактозаны көтере алмаушылық; Лапп-лактоза тапшылығы немесе глюкоза-галактоза мальабсорбциясы; гиперкалиемия; порфирия; біріншілік гиперальдостеронизм; бүйрек артерияларының екі жакты стенозы/жалғыз бүйрек бүйректік артериясының стенозы.

Қауіпсіздік шаралары

Ағзада сұйықтықтың жеткіліксіздігі кезінде (мысалы, диуретиктермен терапия, құрамында натрий деңгейі төмен диетада, диализ, іштің өтуі немесе құсу) сирек жағдайда гипотония (симптомдық) байқалады. Бүйрек жеткіліксіздігімен/онсыз жүрек жеткіліксіздігі; жүректің ишемиялық ауруы немесе цереброваскулярлы патология (қан қысымының мөлшерден тыс төмендеуі миокард инфарктісіне немесе церебральді инсультке алып келуі мүмкін); қолқа немесе митральді стеноз/гипертрофиялық кардиомиопатия, сол жақ қарынша стенозы немесе қолқа стенозы бар пациенттерде (кардиогенді шок немесе гемодинамикалық негізделген обструкция кезінде қолдануды болдырмау) сақтықпен, ауыр жүрек жеткіліксіздігі немесе бүйрек ауруларының аталған патологиясы негізінде (бүйрек артерияларының стенозын қоса) жатқан пациенттерде эналаприлді қолданумен байланысты бүйрек жеткіліксіздігі жағдайлары жөнінде хабарланған; бүйрек трансплантациясы (қолдану тәжірибесі жоқ, бүйрегі жуырда алмастырылған пациенттерді емдеу үшін қолдануға болмайды). Иммунодепрессанттар, аллопуринол, прокаинамидпен емделу кезінде немесе аталған бірнеше қауіп факторлары болған, соның ішінде бүйрек қызметі төмендеген (антибиотиктермен қарқынды емдеуге келмеген кейбір жағдайларда ауыр инфекциялық аурулар туындаған) коллагеноздары бар пациенттерде агранулоцитоз/нейропатияның қаупі. Лейкоциттер санына тұрақты бақылау жүргізу, кез келген инфекция белгілерінің пайда болуына мониторинг жүргізу. Бүйрек жеткіліксіздігі, бүйрек қызметінің бұзылысы, егде жастағы адамдарда (70 жастан асқан), жүректің жедел декомпенсациясы, метаболизмдік ацидоз және калий сақтаушы диуретиктермен бір уақытта емдеу кезінде (мысалы, спиронолактон, эплеренон, триамтерен немесе амилорид), калий препараттарын немесе құрамында калий бар тұз алмастырғыштарды қабылдау, сондай-ақ сарысудағы калий деңгейін (мысалы, гепарин) жоғарылататын басқа дәрілік заттармен бір уақытта емдеу кезінде гиперкалиемия қаупі. Жәндіктердің шағуына қарсы арнайы иммунотерапия (десенсибилизия) тағайындалған жағдайда артериялық гипертония мен жүрек жеткіліксіздігін емдеу үшін ААФТ басқа дәрілік заттармен алмастыру керек. Декстран сульфатын қолданумен ТТЛП-афереза кезінде ААФТ бір мезгілде қолданғанда сирек өмірге қауіп төндіретін анафилактикалық реакциялар пайда болады. Егер ТТЛП-афереза тағайындалса, онда артериялық гипертония мен жүрек жеткіліксіздігін емдеу үшін ААФТ басқа дәрілік заттармен алмастыру керек.

Дәрілік заттармен өзара әрекеттесуі

Икабант - қолдануды болдырмау (қарама-қарсы әсер).Сонаның уы - анафилактикалық реакциялардың жоғары қаупі.Гипертензияға қарсы препараттар, диуретиктер, алкоголь, алпростадил және гипотензиялық әсері бар басқа препараттар - гипотензияның күшеюі.Калий препараттары, спиронолактон, амилорид, стероидты емес қабынуға қарсы заттар, циклоспорин және қандағы калий деңгейінің артуын туындататын басқа дәрілер - гиперкалиемия қаупі.Стероидты емес қабынуға қарсы заттар - антигипертензивті әсердің төмендеуі, бүйрек жеткіліксіздігі қаупінің жоғарылауы.Диуретиктер - бүйрек жеткіліксіздігі қаупінің жоғарылауы.Литий препараттары - литий концентрациясының және уыттылығының ұлғаюы мүмкін.Ангиотензин II антагонисттері - әдетте біріктіріп қолдану ұсынылмайды, себебі елеулі жағымсыз реакциялар қаупі едәуір артады.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Бүйрек қызметінің бұзылысы кезінде (креатинин клиренсі минутына < 80 мл) эналаприлдің бастапқы дозасын пациенттің креатинин клиренсінің көрсеткішіне, ал кейін - артериялық қысымның төмендеу деңгейіне байланысты таңдайды. Креатинин және калий деңгейіне үнемі мониторинг қажет. Креатинин клиренсі 30 мл/мин жоғары болғанда бастапқы доза - күніне 5 мг, 30 мл/мин кем болғанда - күніне 2,5 мг, диализ жүргізу кезінде - диализ жүргізу күні 2,5 мг. Гемодиализ кезінде: диализ жүргізетін күні күніне 2,5 мг, диализ күндері аралығында артериялық қысымды бақылауға ала отырып, препаратты қабылдау керек.

Бауыр жеткіліксіздігі

Емдеу кезінде сирек күрт дамитын бауыр некрозына дейін алып келетін холестатикалық сарғаю байқалуы мүмкін (кейде өліммен аяқталатын). Бауыр жеткіліксіздігі симптомдары пайда болған кезде (сарғаю немесе бауыр ферменттері деңгейінің айқын жоғарылауы) ААФТ тоқтату және сәйкес емдеу жүргізу.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Жөтел, кеуде қуысының ауыруы; бас айналуы, жүрек айнуы; көрудің бұлыңғырлануы түріндегі көрудің бұзылуы; гипотония, естен тану, бас ауыруы, депрессия, астения; ентігу; тахикардия, аритмия, стенокардия, дәм сезінудің бұзылуы, іштің ауыруы, диарея; тері бөртпесі (соның ішінде эритема және уытты эпидермальді некролиз), Квинке ісінуі, фотосезімталдық; гиперкалиемия, гипонатриемия; қандағы креатинин және мочевина концентрациясының жоғарылауы; сирегірек жүрек қағуы, миокард инфарктісі немесе церебральді инсульт; ортостатикалық гипотония; сананың шатасуы, ұйқышылдық, ашушаңдық, парестезия, түс көру сипатының өзгеруі, ұйқының бұзылуы; ішектің бітелуі, анорексия, ауыздың құрғауы, асқазанның ойық жара ауруы, құсу, диспепсия, панкреатит, бауыр жеткіліксіздігі, гепатит (гепатоцеллюлярлы немесе холестатикалық), холестаз, сарғаю, «бауыр» трансаминазалары белсенділігінің жоғарылауы, гипербилирубинемия; анемия (апластикалық және гемолитикалық анемияны қоса); ринорея, тамақтың ауыруы және қарлығуы, бронх түйілуі/демікпе; тершеңдік; есекжем, алопеция; бүйрек қызметінің бұзылуы, қайтымды жедел бүйрек жеткіліксіздігі, протеинурия; бұлшықеттік құрысулар; құлақтағы шуыл; Рейно синдромы, өкпелік инфильтраттар, аллергиялық альвеолит/эозинофильді пневмония, стоматит, глоссит, Стивенс-Джонсон синдромы, эксфолиативті дерматит, күлдіреуік, гинекомастия, импотенция; конъюнктивит, қызару; нейтропения, гемоглобин және гематокриттің төмендеуі, тромбоцитопения, агранулоцитоз, сүйек кемігінің бәсеңдеуі, панцитопения, лимфа түйіндерінің ұлғаюы, аутоиммунды аурулар.Өте сирек: асқазан-ішектік ангионевротикалық ісіну; Пархон синдромы (антидиуретикалық гормон секрециясының адекватты емес синдромы).Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.