C01CA24 Эпинефрин¹ (Epinephrine)

Қолдану көрсеткіштері

Жедел типтегі аллергиялық реакциялар: дәрілік заттарды, сарысуларды қолданғанда, қан құйғанда, жәндіктер шаққанда немесе аллергендермен жанасқанда дамитын анафилактикалық шок; бронх демікпесінің жедел ұстамаларын шеттету; әртүрлі генездегі артериялық гипотензия (постгеморрагиялық, уыттылық, инфекциялық); гипокалиемия, соның ішінде инсулиннің артық дозалану салдарынан; асистолия, жүректің тоқтауы; жергілікті анестетиктердің әсерін ұзарту; жедел дамыған ІІІ дәрежедегі AV блокада.

Клинические протоколы:

Қарсы көрсеткіштері

Препаратқа жеке жоғары сезімталдық; гипертрофиялық обструктивті кардиомиопатия; ауыр қолқа стенозы; тахиаритмия, қарыншалар фибрилляциясы; артериялық немесе өкпе гипертензиясы; өкпенің ишемиялық ауруы; айқын атеросклероз; тамырлардың окклюзиялық аурулары; феохромоцитома; жабық бұрышты глаукома; генезы аллергенді емес шок; құрысу синдромы; тиреотоксикоз; қант диабеті; ингаляциялық дәрілерді қолданумен жүргізілетін жалпы анестезия: фторотан, циклопропан, хлороформмен; қол мен аяқ саусақтарының аймақтарында, мұрын, жыныс мүшелері аймағында қолдану.

Қауіпсіздік шаралары

Асистолия кезінде - жүрек ішіне, бірақ жүрек тампонадасы мен пневмоторакс дамуының жоғары қаупі бар; қан диабеті бар науқастарда гликемияны арттырады. Ұзақ уақыт қолданбаған жөн, тамырлардың тарылуынан некроз немесе гангрена дамуы мүмкін; дозасын біртіндеп азайту қажет - ауыр гипотензия дамуы мүмкін; қарыншалық аритмия, жүректің ишемиялық ауруы, жүрекшелер фибрилляциясы, артериялық гипертензия, өкпе гипертензиясы бар пациенттерге, миокард инфарктісі кезінде, метаболизмдік ацидоз, гиперкапния, гипоксия, гиповолемия, тиреотоксикозда; тамырлардың окклюзиялық аурулары, Паркинсон ауруы, құрысу синдромы, қуық асты безінің гипертрофиясы бар пациенттерге сақтықпен тағайындау.Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Адренергиялық постганглионарлы бөгеуші агенттер (гуанадрел, гуанетидин және раувольфия алкалоидтары) - гипертония әсерінің және басқа жүрек-қантамырлар әсерінің қаупі. Ұсынылмайды.Құрамында галоген бар ұшқыш анестетиктер (галотан) - ауыр қарыншалық аритмияның даму қаупі. Сақтықпен!Таңдамалы емес бета-адреноблокаторлар (пропранолол, надолол) - қан қысымының жоғарылауы.Трициклдік антидепрессанттар (амитриптилин, дезипрамин, имипрамин, нортриптилин, мапротилин және протриптилин) - адреналин әсерінің күшеюі.Моноаминоксидаза тежегіштері (брофаромин, моклобемид, толоксаток) және таңдамалы емес (фенелзин, транилципромин, линезолид) - адреналин әсерінің потенциализациялануы.Катехол-О-метилтрансфераза тежегіштері (энтакапон, толкапон) - аритмия, тамыр соғысының жиілеуі және артериялық қысымның өзгеруі.Аритмияны туындататын дәрілік заттар (дигиталис, хинидин) - ЖЖЖ қосымша немесе синергетикалық әсері.Қастауыш типті босануды ынталандыратын препараттар (метисергид, эрготамин, эргоновин) - кумулятивті немесе синергиялық қан қысымының және/немесе ишемиялық жауап реакциясының жоғарылауы.Симпатомиметикалық вазопрессорлар (кокаин, амфетаминдер, фенилэфрин, псевдоэфедрин, оксиметазолин) - адренергиялық уыттылық қаупі.Басқа да симпатомиметиктер (изопротеренол, левотироксин, метилдопа, гистаминге қарсы препараттар (хлорфенирамин, димедрол)) - азайтылған дозалар пайдаланылуы тиіс.Фенотиазиндер (және басқа нейролептиктер) - адреналин әсерінің тежелуінен гипотония қаупі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Сақтықпен қолдану.

Жүктілік

Қарсы көрсетілген. Сонымен қатар, босанудың ІІ кезеңінде қарсы көрсетілген.

Емізу

Қарсы көрсетілген.

Жағымсыз әсерлері

Жиі: бас ауыруы, үрейлі жағдай, тремор; гипергликемия; анорексия. Сирек: ашушаңдық, бас айналуы, шаршау, ұйқының бұзылуы, бұлшықеттің дірілдеуі, психоневротикалық бұзылыстар, жадының бұзылуы, озбыр немесе үрейлі мінез-құлық, шизофренотәрізді бұзылыстар, паранойя; ентігу, өкпенің ісінуі; стенокардия, брадикардия немесе тахикардия, жүрек қағуын сезіну, артериялық қысымның жоғарылауы немесе төмендеуі; ангионевротикалық ісіну, бронх түйілуі; тері бөртпесі, мультиформалы эритема.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Балалар. К/і, б/і, т/а. Асистолия жаңадан туылған нәрестелердегі: к/і баяу, әрбір 3-5 минут сайын дене салмағына 0,01 мл/кг. Анафилактикалық шок: т/а немесе б/і 1 жасқа дейінгі балалар - 0,05 мл, 1 жас - 0,1 мл, 2 жас - 0,2 мл, 3-4 жас - 0,3 мл, 5 жас - 0,4 мл, 6-12 жас - 0,5 мл. Қажет болған жағдайда әрбір 15 минут сайын (3 ретке дейін) енгізуді қайталайды. Бронх түйілуі: т/а дене салмағына 0,01 мл/кг (ең жоғары - 0,3 мл дейін). Қажет болған жағдайда әрбір 15 минут сайын (3-4 ретке дейін) немесе әрбір 4 сағат сайын енгізуді қайталайды.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.