A16AB07 Алглюкозидаза альфа (Alglucosidase alfa)
Қолдану көрсеткіштері
| Помпе ауруы диагнозы расталған (қышқыл альфа-глюкозидаза жеткіліксіздігі) емделушілердегі ұзақ мерзімді фермент алмастыру емінде (ФАЕ) Препарат барлық жастағы ересектер мен балаларда қолдануға көрсетілімді. |
-
Клинические протоколы:
- Болезнь Помпе
Қарсы көрсеткіштері
| Препараттың белсенді ингредиентіне (анафилактикалық реакция) немесе, егер қайта тағайындау сәтсіз болса, басқа компоненттеріне аса жоғары сезімталдық |
Қауіпсіздік шаралары
| Сәбилік
жастағы емделушілерде және ауруы кеш басталған емделушілерде Алглюкозидаза
альфа инфузиясы кезіндегі,
анафилактикалық шокты қоса, күрделі және өмірге қатер төндіретін
анафилактикалық реакциялар туралы хабарламалар бар. Алглюкозидаза альфа препаратымен инфузия жасау кезінде, инфузияға ауыр астасқан әлеуетті реакциялар болатындықтан, жүрек қызметін және тыныс алуды қалпына келтіруге арналған құрал-жабдықты қоса, тиісті медициналық демеу шаралары дайын тұруы тиіс. Ауыр анафилактикалық реакция дамыған жағдайда, Алглюкозидаза альфа инфузиясын дереу тоқтатып, тиісті емді бастаған жөн. Анафилактикалық реакциялар кезінде шұғыл медициналық жәрдемнің қолданыстағы стандарттарын қадағалау керек. Инфузиямен байланысты реакциялар (ИБР) Сәбилік жастағы клиникалық зерттеулерде Алглюкозидаза альфа қабылдаған емделушілердің жартысына жуығында және клиникалық зерттеулерде Алглюкозидаза альфа емінен өткен ауруы кеш басталған 28% емделушіде зерттеудегі препаратқа байланысты және инфузия кезінде немесе одан кейінгі келесі сағаттарда туындайтын кез келген жағымсыз құбылыс ретінде анықталған ИБР дамыған. Кейбір реакциялар ауыр болған. Аса жоғары доза (40 мг/кг) алған сәбилік жастағы емделушілерде ИБР дамығанда симптомдардың көптеп көрініс беру үрдісі байқалған. IgG-антиденелердің жоғары титрлері дамыған сәбилік жастағы емделушілер ИБР жиірек туындау қаупіне көбірек ұшырайды. Жедел аурулары бар емделушілер (мысалы, пневмония, сепсис) Алглюкозидаза альфа инфузиясы кезінде ИБР даму қаупіне көбірек ұшырайды. Алглюкозидаза альфа енгізілгенше емделушінің клиникалық жағдайын мұқият тексеру керек. Емделушілерді мұқият қадағалап, барлық ИБР жағдайларын, кеш білінетін реакциялар мен болжамды иммунологиялық реакцияларды тіркеп отыру керек. ИБР жағдайлары, атап айтқанда, анафилактикалық реакциялар туындаған емделушілерді Алглюкозидаза альфа инфузиясы қайта жүргізілгенде абайлап емдеу керек. Жеңіл және қысқа мерзімді жағымсыз әсерлерінде арнайы медициналық жәрдем немесе инфузияны тоқтату қажет болмауы мүмкін. Реакциялардың көпшілігі инфузия жылдамдығын төмендеткенде, инфузияны немесе, әдетте, антигистаминдердің және/немесе антипиретиктердің және/немесе кортикостероидтардың ішуге арналған түрлері қолданылатын премедикацияны уақытша тоқтатқанда басылған. ИБР Алглюкозидаза альфа инфузиясын жасау барысында кез келген уақытта, көбінесе инфузиядан кейін 2 сағат ішінде дамуы мүмкін, оның үстіне инфузия жылдамдығы жоғарырақ болғанда ИБР даму ықтималдығы зор. Ауыр дәрежелі Помпе ауруы бар емделушілерде жүрек және тыныс алу функциясының бұзылуы болып, бұл ИБР-дан кейін ауыр асқынулардың аса жоғары қаупін тудыруы мүмкін. Сондықтан ондай емделушілердің жағдайын Алглюкозидаза альфа енгізу кезінде мұқият бақылауға алу керек. Иммуногенділік Клиникалық зерттеулерде емделушілердің көпшілігінде алглюкозидаза альфаға IgG антиденелер, әдетте, 3 ай емделу кезінде өндірілген. Сондықтан, Алглюкозидаза альфа алған емделушілердің көпшілігінде сероконверсия жоққа шығарылмайды. Аса жоғары дозаларын (40 мг/кг) алған сәбилік жастағы емделушілер арасында IgG-антиденелердің жоғарырақ титрлерінің өндірілу үрдісі байқалған. ИБР туындауы мен антиденелердің түзілу уақыты арасында өзара байланыс болмауы мүмкін. IgG-антиденелердің бар-жоғы тұрғысынан тексеруден өткен емделушілердің шағын бөлігі арҚАГ қарсы тежегіш антиденелерге қатысты позитивті болып шықты. Осындай патология сирек және қазіргі сәтте емдеу тәжірибесі шектеулі екендіктен, IgG-антиденелер түзілуінің препарат қауіпсіздігі мен тиімділігіне әсері қазіргі уақытта толық анықталмаған. Жайсыз аяқталу мен IgG-антиденелердің жоғары және тұрақты титрлерінің даму ықтималдығы CRIM-реакциясы теріс емделушілерде (иммунологиялық материалдарға айқаспалы реактивтілігі бар реакция; қышқыл α- глюкозидазаның эндогенді ақуызы иммуноблоттинг әдісімен анықталмаған емделушілер) CRIM-реакциясы оң емделушілердегіден (қышқыл α-глюкозидазаның эндогендік ақуызы иммуноблоттинг әдісімен анықталған емделушілер) едәуір жоғары. Дегенмен де, IgG-антиденелердің жоғары және тұрақты титрлері CRIM-реакциясы оң емделушілерде де пайда болуы мүмкін. Жеткіліксіз клиникалық нәтиже мен жоғары және тұрақты IgG-антиденелер титрлерінің дамуы көптеген факторларға байланысты деп жорамалданады. IgG-антиденелер титрлеріне жүйелі мониторинг өткізу керек. Аса жоғары сезімталдық реакциялары туындаған емделушілер, сонымен қатар, алглюкозидаза альфаға IgG-антиденелер титрлерін және басқа анафилаксия медиаторларын тестілеуден өткізуге болады. Алглюкозидаза альфаға IgG-антиденелер титрлері дамыған емделушілер Алглюкозидаза альфа қайта енгізілгенде ИБР туындауының аса жоғары қаупіне бейім келеді. Сондықтан, аталған емделушілер Алглюкозидаза альфа енгізу кезінде мұқият тексерілуі тиіс. Е иммуноглобулиніне реакциясы оң кейбір емделушілерге Алглюкозидаза альфа бастапқы азырақ дозаларында инфузияны енгізудің едәуір баяу жылдамдығымен қайтадан сәтті енгізілген, осы емделушілер мұқият клиникалық қадағалаумен Алглюкозидаза альфа алуды жалғастырған. |
Дәрілік заттармен өзара әрекеттесуі
| Алглюкозидаза-альфаның
дәрілік өзара әрекеттесулеріне зерттеулер жүргізілмеген. Алглюкозидаза-альфа
рекомбинантты адам ақуызы болғандықтан, оның P450 цитохромы арқылы дәрілік
өзара әрекеттесулерге қатысу ықтималдығы
аз. Үйлесімділігі жөніндегі зерттеу деректері жоқ екендіктен, препаратты басқа дәрілік заттармен араластыруға болмайды. |
Бүйрек жеткіліксіздігі
| Бүйрек немесе бауыр жеткіліксіздігі бар емделушілердегі Алглюкозидаза альфа қауіпсіздігі мен тиімділігіне бағалау жүргізілмеген, ал осы емделушілер үшін препараттың айрықша дозалау режимі жөнінде нұсқаулар жоқ. Аурудың барлық клиникалық көріністерінің толық талдауын негізге алып, емделушінің емдеуге реакциясын ұдайы бағалап отыру керек. |
Бауыр жеткіліксіздігі
| Бауыр
жеткіліксіздігі бар емделушілердегі Алглюкозидаза альфа қауіпсіздігі мен тиімділігіне бағалау
жүргізілмеген, ал осы емделушілер үшін препараттың айрықша дозалау режимі
жөнінде нұсқаулар жоқ. Аурудың барлық клиникалық көріністерінің толық талдауын негізге алып, емделушінің емдеуге реакциясын ұдайы бағалап отыру керек. |
Жүктілік
| Жүкті
әйелдерде алглюкозидаза альфа пайдалану жөнінде ешқандай деректер жоқ.
Жануарларға жүргізілген зерттеулер репродуктивтік уыттылығын көрсеткен.
Адамдар үшін әлеуетті қаупі белгісіз. Егер абсолютті көрсетілімдері болмаса, жүктілік кезінде Алглюкозидаза альфа қолдануға болмайды. |
Емізу
| Алглюкозидаза альфа емшек сүтімен бөлінуі мүмкін. Ана сүті арқылы алглюкозидаза альфа әсеріне ұшыраған жаңа туған сәбилер жөнінде деректер болмағандықтан, Алглюкозидаза альфа қолдану кезінде бала емізуді тоқтату ұсынылады. |
Жағымсыз әсерлері
| Өте
жиі (≥1/10) - дене температурасының көтерілуі - тахикардия, гиперемия (бет терісінің) - жөтел, тахипноэ - құсу - бөртпе, есекжем - ағзалар мен тіндердің гипоксиясы Жиі (≥1/100-ден <1/10 дейін) - ажитация - тремор - бозару, цианоз - артериялық қысымның көтерілуі - дене температурасының көтерілуі - кекіру, жүрек айну, құсу - дақты бөртпе, эритема, дақты-папулезді бөртпе, папулезді бөртпе, қышыну, бөртпе, есекжем - қалтырау, гиперестезия - жүректің жиі жиырылуы - енгізген жердің ауыруы - бас ауыру, бас айналу - парестезия - шеткергі ісіну (қол мен аяқтың), жергілікті ісіну (бет, тамақ, тілдің) - кеуде тұсындағы жайсыздық, гипертермия - тамақтағы спазмдар - диарея, құсу, жүрек айну - шаршау - ысыну сезімі - миалгия, бұлшықеттердің түйілуі, бұлшықеттердің құрысуы - қызару - қан қысымының көтерілуі - қатты терлеу Постмаркетингтік кезеңде дәрілік заттарды жеңілдікпен берудің кеңейтілген бағдарламасы бойынша және бақыланбайтын клиникалық зерттеулерде Алглюкозидаза альфа алған емделушілердегі инфузиямен байланысты қосымша реакциялар Жиілігі белгісіз - ажитация - қозу күйі - тремор - гипоксия - бас ауыру - тамыр соғу жиілігінің сиреуі, жүрек қызметінің тоқтауы - вазоконстрикция - стридор - бөртпе, эритема - нефротикалық синдром - протеинурия - енгізген жердің ауыруы, енгізген жердегі реакция - брадикардия - тахикардия - цианоз - жөтел - жүрек айну - көз шарасындағы ісіну, беттің ісінуі - аяқ-қолдың мұздауы - кеудедегі жайсыздық, кеуденің ауыруы - фарингеальді ісіну және тамақтың қысылу сезімі - іштің ауыруы - гипотензия - гипертензия - ысыну сезімі - артралгия - асфиксия, тыныс алудың тоқтауы, тыныс алу жеткіліксіздігі - бронх түйілуі, қырылдау, тахипноэ, диспноэ - қатты терлеу - көз жасының көп ағуы - температураның көтерілуі, қалтырау - тері жабындарының бозаруы, мәрмәрлануы - конъюнктивит - жүректің жиі жиырылуы |
Көрсеткіштері, қолдану тәсілі мен дозалары
| Алглюкозидаза альфаның ұсынылатын дозалау режимі: 2 апта сайын бір рет көктамырішілік инфузия түрінде дене салмағына 20 мг/кг. Инфузияларды жылдамдығын біртіндеп арттырумен жүргізген жөн. Сағатына 1 мг/кг-ден бастап, егер инфузияға байланысты жағымсыз реакциялар (ИБР) болмаса, жылдамдығын біртіндеп әр 30 минут сайын сағатына 2 мг/кг арттырып, сағатына 7 мг/кг ең жоғарғы жылдамдыққа дейін жеткізу ұсынылады. |
Балаларда қолданылуы
| Барлық жастағы балаларда Алглюкозидаза альфа қолдану жөнінде айрықша нұсқаулар жоқ. |