S01AA13 Фузид қышқылы (Fusidic acid)

Қолдану көрсеткіштері

Көздің бактериялық инфекциялары: конъюнктивитте, блефаритте, кератитте, дакриоциститте. Көздің стафилокококк инфекциялары.

Қарсы көрсеткіштері

Фузид қышқылына немесе препараттың басқа компоненттеріне  жоғары сезімталдық.

Қауіпсіздік шаралары

Препарат көз тамшы дәрісі түрінде көзішілік  инъекцияға арналмаған! Қолдану кезеңінде жанаспалы линзаларды тағу ұсынылмайды, өйткені оның компоненттері линзада бұлыңғырлануды туындатуы мүмкін.Резистенттіліктің дамуын болдырмау үшін фузид қышқылы 10 күннен артық пайдаланылмауы тиіс және оны қолдану алдында ауруханада жергілікті микробиологтардан кеңес алу керек.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Аллергиялық реакциялар (есекжем түрінде және конъюнктиваның  өтпелі қатпарлары фолликулаларының ісінуі); қышыну, шымылдатып ашыту, конъюнктива гиперемиясы, ауырсыну, жас ағу, қабақтың ісінуі, конъюнктивиттің  асқынуы; ирит болуы мүмкін.Жиі немесе өте жиі: көздің құрғауы, көздегі дискомфорт, көздің бұлыңғырлануы; Жиі емес: жасаурау; Белгісіз: Квинке ісігі, көздің қабынуы.

Балаларда қолданылуы

Жергілікті. 8 жастан асқан балаларға. Әр 12 сағат сайын 7 күн бойы екі көзге (конъюнктивалық қалтаға) 1 тамшыдан -  тәулігіне 2 рет тамызады. 8 жасқа дейінгі балаларға қарсы көрсетілген.