A11HA03 Токоферол (Tocopherol)

Қолдану көрсеткіштері

Е дәрумені ересектерде, балалар мен 12 жастан асқан жасөспірімдерде қолдануға арналған:
- Ерлер мен әйелдерде фертильділіктің төмендеуінде демеуші ем.
- Климакс кезінде кейбір қиындықтарды азайту үшін қосымша емдеу (ысынулар).
- Етеккір проблемаларын жеңілдету үшін қосымша емдеу (ауырғанды және қан кетуді азайту).
- Тыныс алу жолдарының терісі мен шырышты қабығының дегенеративті ауруларын, дерматомиозитті және миозиттің дегенеративті түрін демеуші емдеу.
- Жүйке жүйесінің дегенеративті ауруларын (мысалы, Альцгеймер ауруы), буындар мен сіңір аппаратын емдеуді қолдайтын кеш дискинезия.
- Тамақтанудың және сіңірудің бұзылуы (дұрыс тамақтанбау, Е дәруменісіз теңгерімсіз тамақтану, ішек пен асқазанға жасалған операциялардан кейінгі жай-күйдлер, бауыр аурулары, майлар мен майда еритін дәрумендердің сіңірілуінің бұзылуы).
- Ревматизмдық аурулар және кейбір эндокриндік аурулар кезінде қосымша емдеу (қалқанша безінің бұзылуы, гонадтардың гормоналдық бұзылуы, ерлердің бедеулігі).
- Атеросклероздың профилактикасы (жүректің ишемиялық ауруы, мидың қантамыр аурулары)

Клинические протоколы:

Қарсы көрсеткіштері

Препараттың компоненттеріне аса жоғары сезімталдық
- жедел миокард инфарктісі, кардиосклероз
- 12 жасқа дейінгі балаларға

Қауіпсіздік шаралары

Дозалау режимін қатаң сақтау қажет.
Ұзақ уақыт бойы басқа поливитаминдік препараттармен бірге тағайындау ұсынылмайды, өйткені майда еритін Е дәруменінің артық дозалануы басталып кетуі мүмкін.
Селен және құрамында күкірт бар амин қышқылдарының мөлшері жоғары диета Е дәруменінің қажеттілігін азайтады.
Туа біткен буллездік эпидермолиз кезінде аллопециямен зақымданған орындарда ақ шаштар өсе бастауы мүмкін.
Препаратты ұзақ уақыт қолданғанда және/немесе қайталанатын емдеу курстарын тағайындау қажет болған жағдайда, мезгіл-мезгіл қанның ұю көрсеткіштерін, сондай-ақ, қандағы холестерин деңгейін бақылап отыру ұсынылады.

Дәрілік заттармен өзара әрекеттесуі

Эпилепсиясы бар, қанда липидтердің асқын тотықты тотығу өнімдері мөлшерінің жоғарылығы анықталған науқастарда құрысуға қарсы дәрілердің әсерін арттырады.
Қабынуға қарсы стероидты және стероидты емес дәрілердің, антиоксиданттардың әсерін күшейтеді. Жүрек гликозидтерінің, сондай-ақ, А және D дәрумендерінің тиімділігін арттырады және уыттылығын азайтады. Е дәруменін жоғары дозаларда тағайындау организмде А дәруменінің тапшылығын тудыруы мүмкін.
Тәулігіне 400 мг артық дозадағы Е дәруменін антикоагулянттармен (кумарин және индандион туындыларымен) бір мезгілде қолдану гипопротромбинемия мен қан кетулердің даму қаупін арттырады.
Колестирамин, колестипол, минералды майлар альфа-токоферилацетаттың сіңуін азайтады.
Темірдің жоғары дозалары организмдегі тотығу үдерістерін күшейтеді, ол Е дәруменінің қажеттілігін арттырады.
Альфа-токоферилацетатты циклоспоринмен бір мезгілде қолданғанда соңғысының сіңуі жоғарылайды.

Бүйрек жеткіліксіздігі

Дозасын түзету қажет емес.

Бауыр жеткіліксіздігі

Дозасын түзету қажет емес.

Жүктілік

Жүктілік және бала емізу кезеңінде Е дәруменін тек дәрігердің тағайындауы бойынша ғана қолданады.

Емізу

Жүктілік және бала емізу кезеңінде Е дәруменін тек дәрігердің тағайындауы бойынша ғана қолданады.

Жағымсыз әсерлері

Жиі
- гастралгия, жүрек айнуы, іш қату, диарея;
- бас ауыруы, қажу, әлсіздік.
Жиі емес
- аллергиялық реакциялар
Сирек
- креатинурия, креатинкиназа белсенділігінің жоғарылауы, қан сарысуындағы холестерин деңгейінің жоғарылауы, тромбофлебиттер, өкпе тромбоэмболиясы, тромбоз.

Көрсеткіштері, қолдану тәсілі мен дозалары

200 мг капсулалар: ересектерге және 12 жастан асқан балаларға тәулігіне 1-2 капсуладан.
400 мг капсулалар: ересектерге тәулігіне 1 капсуладан.
Препаратты ішке, дұрысы тамақтан кейін қабылдайды.

Балаларда қолданылуы

200 мг капсулаларды балалар мен 12 жастан асқан жасөспірімдердің қолдануына болады.