R06AC03 Хлоропирамин¹ (Chloropyramine)

Қолдану көрсеткіштері

Аллергиялық аурулар және реакциялар, жанаспалы дерматит, жедел және созылмалы экзема. Жүйелік анафилаксиялық реакцияның және ангионевротикалық ісінудің адъюванттық терапиясы.

Клинические протоколы:

Қарсы көрсеткіштері

Белсенді затқа немесе препараттың кез келген қосымша затына жоғары сезімталдық, өршу сатысындағы асқазанның және он екі елі ішектің ойық жара ауруы, пилородуоденальді стеноз, бронх демікпесінің жедел ұстамасы, қуықасты безінің гипертрофиясы.

Қауіпсіздік шаралары

Егде жастағы пациенттерде жүрек-қантамыр жүйесі бұзылғанда, несептің іркілуінде және простат гипертрафиясында сақтықпен қолдану. Гастро- эзофегеальді рефлюксты ауру симптомдарының күшеюі мүмкін. Ұзақ уақыт қабылдағанда қан түзу жүйесі тарапынан бұзылулар дамуы мүмкін. Алкогольді сусындарды қабылдау қарсы көрсетілген.Препарат, әсіресе емнің бастапқы кезеңінде ұйқышылдық және психомоторлық функциялардың бұзылуын туғызуы мүмкін. Автокөлік немесе басқа да қауіптілігі жоғары механизмдерді басқарудан бас тартқан жөн.

Дәрілік заттармен өзара әрекеттесуі

Моноаминооксидаза тежегіштері (моклобемид, селегилин) - хлоропираминнің антихолинергиялық әсерінің күшеюі және ұзаруы. Барбитураттар, анксиолитикалық седативті заттар, транквилизаторлар, опиоидты анальгетиктер, трициклді антидепрессанттар, атропин және басқа да мускаринергиялық парасимпатолитиктер- әсерлерінің өзара күшеюі. Отоуытты препараттар- хлоропирамин отоуыттылықтың ерте белгілерін жасырады; Алкоголь- хлоропираминнің ОЖЖ тежейтін әсерінің күшеюі. Гистаминге қарсы препараттар- жағымсыз әсерлерінің өзара үдеуі. Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Дозасын азайту талап етіледі, препарат көбінесе бүйрек арқылы шығарылады.

Бауыр жеткіліксіздігі

Сақтықпен қолдану, дозасын азайту қажет.

Жүктілік

Қарсы көрсетілген.

Емізу

Қарсы көрсетілген. Қажет болған жағдайда, бала емізуді тоқтату керек.

Жағымсыз әсерлері

Сирек: лейкопения, агранулоцитоз, гемолитикалық анемия.Өте сирек: аллергиялық реакциялар, седативті әсері, шаршағыштық, бас айналуы, атаксия, тремор, жүйке қозуы, құрысулар, бас ауыруы, эйфория, энцефалопатия, көзішілік қысымның жоғарылауы, глаукома ұстамасы, көру өткірлігінің бұзылуы, артериялық гипотензия, тахикардия, аритмия, тәбеттің жоғалуы немесе артуы, эпигастр аумағындағы жағымсыз сезінулер немесе ауыру, ауыздың құрғауы, жүрек айнуы, құсу, диарея, іштің қатуы, фотосенсибилизация, миопатия, несеп шығарудың қиындауы, несептің іркілуі.Маңызды! Мұнда жағымсыз әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Ішке, тамақ ішу кезінде, шайнамай және сұйықтықтың жеткілікті мөлшерімен қабылдау керек. 1 жастан 6 жасқа дейінгі балалар: ¼ табл. (6,25 мг) тәулігіне 3 рет немесе ½ табл. (12,5 мг) тәулігіне 2 рет, ұнтаққа дейін ұсақталған түрде; 6 жастан 14 жасқа дейін: ½ (12,5 мг) тәулігіне 2-3 рет. Жоғары тәуліктік дозасы дене салмағына 2 мг/кг аспауы керек. Бұлшықетке. 1 айдан 12 айға дейінгі балалар: 5мг (ампуланың ¼ бөлігі- ерітіндінің 0,25мл); 1 жастан 6 жасқа дейін: 10мг (ампуланың ½ - ерітіндінің 0,5мл); 6 жастан 14 жасқа дейін: 10-20мг (ампуланың ½ - ерітіндінің 0,5- 1мл).1 жасқа дейінгі, жаңадан туылған және шала туылған балаларға қарсы көрсетілген.