M05BA04 Алендрон қышқылы (Alendronic acid)

Қолдану көрсеткіштері

Климактериялық остеопорозды емдеу (омыртқаның және ортан жіліктің сыну қаупін төмендету).

Клинические протоколы:

Қарсы көрсеткіштері

Өңеш аномалиялары және өңештің өткізгіштігін қиындататын басқа да факторлар (ахалазия, стриктура); науқастың тік қалыпта қалуға қабілетсіз болуы (тым болмаса 30 минут бойы отырған күйде); алендронатқа немесе препараттың кез келген компонентіне жоғары сезімталдық; гипокальциемия.

Қауіпсіздік шаралары

Препарат ас қорыту жолдарының жоғары бөліктерінің шырышты қабықтарын жергілікті тітіркендіруі мүмкін. Сондықтан пилоропластиканы қоспағанда асқазан-ішек жолдарының жоғары бөліктеріндегі хирургиялық араласуларда, асқазан-ішек жолдарының жоғарғы бөлігінің дисфагия, өңеш аурулары, гастрит, дуоденит, ойық жара немесе асқазан- ішектен қан кету сияқты ауруларында сақтықпен қолдану тиіс.

Дәрілік заттармен өзара әрекеттесуі

• Аминогликозидтер (мысалы, гентамицин) - гипокальцемия дамуының жоғары қауіптілігі; • Антацидтер, алюминий, кальций, магний, темір тұздары - пероралды бисфосфонаттар абсорбциясының төмендеуі;• СЕҚҚП - асқазан- ішек жолдары жағынан жанама әсерлердің жоғарылату мүмкіндігі.

Бүйрек жеткіліксіздігі

Қарсы көрсетілген.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Жиі: бас ауруы, тітіркенгіштік, іш ауруы, диспепсия, іштің қатуы, диарея, метеоризм, өңештің ойық жарасы, дисфагия, іш кебуі, қышқылды кекіру; бұлшықет, сүйек, буындардың ауруы;Жиі емес: жүрек айну, құсу, гастрит, эзофагит, өңештің эрозиясы, мелена; экзантема, терінің қышуы, эритема;Сирек: өңештің тарылуы, жұтқыншақтың ойық жарасы, асқазан- ішек жолының жоғары бөлігі ойық жарасының тесілуі және қан кетулер ; увеит, склерит, эписклерит, конъюнктивит, хиалит; есекжем, ангионевротикалық ісіну; әлсіздік, миалгия, кейде емдеу басында қызба, фотосезімталдылықпен бөртпе, симптоматикалық гипокальцемия, гипофосфатемия;Өте сирек: Стивенс-Джонсон синдромы, токсикалық эпидермалды некролиз, жақ сүйегінің остеонекрозы, ортан жіліктің атипиялық ұршықасты және диафизарлы сынулары, астения, перифериялық ісінулер.

Балаларда қолданылуы

18 жасқа дейінгі балаларда қарсы көрсетілген