L03AB07 Бета-1a интерфероны¹ (Interferon beta-1a)

Табиғи немесе рекомбинантты интерферон-бетаға, адамның сарысулық альбуминіне немесе препараттың кез келген басқа компонентіне жоғары сезімталдық; ауыр депрессия және/немесе суицидтік ойлардың пайда болуы; дәстүрлі еммен нашар бақыланатын эпилепсия.

Депрессиядан зардап шегіп жүрген немесе депрессиялық бұзылыстары бар науқастарды емдеген кезде қолданбаған жөн. Бұрын құрысу ұстамаларынан зардап шеккен науқастарға сақтықпен қолдану қажет. Тұмауға ұқсас синдром дамыған жағдайда антипиретик-анальгетик дозасын ұсынылғаннан тыс арттырмаған жөн. Жүрек-қантамыр жүйесінің аурулары: стенокардиясы, бастан өткізген миокард инфарктісі, жүрек функциясының декомпенсацияланған жеткіліксіздігі, аритмиясы бар науқастардың жағдайын мұқият бақылаған жөн. Бауыр функциясының бұзылу белгілерінің дамуы мүмкін болғандықтан, науқастардың жағдайын, әсіресе, егер интерферон басқа гепатоуытты препараттармен бірге қолданылса, мұқият бақылау керек.Интерферон бета-1 / альфа - вирустың енуіне организмнің иммундық реакциясын жоғарылататын құрал. Олар көптеген ауруларға иммуномодуляторлар ретінде қолданылады. Алынған кезде тұмауға ұқсас белгілер пайда болуы мүмкін, бірақ, әдетте, олар өте жұмсақ түрінде болады. Олар қысқа уақыт ішінде күн сайын тері астына, бұлшықет ішіне немесе көктамыр ішіне инъекция түрінде тағайындалады, кейде инъекция орны ісініп, ауырсынуы мүмкін, бірақ емделуден кейін белгілер тез жоғалады. Кейбір пациенттердің қан анализі бауыр функциясының өзгеруін көрсетеді, бірақ бұл препарат тоқтатылғаннан кейін де өтеді. Кейбіреулер депрессияға ұшырады, тіпті өз-өзіне қол жұмсау туралы ойлары болды. Егер сізде бұрын-соңды қатты депрессия болса немесе өз-өзіне қол жұмсау туралы ойлар болған болса, сіз бұл дәрі-дәрмекті қабылдамауыңыз керек, кез келген жағдайда дәрігерге міндетті түрде хабарлауыңыз керек.

Интерферондар Р450 цитохромы жүйесінің бауыр ферменттерінің белсенділігін төмендетуі мүмкін, тар терапиялық индексі бар және клиренсі Р450 цитохромы жүйесінің бауыр ферменттерінің қатысуымен, мысалы, эпилепсияға қарсы препараттармен және кейбір антидепрессанттармен басым жүзеге асырылатын дәрілік заттармен бірге тағайындағанда сақ болу керек.

Бүйректің айқын бұзылыстарында сақтықпен қолдану.

Бауырдың айқын бұзылыстарында сақтықпен қолдану.

Клиникалық қажеттілік жағдайында жүктілік кезінде қолданудың орындылығын қарастыруға болады.

 Емізу кезінде қолдануға болады.

Өте жиі: бас ауыруы, тұмау тәрізді синдром: қызба, қалтырау, қатты тершеңдік, бұлшықет ауыруы, әлсіздік.Жиі: лимфоцитопения, лейкопения, нейтропения, гематокриттің төмендеуі, қанда калий мөлшерінің жоғарылауы, қанда мочевина азоты мөлшерінің жоғарылауы, бұлшықет спазмдары, мойынның ауыруы, миалгия, артралгия, аяқ-қолдың ауыруы, арқаның ауыруы, бұлшықет қимылының шектелуі, қаңқа-бұлшықеттің сіресуі, гипестезия, депрессия, ұйқысыздық, құсу, диарея, жүрек айнуы, анорексия, бөртпе, соғылулар, инъекция орнының ауыруы, инъекция орнындағы эритема, инъекция орнындағы гематома, бетке қан құйылулар, астения, ауыру, шаршау, әлсіздік, түнгі тершеңдік.Жиі емес: тромбоцитопения, алопеция, инъекция орнының ашуы, метроррагия, меноррагия.Сирек: ентігу, ангионевроздық ісіну, қышыну, везикулярлы бөртпе, есекжем, анафилактикалық реакция, анафилактикалық шок, жоғары сезімталдық реакциясы, диспноэ.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

16 жасқа дейінгі балаларда қолданудың қауіпсіздігі мен тиімділігі анықталмаған.