A10BA02 Метформин¹ (Metformin)

Қолдану көрсеткіштері

Ересектердегі 2-типтегі қант диабеті, әсіресе, диетотерапия және дене жаттығулары гликемияның жеткілікті бақылануын қамтамасыз етпеген кезде дене салмағы артық пациенттерде, 10 жастан бастап балалардағы қант диабетінің монотерапиясы ретінде немесе инсулинмен біріктірілімде.
    Клинические протоколы:
  1. Диабетическая нефропатия
  2. Дисфункция яичников
  3. Ожирение у взрослых
  4. Сахарный диабет 2 типа
  5. Сахарный диабет 2 типа у детей и подростков
  6. Артериальная гипертензия у детей и подростков
  7. Неалкогольная жировая болезнь печени у взрослых
  8. Цирроз печени у взрослых
  9. Женское бесплодие

Қарсы көрсеткіштері

Метформин гидрохлоридіне немесе қосымша заттарға жоғары сезімталдық, диабеттік кетоацидоз, диабеттік прекома, кома. Құрамында йоды бар рентген контрастылы заттармен біріктірілімде қолдану.

Қауіпсіздік шаралары

Пациенттерде лактатацидоз даму жағдайы болуы мүмін. Бүйрек қызметі қалыпты болған жағдайда, қолдану хирургиялық араласулардан 48 сағат бұрын және 48 сағаттан кейін тоқтатылуы тиіс.Маңызды! Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Дәрілік заттармен өзара әрекеттесуі

Метформиннің нақты өзара әрекеттесуі: ААФ тежегіштері - гипогликемиялық әсер күшеюі мүмкін; алкоголь - лактоацидоздың жоғары қаупі; кетотифен - бірге тағайындауды болдырмау (тромбоцитопения дамуы туралы мәлімделген).Диабетке қарсы заттардың жалпы өзара әрекеттесуі: алкоголь, анаболикалық стероидтар, холестирамин, МАО тежегіштері - гипогликемиялық әсер артуы мүмкін; нейролептиктер - гипергликемия дамуы мүмкін; антидепрессанттар (серотониннің қайта ұсталуының таңдамалы тежегіштері) - гипогликемия дамуы мүмкін; бета-блокаторлар - гипогликемияны ескертетін белгілер (мысалы, тремор) бета-блокаторлармен жасырылуы мүмкін; кортикостероидтар, диуретиктер, изониазид, аспарагиназа, және қандағы глюкоза деңгейінің жоғарылауын туындататын басқа да препараттар - гипогликемия әсері төмендейді.Ескерту: мұнда кейбір маңызды дәрілік өзара әрекеттесулердің қысқаша сипаттамасы берілген. Өзара әрекеттесуі туралы ұсыныстар және қосымша ақпарат алу үшін дәрілік заттардың өзара әрекеттесулері туралы ақпарат көздеріне немесе дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Бүйрекпен шығарылатындықтан, сарысулық креатинин деңгейін емдеуді бастамас бұрын, содан кейін жүйелі анықтау керек: бүйрек қызметі қалыпты науқастарға жылына бір реттен кем емес; қалып шегінен жоғары сарысулық креатинин деңгейі бар науқастарға, сондай-ақ егде жастағы пациенттерге жылына 2-4 реттен кем емес.

Бауыр жеткіліксіздігі

Қарсы көрсетілген.

Жүктілік

Қолдануға болмайды, гликемиядағы ауытқуларға байланысты ұрық ақауларының даму қаупін төмендету үшін, мүмкіндігінше инсулиннің көмегімен қандағы глюкоза мөлшерін қалпына келтіру қажет.

Жағымсыз әсерлері

Жиі: жүрек айнуы, құсу, іштің ауыруы және тәбеттің жоғалуы (бұл жағымсыз әсерлер емдеудің басында жиі туындайды және көп жағдайларда өздігінен қайтады).Сирек: дәм сезудің бұзылуы, аллергиялық тері реакциялары, атап айтқанда, эритема, қышыну және есекжем.Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Ішке, монотерапияда да, сондай-ақ инсулинмен бірге қолданылуы мүмкін. Әдеттегі бастапқы доза тәулігіне бір рет тамақпен бірге немесе тамақтан кейін 500 мг немесе 850 мг. Жоғарғы ұсынылатын дозасы 2-3 рет қабылдауға бөлінген, тәулігіне 2 г құрайды. 10 жасқа дейінгі балаларда тиімділігі мен қауіпсіздігі анықталмаған, препаратты қабылдау жөнінде ұсынымдары жоқ.Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.