J02AX06 Анидулафунгин (Anidulafungin)

Қарсы көрсеткіштері

Препараттың белсенді затына немесе қосымша компоненттеріне жоғары сезімталдық; эхинокандин класының басқа дәрілік препараттарына (мысалы, каспофунгин) жоғары сезімталдық.

Қауіпсіздік шаралары

Анидулафунгинді қолдану кезінде шокты қоса есептегенде анафилактикалық реакциялар тіркелген. Егер осындай реакциялар пайда болған жағдайда препаратты қабылдауды тоқтатып, тиісінше ем тағайындау керек.

Бауыр жеткіліксіздігі

Препаратты сақтықпен тағайындау керек.

Жүктілік

Қарсы көрсетілген.

Емізу

Қарсы көрсетілген.

Жағымсыз әсерлері

Жиі:  тромбоцитопения, коагулопатия,  гиперкалиемия, гипокалиемия, гипомагниемия,  тырысулар, бас ауруы,  беттің қызаруы,  диарея,гамма-глутамилтрансфераза, қанның сілтілік фосфатаза,  аспартатаминотрансфераза, аланинаминотрансфераза деңгейінің жоғарылауы, қандағы билирубиннің жоғарылауы, бөртпе, қышу, қандағы креатинин жоғарылауы,  электрокардиограммада  QT интервалының ұзаруы.Жиі емес:  фунгемия, кандидоз, псевдомембраналық колит, ауыз қуысының кандидозы, тромбоцитемия,  гипергликемия, гиперкальциемия, гипернатриемия,  көздің ауыруы, көрудің нашарлауы, көздің бұлдырлануы, жыпылықтау аритмиясы, синустық аритмия, қарыншалық экстрасистола, Гис шоғырының оң жақ аяқшасының блокадасы , тромбоз, артериялық гипертензия, құйылулар, жүрек айнуы, іштің жоғары бөлігінің ауыруы,  құсу, үлкен дәретті ұстай алмау, іштің қатуы, бауырдың функционалдық сынамаларының қалыптан ауытқуы, холестаз, бауырлық ферменттер деңгейінің жоғарылауы, жаппай қышыну, бел ауруы, инфузия енгізген жердің ауыруы,  қандағы амилазаның жоғарылауы,  липазаның жоғарылауы, тромбоциттер санының жоғарылауы, қандағы моцевина деңгейінің жоғарылауы, электрокардиограммадағы ауытқулар. Маңызды!  Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

18 жасқа дейінгі балаларға қарсы көрсетілген.