J01DD01 Цефотаксим¹ (Cefotaxime)

Қолдану көрсеткіштері

Үшінші буынды цефалоспорин: грам-оң және грам-теріс микроорганизмдерден туындаған инфекциялар (интраабдоминальді инфекциялар, сүйек және буындардың инфекциялары, тері мен жұмсақ тіндердің инфекциялары, тыныс алу және несеп шығару жолдарының инфекциялары); гонорея; Haemophilus туындатқан менингит және эпиглоттит, хирургиялық алдын алу.

Клинические протоколы:

Қарсы көрсеткіштері

Препаратқа аса жоғары сезімталдық (сонымен қатар басқа β-лактамдарға), ырғақ жетекшісі анықталмаған жүрекішілік блокада, ауыр жүрек жеткіліксіздігі, анамнезінде қан кету.

Қауіпсіздік шаралары

Педиатриялық тәжірибеде лидокаинді еріткіш ретінде қолдануға болмайды. Этанолды қолданбау. Кіші жастағы балаларға және созылмалы бүйрек жеткіліксіздігі, спецификалық емес ойық жаралы колиті, анамнезінде аллергиялық реакциялары бар пациенттерге сақтықпен тағайындау қажет. 10 күннен аса қабылдау кезінде шеткергі қан көрсеткіштерінің мониторингі қажет. Орталық көктамырға жылдам болюсті енгізу кезінде өмірге қауіпті аритмиялар дамиды. Көлік құралын немесе қозғалыстағы механизмдерді басқарудан бас тарту.

Дәрілік заттармен өзара әрекеттесуі

Пробенецид - көптеген цефалоспориндердің шығарылуын төмендетеді (қолданылуы мүмкін). Бактериостатикалық антибиотиктер (тетрациклиндер, хлорамфеникол) - антагонисттік әсер.Варфарин және басқа да антикоагулянттар - антикоагулянттық әсерлердің артуы және қан кету дамуы мүмкін, әсіресе цефазолин және цефтриаксонмен бірге қабылдау аясында.Алкоголь - дисульфирамды реакциялар түрінде уыттану дамуы мүмкін.Аминогликозидтер - нефроуыттылықтың жоғары қаупі.Маңызды! Мұнда дәрілік өзара әрекеттесулердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Бүйрек жеткіліксіздігі

Дозасын креатинин клиренсі мәніне байланысты түзету.

Жүктілік

Қолданбау.

Емізу

Қолданбау. Аз мөлшерде ана сүтіне енеді, қолданылуы мүмкін.

Жағымсыз әсерлері

Тері бөртпелерінен Лайелл синдромы және Стивенс-Джонсон синдромына дейінгі аллергиялық реакциялар; жалған жарғақшалы колитке дейінгі АІЖ тарапынан бұзылыстар; ОЖЖ тарапынан бұзылыстар (бас ауыруы, бас айналуы); бүйрек қызметінің бұзылысы (олигурия, анурия, интерстициальді нефрит); қанның зертханалық көрсеткіштерінің өзгеруі (эозинофилия, нейтропения, тромбоцитопения, "бауырлық" трансаминазалар белсенділігінің жоғарылауы, гемолитикалық анемия, гипокоагуляция, Кумбстың оң реакциясы және т.б.); суперинфекция.Жергілікті реакциялар: б/і енгізгенде, енгізген жердегі ауырсыну және инфильтрат, көктамыр ішіне енгізгенде - көктамыр жолындағы ауырсыну, флебит. Маңызды! Мұнда жанама әсерлердің қысқаша сипаттамасы берілген. Толық ақпарат алу үшін дәрілік препараттың қолданылуы жөніндегі нұсқаулығына жүгініңіз.

Балаларда қолданылуы

Балалар. Көктамыр ішіне (сорғалатып немесе тамшылатып) немесе бұлшықет ішіне (бұлшықетке терең). Инъекцияға арналған суда ерітеді. Инфузия үшін 0,9% натрий хлориді ерітіндісін немесе 5% декстроза ерітіндісін пайдаланады. 12 жастан асқан және дене салмағы 50 кг жоғары балалар: әрбір 12 сағат сайын 1 г. Ауыр инфекциялар кезінде әрбір 12 немесе 6, 8 сағат сайын 2 г. Ең жоғарғы тәуліктік доза 12 г. 2.5 жастан 12 жасқа дейінгі балалар: 3-4 енгізуге бөлінген, тәулігіне 50-100 мг/кг.Балалар: 2-4 қабылдауға бөлінген, тәулігіне 100-150 мг/кг, ауыр жағдайларда тәулігіне 200 мг/кг. Маңызды. Менингококкты инфекцияға немесе бактериальды менингитке (егер бөртпелер немесе септицемия жоқ болса) күдіктенген кезде, бензилпенициллин енгізуге қарсы көрсеткіші (мысалы, аллергияға байланысты) болған жағдайда және жедел түрде ауруханаға жатқызу мүмкіншілігі болмаған кезде ғана цефотаксимнің бір реттік дозасы енгізіледі. Көктамыр ішіне (немесе бұлшықет ішіне) 12 жастан асқан балаларға 1 г енгізіледі; 12 жасқа дейінгі балаларға - 50 мг/кг; егер пенициллиндерге немесе цефалоспориндерге анафилаксиясы болса хлорамфениколды қолдануға болады. 2.5 жасқа дейінгі балаларға тиімділігі мен қауіпсіздігі туралы деректер жеткіліксіздігіне байланысты қарсы көрсетілген. Препаратты тағайындауда және дозасын таңдағанда емдеудің ұлттық стандарттарына, арнайы емдеу мекемелерінің емдеу хаттамаларына, сонымен қатар қолданылуы жөніндегі нұсқаулығына жүгініңіз.